*** مشكله في أوبل اوميغا ... ياريت تساعدوني ***

WaLd_AlShArQiA @user_11589 · 28-08-2005

السلام عليكم ورحمة الله وبركاته ....

كيفكم شباب ... وشخباركم ؟؟؟

اولا احب اشكر القائمين على هالمنتدى الرائع المتكامل من كل النواحي :)

وابداء الان بمشكلتي مع هالسياره الغثه ( العله ) ...

كنت يوم السبت ماشي من الاحساء الى الخبر طبعا وصلت الخبر وعند مدخل الخبر لاحظت السياره تقطع ((( تتفتف ))))
طبعا استغربت ولما امشي بالسياره احسها ترتج وماترضي تمشي الا بالموووووت ...

يعني اذا ابي امشيها لازم اسايسها لحد ماتمشي .... اما اذا دعست على دواسه البنزين عشان ازيد السرعه اكثر ترتج السياره

وماادري من شنو المشكله ...

يمكن احد فيكم عنده الخبره الكافيه في هالنوع من المشاكل ... او صادفته نفس المشكله ...

طبعا السياره .... اوبل اوميغا موديل 2001 ... 6 سلندر .... حجم الماكينه 3.0

واسف على الاطاله ...

ولكم تحياتي ...
|3| |3|

al_sheakh @user_1914 · 02-09-2005

يا اخوان احتمال المشكله من البخاخات ادا كانت السياره بخاخات

WaLd_AlShArQiA @user_11589 صاحب الموضوع · 01-09-2005

مرحبا فيكم حبايبي كلكم ....

ابشركم السياره صارت تمام التمام ....

غيرت البواجي وفلتر البنزين

نوع البواجي حقت اوبل اصليه سعر الحبه في الجميح = 27 ريال *6 حبات =162 ريال

وفلتر البنزين =45 ريال

وشغل يدهم 100 ريال

المجموع =307 ريال

والورشه موجوده في شارع الكوت في الاحساء - وهي تبع الجميع اي سي ديلكو

والبواجي اللي راسين سعر الحبه 16 ريال
والبواجي اللي اربع روؤس سعر الحبه 27 ريال

بس في سؤال ايش الفرق بين البواجي اللي راسين واللي اربع روؤس ؟؟؟

وشاكر ومقدر تجاوبكم معي :)

تحياتي ...
ولد الشرقية ...

ابو الدواهي @user_18812 · 31-08-2005

اخوي الله يعينك وخبرنا وش يصير معك
لكن تعقيب على كلامك السيارة موعلة الوكيل هو العلة ودامرها الله لايوفقه
السيارة حلوة وبعدين المانية يعني لازم تطلب وبعدين شوف البي ام وشلون مشاكلها بالهبل وكيف دارجة مع الناس لان وكيلها صح ومقدرها موب رفيقنا ابوجمح ليته يعرف للسيارات الامريكية تبغاه يعرف للالماني مااقول الا الله يعجل بخسارته ولاوبعد اخذ وكالة ساب ما اقول الا الله يعين اهلها

WaLd_AlShArQiA @user_11589 صاحب الموضوع · 31-08-2005

هلا فيك اخوي الفني ...

مشكور على ردك ونصيحتك ....

وانا اليوم انشاءالله بروح الورشه وبشووف السالفه ....

وراح اوافيكم بأخر الاخبار ...

تحياتي

فني سيارات @user_8460 · 31-08-2005

شوف في الامارات الاوبل رخيصة وانا شفت في السكراب يبيعون نصف سيارة من الطبلون حتى الصدام بكل الي فيها 3000 ريال

بس حملها على تريلا وخلاص

اما عن اصرارك في تبديل البلكات ما اعتقد له لزمه اذا كانت سيارت ماتحتاج للبلكات حتى لو طولت معاك مب شرط يكون السبب منها

فك بلك واحد تقدر تعرف اذا خربان او لا

واكثر ظني ان العله من الطلمبة فقط لاغير

WaLd_AlShArQiA @user_11589 صاحب الموضوع · 31-08-2005

ياهلا فيك حبيبي ابو الدواهي ...

اليوم شفت واحد من الشباب عند ولد خاله اوبل 2002

وقال لي عن ورشه في الاحساء في شارع الكوت اسمها AC DELCO يقول عندهم فلبيني ممتاز ويعرف للسياره ...

انا انشاءالله بكره بروح واشوووف شسالفه ....

طبعا بتقولوون ليه من يوم السبت لليوم ماوداها .... لان عندي دوام اول ليل :( وبكره اوووووووووف :)

وراح نوافيك بكل شي جديد ...

وارجع اقوووووول الله يعيينا على العلل اللي عندنا :(

تحياتي ....

ابو الدواهي @user_18812 · 30-08-2005

اخوي ولد الشرقية في البحرين نفس السعر عندنا لكن اللي جبتهم من الامارات مو اصليين بس موتقليد يعني صناعتهم ماليزية بس مصنوعات خصيصا للاوبل اوميجا وانا مركبهم ولافيهم اي تهريب كهرباء وراكبين مية بالمية بس اللي يخليك تاخذهم فرق السعر
واي شي تبغاه انا حاضر

WaLd_AlShArQiA @user_11589 صاحب الموضوع · 29-08-2005

هلا فيك حبيبي ابو الدواهي ....

والله انا اليوم اتصلت لوكاله البحرين ... ابي اشوف بكم قطع الغيار عندهم اذا في فرق يستاهل بروح البحرين اشتريها ....

والبواجي لها سنه ماغيرتها ... بس انا ماعندي مشاوير بالسياره كثير .... ولااسافر واجد ....

وسعر اسلاك البواجي في الامارات ممتاز والله ..... بس هل هي اصلية ؟

والله يعييينا على هالعلل اللي عندنا :(

واي خدمه انا حاضر ...

ولك تحياتي ....

ابو الدواهي @user_18812 · 29-08-2005

اخوي ولد الشرقية بالنسبة لاسلاك البواجي مااظن انها منها ولا البواجي بس كم لك ماغيرت البواجي
يمكن من الفلتر او الطرمبة
وبالنسبة لاسلاك البواجي انا جبتهم من الامارات ب300 درهم المسالة مومستهالة 1000 كل المسالة سلك يوصل كهرباء
وسؤالي للفني عند التقطيع الي عندي يقولي مكانيكي متخصص اوبل ان المشكلة ممكن تكون من وجيه الرووس هل هذا صحيح
اذا كان كل شي فحصته سليم

WaLd_AlShArQiA @user_11589 صاحب الموضوع · 29-08-2005

شكرا جزيلا لتفاعلك مع الموضوع اخوي الفني ...

انشاءالله بغير البواجي واذا ماظبطت بغير فلتر البنزين ... واذا ماظبطت الله يعييينا على الوكاله :(

ولك تحياتي ...

فني سيارات @user_8460 · 29-08-2005

مش لازم الاسلاك مادام انك مش متاكد ان العله منهم
ونحن في انتظار ماتريد

WaLd_AlShArQiA @user_11589 صاحب الموضوع · 29-08-2005

اشكرك على ردك حبيبي فني السيارات ...

والتطورات اللي حصلت معاي لليوم .... اتصلت للجميح وسألتهم كم سعر البواجي قال 100 ريال ... واستانست لانها رخيصه بالنسبه لسياره عله مثل هذي ...

وبعدين قلت له ووايرات البواجي كم سعرها ... قال اممممممممم وقام يطقطق عل الكمبيوتر وقال لي 930 ريال ... الظاهر الاسلاك من ذهب :)

المهم نتتظر ردود الباقي ولا هانوووو اللي ردوووو على ...

بس يمكن يرد على واحد حصلت له نفس المشكله ....

تحياتي لكم جميعا :)

فني سيارات @user_8460 · 29-08-2005

السلام عليكم و رحمة الله و بركاته

اعتقد ان المشكله في فلتر البنزين يحتاج تبديل
او طلمبة البنزين نفسها واذا هي كهربائية يمكن الكهرباء ماتوصل بشكل سليم لها او هي تحتاج تبديل

هذا اذا كانت البواجي ولاسلاك على مايرام

WaLd_AlShArQiA @user_11589 صاحب الموضوع · 29-08-2005

شكرا اخوي ابو الدواهي على ردك ...

والله المشكله توها صايره معاي من يوم السبت ولحد الحين ماوديتها ورشه .... ولا ابي اوديها الوكاله لانهم زي ما انتوو عارفين انهم نصابين ...

وانشاءالله اي شي يستجد في الموضوع راح اخبركم ....

وفي انتظار ردوود باقي الاعضاء ....

ولكم تحياتي ...

ابو الدواهي @user_18812 · 29-08-2005

اخوي ممكن المشكلة من الطرمبة
انا معي نفس سيارتك لكن المشكلة الي فيها وما لقيت لها حل الى هالحين هي ان السيارة لما تسخن تبدا تقطع لاصارت واقفة عند الاشارة لكن لما امشي ماتقطع ابد وايضا في الليل لمايبرد الجو مايصير فيها اية تقطيع
مع العلم اني غيرت بواجي واسلاك وكتاوت طرمبة البنزين وفلتر البنزين وتيتي تيتي رحتي مثل ماجيتي وكشفت عليها كمبيوتر ماطلع فيها شي
اخوي اذا كان عندك اي خلفية ياليت تفيدن
صرنا في الهوا سوا اعانني الله واياك على ها العلل