هناك عدت فروق مابين سواقة الحريم والرجال فيما لو ان الحريم ساقوا عندنا
وقلت خلني اسوي مقارنه مابينهم وصراحه طلعت بنتايج حلوه :
- مشاوير
الرجال الى: الدوام + البيت + البقاله + استراحة الشباب .
مشاوير الحريم: الكوفيره + المشغل + السوق + عزاء + عرس + حرمه والد.
- على الطبلون:
سيارة الشباب: فواتير+ اوراق التامين لجسر البحرين + طاقيه + صور من بطاقة الاحوال .
سيارت الحريم: مشموم + كيس زعفران+ شباصه+ صورت اخوها الي يشتغل بأرامكو .
- الاغراض المتواجده دائما في السياره :
في سيارة الشباب : شماغ على كرسي + عقال + مناديل كلها مخطان + قطف دخان ..
سياره الحريم :نقاب + طرحه مغسوله + مناديل كلها روج + علك نستكه +كعب مكسور+ مجلة سيدتي.
- في تكاية الكرسي :
سيارة الشباب: اشرطة + بكت دخان + ولاعه + نشره+ مسواك + ورقة بلوت .
سيارة الحريم : ديرمه + كحل + ورق نعناع + مثبت شعر+ حرمل + مشط مليانه شعر + شباصات.
شنطة السياره :
سيارة الشباب: اوراق وكتب الجامعه + علبة فيري منكبه + معسله + ثياب من اخر طلعت بر .
سيارة الحريم: قاروره مقري فيها + مزيل عرق + فازلين + شيره + حبل غسيل + صابون تايد
السوائل المنكبه على الكراسي:
الشباب : مويه + بيبسي + سفن
الحريم : مرق + كحل + طراش بزر.
السوالف في السياره:
الشباب : كيف الاسهم اليوم ؟ شفتوا مباراة ريال مدريد ؟ الدكتور اليوم ماحضر؟
الحريم : يووو ماشفتي فلااانه ترى سقطت ياحسسسسسره ؟ شفت فلانه لابسه معاضد يوو تقولين كانها زوجها يغرف فلوس من بير؟
- اذا بيعبي بنزين:
الرجال : عب فل ياصديق!!
الحرمه : عب ب40 بنزين وبخمسه موية لقاح!!
- عند التقاطع :
الشباب :ما يطالع يمين ويسار الا نادرا .
الحريم :تطالع يمين ويسار 20 مره .
- اثناء السياقه :
الشباب : مّبعد الكرسي لين اخره كانه منسدح وهو يسوق .
الحريم : ملزقة مقربة الكرسي لين اخره كانها سواق لموزين.
اثناء الانتظار عند اشارة المرور:
الشباب : يلعب بخشمه ويحك حالة حال اول مايقوم من النوم.
البنات : يحكون شعر روسهم .
- وضع الجسم اثناء السياقة:
الشباب : متكي يد ويسوق بيد ويدعس برجل والثانيه رافعها الى مستوى المكيف او شوي ويطلعها من الدريشه.
الحريم : متشعبطه في الدركسون بشكل كانه طوق نجات.
- اثناء السياقه وجا بيسلم على صديق:
الشباب : يضرب بوري خفيف او كبسه او غمزه.
البنات : تعلق عالبوري , وتقول: سارا حبيبتي وش لونتس (يقالها سمعتها ).
أثناء التحرش والمغازل:
اذا بنت تحرشت بولد , الولد يقول : ياقليلة الحيا يالي ماتستحين ماعندس اخوان انتِ ؟؟!!
اذا ولد تحرش ببنت , البنت تقول : ياقليل الحيا يالي ماتستحي ماعندك خوات انتَ؟؟
- اثناء كتابه المخالفه :
الشباب : اقسم بالله ماقطع الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها .
البنات : بلييز الله يخليك لأهلك لا تعطيني مخالفه بليز بليز,, وهي تناقز .
- اثناء الحادث :
الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره
- اثناء السواقه و أحد السيارات حدك :
الشباب : اسفط على جنب يابن ال؟؟؟ انا اعلمك وش لون تسوق يا ولد ال ؟؟؟؟, وين العجره بس؟
الحريم : ياحكييييييييييير يا حكييييير ماتشوف زين , رح ياجعل ريح تنشبك في لمبه انشالله.
- اثناء التفتيش:
العسكري لشباب : الرخصه والاستماره ووقف على جنب وفك التظليله؟
العسكري للبنات : يلعن ام حياة الشقا وين اروح انا الحين ,روحي دربك خضر ؟
- اثناء السياقه واحد البزران يصيح :
الشباب : كل تبن ويالله انطم لا اوقف وامسطك بالعقال ياللله!!<= يتكلم وهو يتفل
الحريم : يالله, بابا خلاص لاتصيح عشان اشتري لك حلاوه ؟
- اثناء السياقه لدوام والوقت متأخر
الشباب : الغتره عالكتف ,الثوب مازرر وبقايا السعبوله الناشفه على خده و غمس ممسوحه جنب عينه .
الحريم : الحكل ممسوح والروج كانها شاربه فمتو , تشوف الوقت تأخر تروح تأخر الساعه عشان تلحق.
