السلام عليكم ورحمة الله وبركاته
كيف حالكم أخواني وأحبابي أعضاء المنتدى ؟
إن شاء الله تكونوا بصحة جيدة |1|
قدر الله علي وسويت حادث بسيارتي والحمد لله عدت على خير وجات سليمة
طبعا زي ما أنتم عارفين السبب هوا السرعة والتهور :D
وهذا ثاني حادث لي وأنا معكم في المنتدى
لإني قبل سنة سويت حادث بالكومارو ونزلت الموضوع في المنتدى هنا
المهم
خذوها مني نصيحة لإني إنسان مجرب
لاتكثر من المطارحات والقومات لإنه النتيجة راح تطون سيئة جدا
وكنت راح أدفع حياتي ثمنا للمطارحات والقومات
أي نعم إنها هواية رائعة ورياضية جميلة لكنها خطرة جدا
والله يعين إن شاء الله ويقدم مافيه الخير
الحادث صار قبل فترة وكنت أطارح مع لومينا كوبيه 2006 عليها
هيدرز وقزوز سيستم وركزوا 2006 قير عايدي !!!!!؟؟؟ :D
وأنحرفت السيارة عن مسارها ( حاصت ) لإنه الشب عندي عالي جدا
والسيارة تفحط تفحيط شديد لما تعشق في الثاني لكني أستمريت
وماشلت رجلي عن دعاسة البنزين والكفرات تحرررق والسيارة بالجنب
وأنا في بالي إنها راح تتعدل وأكمل القومـة
المشكلة إنه عداد السرعة وصل لـ 170 -- 180 والسيارة اللي يشوفها
يقول ماشية حوالي 100 -- 110 !!!!
يعني الكفرات تحرررق بقوة والسيارة ماشية على مهلها
طبعا لما عدلتها وهيا على هذا الحال رمت بقووة ودخلت على الرصيف وصدمت
شجرتين عمر الشجرة 18 سنة ( يعني عرررريضة ) :D
والمشكلة إنه الشارع كان ضيق جدا ( مسارين فقط )
وصار اللي صار
السيارة تعرضت لأضرار كبيرة جدا خصوصا الشاصيه
والإيرباجات طلعـت والجربوكس انكسر والمكينة تضررت
وطبعا التشليح أنسب مكان للسيارة :D
والصور راح تبين
والحمد لله على كل شئ والواحد مافيه إلا العافية
والحديد يتعوض
