3 جيوب محتار فيهم وابي رايكم لاهنتم ؟

lexus4ever · 2005-09-16T06:20:38+03:00

اولا السلام عليكم ورحمة الله وبركاته ابي رايكم اخواني في 3 جيوب احتمال اني اشتري واحد فيهم . 1. جمس دينالي : شبابي وحلو وجذاب بس اخاف انه يتغير شكله بسرعة واحتمال انه يتغير في 2006.او 2007 2. جيب لكزس ال اكس 470 قوي ويدوم ومصنوع من افخر انواع الجلد والخشب بس شكله مو شبابي ولا يلفت النظر وص

عبدالعـزيـز @user_12072 · 16-09-2005

اخوي
اليوكون دينالي 2006 نزل في الاسواق الامريكيه بس توه مانزل عندنا بس ماحصل تغيرات عليه بس اضافو
لون جديد من الداخل ومن بره والشكمان كبروه وخلوه نيكل بلمعه
هذا الرابط الصور
http://www.gmc.com/yukon/photos.jsp#pageWrapper
اما متى يتغير في شهر اربعه او خمسه ميلادي عام 2007 الله اعلم

ومن قال ان ديكور الجمس يتفكك اول مره اسمع ذا الكلام مع ان عندنا واحد 2002 لا تفكك ولا يحزنون
الي يتفكك اللكزس اذا دخلت فيه لبر مايتحمل الكرف ياعني حق دلع

اما سؤالك من ناحية الافضل بالترتيب
من ناحية القوة والتسارع
يوكون دينالي
الكزس 470
الهمر اتش تو

من ناحية الفخامه
الكزس 470 مافي شك
الدينالي هذا رأي انا اشوفه افخم
الهمر منظر من بره

من ناحية التحمل
الجمس
الهمر
الكزس

هذا تقيمي انا من الي اشوفه بالواقع
مع تمنياتي لك بالتوفيق

اخوك
عبدالعزيز

HOLKAMANIA @user_18128 · 16-09-2005

السلام عليكم ورحمة الله وبركاته وبعد

شوف اخوي اذا كنت محتار في وحده من هالسيارات فأشوف ان اللكزس احسن

واذا تبغى نصيحة مجرب في جيب من فئتهم انصحك بالإنفنتي QX56 هذي السياره

تنسيك كل السيارات المنافسه و 3 في 1 تبيه عائلي صار عائلي تبيه حق بر صار حق بر

تبيه شبابي صار شبابي وفيه قوه هالجيب ماتقدر توصفها تقول جني راكب فيه

والفخامه والراحه هذي المهمه الي صمم عشان يلبيها

وأرجوا اني افدتك

وشكرا

الشمري @user_2215 · 16-09-2005

بسم الله الرحمن الرحيم

وعليكم السلام ورحمة الله وبركاته وبعد،،

[COLOR=Red]
أقتباس من الرسالة الأصلية lexus4ever
ابي رايكم اخواني في 3 جيوب احتمال اني اشتري واحد فيهم .
1. جمس دينالي :
2. جيب لكزس ال اكس 470
3 . هامر اتش 2 :
فماادري اش اشتري وياليت كل واحد مجرب يعطيني انطباعه بكللللل صراحة عن السيارة اللي مجربها .

أخي الفاضل lexus4ever قبل أن أدلو بدلوي أود أن اسألك هل أنت من عشاق البر أي من الأشخاص الذين يذهبون للبر بكثرة هذا جانب الجانب الآخر هل تسافر بالسيارة بإستمرار أم بين تارة وآخرى فحينما تجيبني على ما أشرت سوف أخبرك أيهما أفضل لك اذاً اصبح السائل مسؤول، وأنتظر منك الإجابة، ولك مني كل الود.

مع فائق احترامنا لشخصكم الكريم - الشمري
[/COLOR]

.

Queen Knight @user_12377 · 16-09-2005

والله يا خوي الصراحه انا ما احب ولا واحد فيهم :D

بس بما انك تبي اللكزس وهو بقيمه توصل 270 الف فليش ما تفكر بالرنج روفر اطلق منهم كلهم فخم شبابي ويلفت النظر وكل شي .. ولو كان غالي عليك روح لموديل 2005 مسوين عليه خصوم كبيرة .. اما اذا كنت مصر على واحد من المهابيل الثلاثه فانا من رايي .. <<<< احس اني بتكفخ على ذي الجمله :D

1 - جمس الدينالي زي ما قلت شبابي وحلو بس مشكلته يمكن يتغير قريب واحلا مافيه انه ارخص من الباقيين بكثير يعني مهما صار ما رح تتحسر عليه مثلهم

2 - اللكزس جبار لكن عيبه انه فعلا قديم واحتمال يتغير على 2008 مثل ما سمعت .. بس انا عن نفسي بين الثلاثه ذولي اشوف هو العملي من جد ..

3 - هامر اتش 2 انا اختاره بصراحه لو اني مكانك لكن بالنسبه للخامات وانها خفيفه فاتمنى يرد عليك احد مجربه مع اني ما اظن انها ممكن تتخلخل ..

اتمنى اكون افدتك ..