شباب وش الحل مع الحرارة

مشكور اخوي نيسان للأبد ويعطيك ألف عافية وجزاك الله خير طيب معليش بثقل عليك شوي فلنفرض ان طرمبة الموية خربانه هل ترتفع الحرارة والسيارة واقفة ولا لا لأن موتري إذا كان واقف حرارته طبيعية بس إذا مشيت تبداء ترتفع وإذا دعست ولا مسكت خط يعني مثلاُ من مخرج (7) إلى كبري الفحص توصل (H) هل هذا يعني انه من الطرمبة لأني بصراحة فتحت الرديتر والسيارة باردة وأشوف المويه عادي يعني ماتتحرك وطبعاً إذا كانت حارة وفتحته انواع الحفلات .....

شوف اذا فتحت الرديتر ولقيت الموية تتحرك بقوة اعرف ان الطرمبة حقت الموية سليمة اما اذا العكس فمعناه ان الطرمبة خربااانه غيرها

أخي الغالي
في الماكينة قطعة صغيرة ما أعرف أسمها
وظيفتها احتباس الماء في الماكينه واذا صارة السيارة حامية أنفتحت هذه القطعة لتبادل الماء مع الديتر
واذا صارة هذه القطعة خربنه فان المكينه ستحتبس الماء في الماكينه وترتفع حرارة السيارة لعدم مرور الماء من الكينة الى الديتر العكس صحيح
اعتقد اسم هذه القطعة ترموستار
يمكن هذا اسمها

RoadKillz28 ،نيسان للأبد :أولاً احب ان اشكركم اخواني جزيل الشكر على مروركم ومشاركتكم الفعاله وجزاكم الله خير

أخواني أغلب اللي ذكرتوه غيرته الرديتر والبلف والمروحة سليمة وتشتغل والحمد لله

ماباقي معي غير طرمبة الموية كيف اعرف انها خربانه؟

وجزاكم الله خيرا

salehzahrani: يبه الوكاله عندنا الله بالخير لا وأزيدك من الشعر بيت اليوم اكتشفت حاجة
مسجلين لي انهم غيرو لي وجه بلف الحرارة والأخوان حاطين لي كرتون يعني (شغل تلفيق) ومسجلين بعد انهم مغيرين الوجه حق طرمبة الموية والطرمبة ما انفكت أصلاً ،عندي موعد يوم السبت القادم معهم وشكلي بمسك الهندي حقهم وأطبق عليه كل الحركات اللي تعلمتها بالتايكوندو والجوت كندو عموماً مشكور أخوي على مرورك ومشاركتك وجزاك الله خير

[size=5]انا استغرب ان الوكالة ماحلو مشكلتك

الحقيقة مشاكل الحرارة احيانا تكون معقدة واذا ماشخص السبب بدقة من البداية يؤدي الى خساير مادية

انصحك انك ماتتنقل من ورشة الى ورشة واثبت على ورشة وحدة علشان الورشة تتحمل تكاليف الاخطاء في التشخيص

[/size]

شيك على طرمبة الموية وبتلقاها خربانة غيرها وراح تدعيلي

اخوك

توجد اسباب عديدة:
صمام "الثرموستاتيك" الصمام الذي يتحكم في توجيه الماء (الى الراديتر اذا ساخن او على طول للمحرك اذا كان معتدل) ... ربما عطلان في وضعية الاغلاق.

مقياس الحرارة الموجود على المحرك . يحتاج لتغير

غطاء الراديتر ما يمسك الضغط المتكون من بخار الماء. يحتاج الى فحص/تغير.

المراوح او حساس الحرارة للمراوح.

"الواتر بمب" (مضخة الماء) لا تعمل بشكل صحيح ... تحتاج لتغير.
....

عموما دائما خل البداية من الاسهل ثم الى الاصعب وذلك لتوفير التعب والنقود .... كان يجب الابتداء في الاشياء الصغيرة لحل المشكلة وبعدين الراديتر.

اتمنى لك التوفيق.

شكراً استاذ بشار على اهتمامك ومشاركتك

استخدم ماي رديتر اخضر عادي.