طريقة حساب القيمة الحقيقية للسيارات المستعملة !!!

طبعا بعد التاكد من سلامة جسم السيارة والمحركات
اي ان طريقة تحتسب كالتالي
ان يتم انقاص سعر ايجار السيارة الشهري من سعر السيارة كاش
لو كان القسط 1000 وتم استخدامها 12 شهر
ينقص من سعرها 12000 ريال . طبعا لو كانت بدون عيوب

أخوي أتأسف وأقلك إن طريقتك شبه خاطئة ..
أولاً ..
أهم شيء عند الناس المكينة .. يعني لو قدرت تأخذها عند ميكانيكي وتقوله شيكلي على المكينة ..
وهو راح يفك واحد بوجي ويركب فيه سلك وبيقيس البستم ويقولك إذا المكينة تمام أو لا ..
وهو في هذي الحالة بيشيك عليها إذا صار يبغالها توضيب أو لا ..
وبعدين تقوله شوف لي الجيربوكس لا يكون بيسرب زيت أو خربان ( ضعيف )
ثانيا ..
تقوله شوف لي إذا في تهريب زيت من أي مكان أو لا ..
ثالثاً ..
نشيك على الراديتر يعني تفك الغطاء وتشوف موية الراديتر إذا لونها بني تعرف إنها مصدية ..
و الراديتر يبغاله تسييخ أو تغيير ..
أو شبه بني تعرف إنها لسع بتقرب تصدي يعني ..
بس لاحظ إنه هنا ممكن هو يغير الموية ويحاول يغشك بس هذا مو منتشر عند المسلمين ..
وأصلاً الشغلة مو مكلفة مرة ...
رابعاً ..
وبعدما ننتهي من أهم الأشياء في الكبوت نجي لعداد الكيلو ونشوف السيارة كم ماشية ..
بس أنا ما أأيد الفكرة هذي عشان أغلبهم يوقف العداد ويمشي عادي ولا جاء يبيعها شغله ..
خامساً وأخيراً ..
أخيراً نجي لمظهر السيارة الخارجي يعني نشوف الصدمات والبوية وإذا كانت مسمكرة أو لا ..
بس إذا كانت مسمكرة ومبواية ما راح يمديك تعرف إلا إذا كان عندك خبرة وأصلاً ما راح بأثر في شكل السيارة ..
لكن في قيمة السيارة بيأثر كثيييييييير ..

أرجو أن ينبهني أصحاب الخبرة إذا عندي خطأ ..

وفي الختام أحب أقلك هذا ملخص لكل من يرغب أن يشتري سيارة مستعملة ونظيييييييفة ..
يعني بالعربي ما تحتاج معك خبير عشان تشتري السيارة وشغلة السمكرة تقدر تعرفها بعدة طرق ..
وأنا لا أنصح بشراء السيارة من تحت الميكروفون وامعارض التي لا تسمح بتقليب السيارة عند الميكانيكي ..
وإلى كل من يرغب أن يتعرف على الطرق التي تساعده على استكشاف إن كانت السيارة مصدومة ومسمكرة ومبواية
أن يبلغني على نفس هذا الموضوع أو على رسائل الخاص ..
حتى أضيفه في موضوع مسقل لأنه طويل شوي ..
أرجو أن لا أكون قد أطلت عليكم ............................................................... والسلام ..

أخوكم سوبرا ..