الاثنين 29 يونيو 2026
عاجل

استفسار عن طريق الرياض - دبي ؟

منتدى السيارات العام مغلق
9 رد 8,509 مشاهدة 6 مشارك الأقدم أولاً
D
Dr.abab_ab @user_4117 · 26-08-2005
سلام شباب ،،،


أنا إن شاء الله مسافر دبي وبغيت أعرف الطريق ....


لأني سمعت أنو فيه طريق جديد من عند الخرج وحرض....


وما هو أفضل وقت للسفر ( يعني مايكون فيه عج ) ؟


تشكراتي ،،، |3| :cool:
D
Dr.abab_ab @user_4117 صاحب الموضوع · 29-08-2005
والله مدري كيف أشكركم ياشباب ........


الصراحة انكم تعجبون الواحد اذا ما كان له إلا ناس مثلكم أجاويد........


أخوي أسعد عمر قلي :


أشكرك عالرد وعساك استمتعت بالرحلة.....



أخوي كابـSSـــرس :

مشكور حبيبي وأتوقع أني بروح من عند الهفوف......



أخوي Night Hawk :

الله يسلمك حبيبي .....



أخوي mt252542 :

الله يجزاك خير على هالنصايح الحلوه بس للأسف قررت الذهاب من عند الهفوف....... والله يوفقك.......



أخوي فني سيارات :

ماقصرت على هالتوصيف والله يجزاك خير ..........




ترى بجبيب لكم هدايا من هناك واللي يبي شيء لا يستحي يقولي وان شاء الله أقدر أجيبه له.......


سلام شباب......
ف
فني سيارات @user_8460 · 29-08-2005
افضل وقت الفجر توصل الظهر

او تمشي في الليل عن الغبار و الحر و التراب ولكن تحاسب من الطريق في الليل الرؤيه تكون محدوده ويمكن تنعس و الواحد يخاف من الجمال
بس طريق الاحساء الحين تمام خالص كله مع مركز لحدود طريقين يعني مزدوج
ف
فني سيارات @user_8460 · 29-08-2005
الله يسلمك تروح طريقك كانك بتروح الهفوف وتدخل الهفوف احسن من طريق الخرج
وتطلع طريق سلوى كأنك بتروح قطر
بعدها تروح يمين على اللوحة دولة الامارات
توصل البطحا وتكمل بطريق السلامة ان شاء الله من حدود الامارات حتى دبي تقريبا 4 ساعات
س
سعادة الدكتور @user_11863 · 29-08-2005
من الخرج الى البطحاء " الحدود السعودية الاماراتية" 470 كم
من البطحاء للغويفات " الحدود الاماراتية " 2كم
من الغويفات لابوظبي 380 كم
من ابو ظبي لدبي 130 كم

المجموع 980 - 1000 كم تقريبا

نصيحة

1- حاول انك تمشي بالليل لانه بالنهار وخصوصا من الساعة 10 صباحا الى العصرية الطريق كله رمل وسافي

انا راحت على واجهة السيارة من هالطريق

2 - حاول انك تشغل النور على العالي

3- حاول انك تفلل السيارة بالبنزين فل من الخرج

4- الطريق وانت راجع تلاقي فيه رمل على الطريق

5- لا توقف لاحد لانه الطريق مقطعه

6- حاول انك تأمن 100 ريال في الحدود الاماراتية / 10 أيام كحد ادنى

7- لاتحرك سيارتك في دبي وخذ تكاسي .. لانه سواقتهم مره نظامية واحنا غشاما واكثر شعب نسوي حوادث في الامارات


ورحلة موفقه
D
Dr.abab_ab @user_4117 صاحب الموضوع · 29-08-2005
اوكي شباب حتى بالليل فيه عج ؟


والطريق اللي من عند الهفوف من وين اروح له ؟
C
CamSHAFT @user_6565 · 27-08-2005
الطريق كالتالي:
الرياض- الخرج
اذا وصلت الخرج بعد البرج لف يسار (أول لفة أو ثاني لفة..اسأل هناك)
وبعدين الخط مسار واحد حتى البطحا بس تجي فترات يكون مزدوج
والمسافة من الرياض للحدود 560 كيلو تقريب (ممكن تنقص شوي اذا انت من جنوب الرياض)
ومن الحدود لأبو ظبي 380 تقريب
ومن ابو ظبي لدبي 140 كيلو تقريبا
يعني التوتال 1050 كيلو تقريبا تزود او تنقص شوية
بس الطريق داخل الامارات رائع ازفلته زين وفاضي ومسارين رايح ومسارين جاي
بس اللي من الخرج لين الحدود صحيح جديد بس تغطيه الرمال وغراز جنب الخط وعواصف تعدم وجهية السيارة
وما يمشى فيه بليل ابدا
بالتوفيق وتروح وترجع بالسلامة ان شاء الله
ك
كابـــSSـــرس @user_6060 · 27-08-2005
شف يطولي عمرك حرض ابعد عنه ليل ولا نهار

انا يوم اروح معي جمس 2001

رحت لدبي عن طريق الهفوف خط رائع جدا وكانوا يشتغلون فيه توسعه ايضا المهم انا صليت الفجر على الخط ووصلت الحدود الساعه 11 او 12 ماني متذكر بس الخط مريح مافيه الى وصلة مسافة حوالي 200 الى 150 متر سيئة جدا

وفي طريق الرجعه كنت محتار وتحسفت على هذه الحيره رجعت مع حرض

اول تمشي على خط واحد انت وتريلات المزارع والخط كله مغطيه عروق الرمال يعني مهدد بالانقلاب الله يبعده عنا وعنك انشاء الله

لذلك يخوك صح انه يطيح في عدد الكيلوات لاكني صدقني ردائة الخط تجبرك انك تطول في الساعات اكثر

تحياتي لك
أ
أبـــوبـــدران @user_19528 · 27-08-2005
اخوي انا رايح قبل شهر تقريبا

واهم شي تكون في الخرج وامامك اقل شي 5 ساعات نهار
لانه فيه تراب كثير وخاصه وانت راجع

وبالتوفيق
D
Dr.abab_ab @user_4117 صاحب الموضوع · 27-08-2005
يعني مافيه أحد بيرد .....


خلاص أنا زعلت.....