السلام عليكم
مساك الله بالخير يالغالي
حبيبي انا بتكلم معك بكل صراحه وبعيد عن التعصب
اخوي عنده لكزس اي اس 2000 المهم يالغالي مدخله الوكالة من اسبوعين ونصف الاسبوع
طبعا هو دخله لهم قبل اربع شهور وخذو منه 8650 ريال صيانة خفيفه ؟
والان دخله مره ثانية وحاط تحت الحساب 3500 ريال وللاسف كراسي المكينة غير متوفره عن ابو جميل ؟
المهم اصر على انهم يعطونه موتر الى ان عطوه 2005 والصراحه الموتر حلو وفخم وهذا ماعليه كلام
بس بقارنه بنفس الفئه الشكل القديم
من ناحية عزل المكينة القديم افضل بكثير يعني الجديد يوم سقته على 90 / 100 تسمع صوت للمكينة ؟
ثانيا العزل الصوتي جدا عادي وعلى 120 تسمع الاصوات الخارجية ودرجة العزل فيه عادية جدا
ثالثا الموتر عزمه ثقيل مره مره واذا جيت تربط الجلند فيه طقه غريبة
رابعا المركب في الخلف غير مريح ضيق والمراتب الخلفيه متساوية يعني المفروض تكون داخله شوي من تحت مثل الاول
خامسا مستندة الراس الاول تتحكم فيها لاكن الجديد ماتتحكم فيها
سادسا الصرفيه يختلف كثيرا عن السابق والصراحه صرفيته غريبه جدا مع انه 2005
سابعا الدركسون يشبه دركسون الهايلكس ؟ والطبلون جمس 79 ؟
ثامنا البدي حقه ضعيف مره وقابل للمخش بسهولة ؟
تاسعا الرساوه فيه مهيب مثل 2000 ربما لانه رفيع عن الارض ؟
عاشرا شكل من الخارج مقارب بنسبه كبيره للكامري 2005 شف الموترين من بعيد وراح تتأكد من كلامي
مميزاته :-
المراتب مريحه اكثر من الاول
مواصفاته اكثر من السابق وافضل بكثير
مايصرف على الخط الطويل وهذا اكيد لان كل ماكبرت المكينة قلة الصرفيه على الخطوط الطويلة يعني مثل الكابرس انا اضمن لك انه اقل صرفيه من الكزس اي اس على الخطوط الطويلة
الشنطة اكبر حجم
لم يتاثر الرحابة بين المراتب الخلفيه والامامية ولكن صارت افضل من الاول بقليل
الزنون افضل من الاول
------------------------
اخير الموتر حق دوران فقط بيني وبنيك يعني ماينفع لشخص معه عائلة او حق خطوط او حق سرعه ومقاومات
تحياتي لك
90 \100
تسمع صوت المكينة
معليه اخوي اسمحلي غلطان يمكن انت مجربها يوم ولا يومين انا كل يوم اجربها وصوت المكينة اصلا ما ينسمع بالقوة انا اسمعه يوم اطفي المسجل واسكر الدرايش..
العزل الصوتي فيه عادي جدا؟ يمكن انتا تقصد على سرعة 180
وعلى فكرة عند المسجل فيه نظام اسمه ASL وهوا يقوم بدورها يرفع صوت المسجل لو حس بأي ضجيج سواء كنت فاتح الدرايش على سرعات عالية وا رافع فتحة السقف على فوق علشان ضمن لك اقصى درجات الراحة والهدوء
وبتحلاظ انه صوت المجسل بيتوطى لمن تهدي بالسيارة
عزمة ثقيل تدري لييه
لأنه ما يرد نمر علشان ما تسمع صوت الموتر وبلاحظ لو كتمت بتسمع صوت الموتور وهوا مكتوم علشان ماتنزعج من صوته
طقة غريبة؟ لا لا انا متأكد اخوي يا انتا ببتكلم عن اشياء غريبة او انه الموتر الي اعطوكم الوكالة حق تجربة وطالع من حادث اليم
المركب من ورا عادي جدا لكنه مو مرييح؟!! معقولة هالكلام يطلع من مشرف ..؟
الصرفية انا اشوفها تمام التمام
والدركسون يشبة دركسون هايلوكس بس يكفيك انه مخشب من خشب العاج... تعرف وش هو العاج؟ هو قرن الفيل
ومغلف بالجلد وجلد ولا اروع احلى من دركسون الكابريس رويال قطع قد اصباعي الصغير خشب ويا ريتها خشب بلاستيك
مقوى ولا المونيوم ويضحكون علينا
كيف البدي حقه مرة ضعيف وقابل للمخش بسهوله
البادي اذا كان ضعيف ما تحمل صدمت مع اني اراه متماسك جدا
والمخش اذا كانت البوية سيئة
والله حيرتني معاك اخوي..؟؟!!
شكل من الخارج قريب من الكامري اخوي انتا ملاحظ انه السيارة تختلف عنه من الصدام الأمامي للخلفي وتبغا تتأكد روح
شوف مثلثات الكامري ومثلثات اللكزس وبتعرف وش اقصد اصلا مستحيل تقلب الكامري لكزس لأنه قصة البادي تختلف
وابشرك اخوي ووزن اللكزس اثقل من القراندي
بالمناسبة كيف المكينة زي ماهي بس انه في عام 2002 سارة قوتها 232 بدال 213 حصان واضافو عليها نظام VVT-I
ومين قالك لك انه ما ينفع لحق عائلة؟
روح اسأل مندوب مبيعات لكزس ويقلك مين هما الفئات الي تشتري هالسيارة
من مراهقين لشباب لرجل توه متزوج لشايب كبير واخير لسواق عائلة....وفعلا هوا ماهوا حق سرعات ومقاومات حق عائلة حق خطوط ح راحة نفسية وهدوء داخلي جميل جدا ومواصفات لاتجدها حتى في الكابريس رويال
اخوي متى تتعلم شفروليه وضع قير اوتو 5 سرعات بدال الأربع سرعات متى تتعلم وضح ستارة كهربائية تعود للخف عند وضعية R متى تتعلم شغلة اسمها زينون متى نسمع كابريس ولا لومينا يمشون في الظهر مالها حس ولاصوت عالي جدا؟؟؟
اخوي لا تزعل مني بس كل نقاط العيوب الي ذكرتها كلها غلط
وانتا مجرب السيارة يوم او يومين او اسبوع
بينما انا عندي سيارتي الخاص استخدام شخصي
وواحد من اخوياي عنده السيار من يوم ما نزلت اي 2002 وهوا خويي الروح بالروح واغلب الأيام معاه يعني السيارة حافظها من الطق طق للسلام عليكم
اخوي تقدر تنكر عند وضعيك نظام التعليق للكومفورت انها سارت الين من الكروان فكتوريا؟
وعند وضعها لوضيعة سبورت سارت قاسية اكثر من الأكورد .......
وبيني وبينك اخذلي موتر شيك في يدي مواصفاته احسن من الكابريس رويا ومضمون وصيانة ولا احلى ووكالة ولا احلى وقطع ولا احلى اصرف لي كابريس رويال الي يتمتع بمكينة جبارة وراحبة داخلية .. وبعدين؟
اتمنى انك تسأل اصحاب الرويال ومشاكلهم معاها...
عموما انا اسف على ردي بهالطريقة
...وشاكر ومقدر لك اخوي على ردك
