اساسيات التطعيس للمبتدء

مبروك السيارة بس ما قلت لنا ايش نوعها
أهم شي تنسم الكفرات الى 15 تقريبا واحيانا الكفرات الخلفية تحتاج لتنسيم زيادة
احذر ثم احذر ثم احذر من صعود الطعوس بسرعة..
يعني اول ما تطلع الطعس خفف السرعة وشل رجلك عن البنزين واكسر الطارة علشان تمشي على امتداد الطعس
لأن اغلب الطعوس تخفي خلفها (هاوية)
الرمال الناعمة افضل من اللي مشى عليها واحد قبلك
احذر انك تروح لوحدك وانت مبتدء..خل واحد خبير يطلع معك
حتى اذا صرت خبير فلا تروح لمناطق بعيدة بحجة انها نظيفة وبعدين ما يصير حولك احد وتتورط
يكون في علمك مهما بلغت خبرة الشخص بالتطعيس فلا يوجد الشخص الذي لا يغرز..
انا اعرف اهل القصيم وبريدة وهم اهل التطعيس ومحترفيه ومع ذلك يغرزون
وعمي مثلا له فوق 20 سنة خبرة تطعيس
ما فيه تتحداه ما يرقاه
احيانا يطلع للدهنا (وكلها نفود) ويجلس فيها 3-4 ايام ويمشي فيها 300 كيلو ويقطع عروق كثيرة ومع ذلك غرز احيانا مع ان سيارته باترول المكينة الجديدة 4800 سي سي!!!!!!!!!1
احذر المسايف تراه خطير جدا واعرف ناس ماتو فيه
راجع رابط الأخ صالح فور مور انفو