مقارنة .بليزر والباجيرو ...واريد حل عاجل ضروري

انا اشوف الباجيرو افضل لك..
وخصوصا فل كامل بسبب مواصفاته الجيدة..
عالعموم مبروك والله يعطيك خيرها ويكفيك شرها..

معك حق أخوي Night Hawk محرك البليزر 4.2 لتر وليس 4.6 مثل ما كنت أعتقد ... شكراً على تصحيحك المعلومة

بس القوة .. أعتقد إنها 294 حصان .. يمكن الإجمالية .. وإحتمال يكون صافي القوة هو 275 حصان

تحياتي

ليه ياشباب وش مشكلة التريل البليزر او مشاكله

تصحيح معلومة:
محرك البليزر 4200 سي سي
قوته 275 حصان فقط (وليس 294 كما تروج GM )
عزم التدوير الأقصى 374 نيوتن متر
____________________________________________
بالنسبة للباجيرو:
من ناحية التطعيس فانا سبق وتكلمت عنه في ردودي
وباختصار كنا 5 شباب ومعنا باجيرو ستاندارد (نفس المكينة اللي فوق)
وحنا من الوزن الثقيل ومعنا عفش حق 3 سيارات (طبعا طلعة بر خفيفة يوم واحد) (سيارتين برا الطعوس)
وما شاء الله عليه تطعيسه زي الفل

الباجيرو لاتشوف غيرو..



ولو تقدر تاخذ الفل اوبشن يكون احسن.

صل الاستخارة قبل كل شيء ..


تحياتي ..

الباجيرو افضل من ناحية الجودة وارتفاعة وايضاً السعة 3 مقاعد يعني 8 ركاب

وحسب ما سمعت انه راسي في الخط وفي البر يبيض الوجة

استخير ربك وتوكل على الله وخذ باجيرو وزي ما قالو الشباب اذا تقدر على الفل يكون افضل

خذ باجيرو ولو تاخذ المكينة الكبيرة منه يكون أحسن وأقوى عزم
والجودة أعلى بكثير من البليزر

أنا عندي باجيرو ربع فل كامل ... (يعني يحق لي أتكلم) :)

شف أخوي .. دام إن سعر الباجيرو اللي ذكرته هو 88500 فهذا يعني إنه مو كامل المواصفات .. ومكينته 3000 سي سي بقوة 188 حصان .. وهذي المكينة في نظري تعتبر ضعيفة نسبياً بأن تحرك باجيرو (قاعدة عجلات طويلة) .. يعني لو مكينته 3800 سي سي بيكون أفضل.

البليزر .. أنا ما جربته .. لكن أعتقد إنه أقوى من الباجيرو .. وعزمة أكبر بحكم إن مكينته 4600 سي سي بقوة 294 حصان

فـ أنا من وجهة نظري ..

في القوة .. أرجح كفة البليزر
في الجودة .. أرجح كفة الباجيرو
في التحمل .. الباجيرو (ياباني ويا عيني على الياباني)
في التشطيب الداخلي .. أرجح كفة الباجيرو .. وبصراحة البليزر قبيح مرة من داخل .. الأنفوي أحسن منه بكثير (وجهة نظر)
في التطعيس .. ما أقدر أحكم بس أعتقد البليزر أفضل .. لأن الباجيرو 3000 سي سي ثقيل .. لو إنه 3800 أعتقد يتفوق على البليزر
في نظام الدبل .. الباجيرو .. يتفوق وبجدارة .. خصوصاً مع نظام Super select طبعاً في وجود المكينة 3800 سي سي
نظام التعليق .. في نظري الباجيرو أفضل .. لأنه ما يستخدم دفرنش خلفي وهذا يسمح بأن يكون كل كفر مستقل بذاته ويعطي تماسك أكبر على الأرض وبشكل رائع.
في الإرتفاع عن الأرض .. الباجيرو
في المواصفات .. إذا كانوا الإثنين Full options أنا أجزم إن الباجيرو أفضل .. واللي مو مصدق .. يروح يشوف :)

وفي الأخير أحب أقول .. إن كل اللي ذكرته فوق يعتبر وجهة نظر .. وأنا مقتنع تمام الإقتناع بها

وحياكم الله

وأحب أنوه إن البليزر اللي أنت تقصده (بحكم السعر المذكور أعلاه) هو اللي بدون دبل .. لأنه لو بدبل بيكون سعره فوق الـ 100 ألف على ما أظن