فرق بين تقنيتين في المحركات

شف SOCH نظام في طريقه حركه المكينه والـ HEMI اسم لمحرك ...

الـ SOCH و الـ DOHC و الـ OHV هذولا هن المكاين اللى تستخدم في السيارات حاليا مغير المكاين الرحويه اللى تستخدم في بعض من سيارات مازدا .. اما الفرق فهن :

SOCH فهي المكاين اللى تتميز بكامات علويه .. وهذا يتوفر فقط لـ المكاين اللى تتميز بعدد صمامات بأعداد فرديه مثل ثلاث صمامات او خمسه صمامات لان في هذي الحاله ماتقدر تستخدم كامين في الراس الواحد لان التوازن راح يكون صعب .. واشهر الشركات اللى تستخدم هالنوع هي مرسدس وفورد ...

DOCH هذي تتميز بوجود كامات بأعداد زوجيه مثل اثنين او اربعه اما الصمامات فهي برضوه تتميز بأعداد زوجيه مثلا لكل سلندر صمامين او اربعه او سته .. وهذي حركه جديده وهي اخر التطور في طريقه صناعه المكاين واشهر الشركات اللى تستخدم هالطريقه هي BMW نيسان تويوتا واكثر شركات العالم تستخدم هالطريقه ...

OHV هذي اقدم طريقه في صناعه المكاين وهي تعتمد على كام واحد في النص وبـ صمامين لكل سلندر ولذلك تلقى سعه هالمكينه كبير سواء للـ سته سلندر ولا للـ ثمانيه سلندر .. ونادر من الشركات تعتمد على هالصناعه واشهرهن GM وميتسوبيشي والدوج ...

ولكل طريقه لها عيب ومميزات من كبر الحجم ومن صعوبه الصيانه ومن تعدد الاغراض ومن صعوبه الصناعه ...

اما الـ HEMI فهو اسم اطلق على محرك الثمانيه سلندر في الدوج نفسه نفس الـ LT_1 و LS_1 وانت رايح من هالاسامي اللى تعتمد على اشياء معينه يضعها الصانع نفسه ...

وان شاءالله هذا اللى تبيه من سؤالك واسف على الاطاله