ايهما افضل الRX لكزس اوFXانفنتي

مرحبا اخوي الوافي ان بغيت اليوم قبل بكرة ماعندي مانع

اهم شئ تكون لك تجربة مع اللكزس قبل الحكم عليه

قريت في جريدة الرياض يوم الجمعه عن مقارنة بين المرسيدس M والفولفو كان مذكور فيها انها منافسة لكل من BMW X5 وكاديلاك SRX ولكزس RX وفولكس واجن طوارق

هذا يدل على عدم الاستهانه بامكانيات اللكزس من جميع النواحي

وبالتوفيق

إلا فيه أحد ينكر ليش لا .... :) .....التصميم يتبع للذوق فقط .



اللحين الـ FX أقل بـ 15 ألف الظاهر ولا فيه شيء ....!!! ....ممكن تقول لي وين المبالغة ؟؟؟ :)



عشان أوضح لك ....تصميم الـ FX ( الداخلي )يتميز بالكآبة الشديدة وضيقة الصدر وهذا رأيي فيه ......ولا يمكنك أن تفرض رأيك علي ....ولا أنا يمكنني أن أفرض عليك وأقول إنه سيء وأنت تقول لا تصميم شبابي ورائع .



للمعلومية ........ حال FX ((( الموجود عندنا ))) <<< ركز على الموجود عندنا ......هو نفس حال كرايسلر C300 ....شكل فخم - هيبة - تميز- مكينة ........تركب السيارة تضيع العلوم هذي كلها ....مواصفات زفت ماتسوى .....سيارة شكل فقططططط ..


بالله عليك سألتك بالله الذي خلقك ::: سيارة <[( فــــــاخرة >]) ....مافيها حساسات ولا نفيجيشن ولا بلوتوث ولا كامير ...وش الغباء هذا :D

في المقابل ( الـ RX اللي جالس تتهزأ فيه ) أزود 10 آالف وأخذه ويجي 6 حساسات ونفيجيشن وكاميرا وبلوتوث وتخشيب كامل مع الألمنيوم أيضاً ( اللي جالسين تقولون إنه هو الفخامة الشبابية ومادري إيش من الحجج الواهية) ..!!




طيب ليش الـ RX مهب فوروييل ؟ :)




تحياتي ولا تزعل اخوي بس مجرد توضيحات ...

طيب اخوي لكزس وبس بعد الاختبارات انا اجرب اللكزس حقك وانت تجرب الانفنتي حقي وش رايك ؟؟

وشكرا

ياجماعه الخير التعصب ما ريح يجيب نتيجه

واهم شي الكل مقتنع بالسيارة الي معه وصعب على الشخص انه يغير قناعة الشخص الثاني الا عن طريق تجربة

انا ولله الحمد مقتنع بسيارة لابعد درجه ومرتاح منها من جميع النواحي صار لي حالياً سنتين ولا اشتكيت منها ولا قد خذلتين

لا في بر ولا في مجاكر خط وقومة من سيارة منافسة قوية

اخوي الوافي اتمنى انك تركب الآر اكس وتجربه على الطبيعة في اعتقادي انها راح تتغير نظرتك له بشكل جذري

انا صراحة من زمان كان ودي اني استاجر اف اكس يوم واحد واجربة

ان شاء الله قريب في الايام الجاية وراح اقولكم عن تجربتي لها

اعتذر على الاطاله

والله يوفق الجميع للخير ان شاء الله

الانفينيتي بلا منازع
***

المشرف الفاضل Salehhd انا لين الحين ماسك اعصابي ..

والاخ الغالي دجتل بدا يتمادى شوي ..

وعلى فكره

ككوني اشتري موتر واطير فيه علشان شكله الخارجي ..


ويا الحبيب يادجتل ترا المورانو 266 حصان ..

والأر اكس 253 حصان

والمورانو اخف وزنا واكثر انسيابيه في الشكل ..

مع وين بيروح الكامري البقس .. قصدي الار اكس ..


وبعدين تجي تقولي ماعندي خبره في انفنتي ؟؟

انا اخوي معه انفنتي كيو45 وباعها من قبل فتره بسيطه ..

موديل 2003 ...

و 24 ساعه فاك مانع الانزلاق .. وعلى كل لفه يزر .. واي اقرب طريق وسيع يجيب ام الطبلون .. ويمسكها خطوط .. ممشيها في سنه حوالي 80 الف كيلو !!!

ومدخلها البر !!

وش تبي بعد ؟

والسياره ماشيه ومن ابدع مايكون ماشاءالله .. لكن باعها واشترى باترول

..

وتجي تتفلسف وتقولي يتفكك ..

على العموم هذي حجه حبايب اللكزس ضد نيسان وانفنتي .. يتفكك ..

بس حبيت اقولك ترا ها المشكله راحت بإذن الله في الموديلات الجديده ..


وبعدين كلام الاخ نيساني على العين والراس ..

وهذي وجهه نظره وبالنسبه لواحد صعبه عليه يدبر 35 الف انا ماالومه وبالعكس المورانو سياره رااائعه لابعد درجه ..

لكن الشكل الخارجي اتوقع ان فيه فرق في الهيبه والرزه بين المورانو والاف اكس .. واظن تستاهل 35 الف ريال زياده .. لكن بالنسبه للي حاط ميزانيه 160 الف سياره فالانفنتي اف اكس سياره اكثر من مثاليه بالنسبه للسعر ..

ولا تنسون الاف اكس فورويل رياضي شبابي .. مب سياره بقس ومع كامل احترامي للكزس ار اكس ..


واعتذر من الاخ صالح اذا قلت كلام يسيء لسمعه المنتدى


وشكرا

السلام عليكم

الاخ الوافي والاخ دجتل ارجو الالتزام بأداب الحوار وترك التعصب

وشكراً

اخوكم
صالح

الاخ لكزس وبس ما قصر كفى ووفى وقال اللي كنت ناوي اقوله |1|
اخوي الوافي ما الومك شاري موتر وطاير به علشان شكله الخارجي وتقول انا متعصبين :)
كل اللي يمدحون اللكزس من تجربة طويلة لا تقل عن 5 سنوات مو مثلك ما صار لك الا كم شهر ومزعجنا وانا ابصم بالعشرة ان كل اللي صوتوا مثلك ما همهم غير الشكل الخارجي و لا جربو اي وحدة من السيارتين ولا فيه اي واحد صارت له تجربة طويلة مع الانفنتي واعرف واحد كانت معه احد سيارة انفنتي ويشتكي انها تتفكك مثله مثل باقي سيارات النيسان ويبيعونها بسعر اللكزس ؟ :(
و مثل ما قال الاخ نيساني2006 35 الف على ايش زيادة على المورانو و والفروق بسيطة جدا نفس الشاشة القديمة السودا وبدون نظام ملاحة وكاميرة و وبدون اي فخامة داخلية مقارنة بسيارات انفتي الاخرى والدركسون نفسه في باقي سيارات نيسان حتى الددسن نفس شكله وتقولون افخم من اللكزس :D


من وين جبت هالكلام :confused:
مكينة ال RX اقوى بالاحصنة والعزم ايضا اقوى مع انها اصغر سعة

اخوي ابوجودي لو سمحت لا تطلع كلام من راسك وتقول سواقه وانيت وتقعد تخربط علينا هي سيارتي وانا اعرفها ... ماشاءالله سواقه ولا احلى .. واخواني اللي معه بي ام 745 و بي ام 530 و همر و جاكور وباترول .. من رأيي الانفنتي احلى سواقه فيهم ..


وبعدين معليش ومع كامل احترامي لعشاق اللكزس ان الار اكس سياره شكلها الخارجي يسد النفس ومحد ينكر ها الشي .. وسعر مبالغ فيه والدليل شوفوه في الشوارع نازل من 2003 اعتقد ومع انه لكزس وشيك في الجيب وخرابيطهم كلها ذي الا انه ماطاع ينتشر الانتشار المطلوب وشوفو الانفنتي نازله من نص 2005 وماشاءالله منتشره وزي الحلاوه وشوفوا الوكاله الحين الطلبات عندها وين واصله .. بسبب شكلها الداخلي الرياضي و الشكل الخارجي الشبابي وله هيبه في الشارع .. شوف انفنتي واقف جنب لكزس وشوفوا الفرق الشاااااااسع ..

بعد انا كشخص ابي سياره حلوه مااروح اشتري سياره علشان اسمها لكزس وكم مواصفه داخليه وبس ..

اشتري سياره علشان شكلها الخارجي يكون فيه هيبه ورزه يعني حرام ادفع 170 وشكل خارجي زي الزفت !!

وأقسم بالله من ناحيتي انا المورانو اللي بـ128 انه احلى من الار اكس بمراااااااحل ومكينته اقوى بعد ..

ولا اشتري سياره بـ175 الف علشان كاميرا وشاشه ونافقيشن وبلوتوث .. وفي النهايه شكل داخلي وتخشيبه داخليه مستهلكه .. وشكل خارجي زي الزفت و مكينه عزمها طاااايح .. وشكل خارجي تقول سياره بوقس ..


واتمنى من اللي ماجرب الانفنتي او اللي حاقد على شركه انفنتي وبالذات الاف اكس يكرمنا بسكوته !!!


معليش على الكلام لكن الشباب نرفزوني شوي !!

ولا الحبيب اللي فوق ابوجودي يقول سواقه وانيت ..

شباب خلاااص بطلوا التعصب .. يعني لكزس نزلت سيارات احلى من الانفنتي .. وجا الوقت اللي انفنتي تكسر راس اللكزس حقكم الدايخ :D:D


واتمنى من الشباب محد يزعل بس صدق انا انقهرت


وشـــكرا

مرحبا اخوي بينز

بيني وبينك انا ماسبق لي اني عبيته بـ 60 ريال من شريت السيارة

متعود افلله 50 الى 55 ريال كحد اقصى واحياناً مايكمل يوصل 48 ريال

طبعاً المسافة الي يقطعها داخل المدينة تقريباً 480 الى 490 كيلو على حسب دعستك وسواقتك للسيارة يمكن تقل اكثر من كذا

يعني صرفية معقوله شوي مو مبالغ فيها

وبالتوفيق للجميع

السلام عليكم

الاخ بينز صرفية الجيوب العالية شي طبيعي واذا ممكن تفيدنا عن المسافة الي يمشيها ب60 ريال

على فكرة يااخوان ترا اللكزس الا ر اكس يصرف بنزييين كثير وعزمه ضعيف

ولد جارنا معه 2004 دايما اطلع معاه نتمشى تخيلو يعبيه بـ60 ريال ويتمشى كل يوم في الكورنيش يخلص خلال 3 ايام ويرجع يعبيه مع انه شيك في الوكاله قالو مافيه شي طبيعي

وبخصوص العزم هو فعلا من 0 لـ100 حوالي 9 ثواني

السلام عليكم

المثل يقول : لو لم تختلف الاذواق لبارت السلع

بالنسبة لابرز واهم مواصفات الار اكس 330 هي :



محركها سعة 3,3 V6 فيمتاز بتسارع رائع وهدوء تام وتوفير كبير في استهلاك الوقود. وتفوق سرعة سيارة RX330 سرعة أي سيارة SUV أخرى 6 سيلندر ، كما تتمتع بقوة وتسارع ناعم يوازيان سيارات بـ 8 سيلندر عملاقة بقوة حصانية مقدارها 252 حصان

==========================

من تجربتي للسيارة صراحة اعتبرها من افضل السيارت من ناحية مواصفات وتقنية وقوة عزم

بالنسبة للمقارنة بين ال،RX330 , FX

بكل صراحة وبدون تعصب الافضليه للكزس من اغلب النواحي

لو قارنا السيارة من ناحية الفخامة الداخلية تجد اللكزس تتفوق بكثير والكل اتفق على هالشي

اما من ناحية الشكل الخارجي فالجميع اتفق ان الاف اكس افضل وانا اؤيد كلامكم

من ناحية نظام الدفع الموجود في السيارة طبعاً كلها رباعي لكن فيه عيب للاف اكس انه بعد 120 يفصل الدبل ليصبح دفع خلفي فقط

اما الار اكس فهو دفع رباعي دائم حتى لو تمشي الطبلون ما فصل طبعاً تعتبر ميزه لثبات السيارة مع الدفع الرباعي

وبالنسبة للتكنولوجي والانظمة الموجودة في الار كس تتفوق على الانفنتي من ناحية ثبات السيارة وهدوءها واستهلاك الوقود

وبالنسبة للقيادة الرمليه للسيارة ما شاء الله تبارك الرحمن كنك تمشي في زفلت طبعاً الكلام من تجربة شخصية

كل ما عليك خل ضغط الهوء 20 وتوكل على الله

من ناحية تسارع السيارة صراحة ظلمتوا السيارة من ناحية تسارعها

تسارعها من عند الوكالة من 0 الى 100 خلال 7.8 في الثانية

بصراحة انا جربت تسارعها بالجوال بعد ما مشت السيارة تقريباً 15 وكان فعلاً 7,8 بالضبط

وبعد تنشيط وكرف بالسيارة الان ماشية 40000 الف وما شاء الله تسارعها الحالي 6,9 في الثانية طبعاً تصوير جوال ومحسوب حساب دقيق |1|

ولله الحمد ماعانيت حتى الان من اي مشاكل في السيارة او عيوب

باختصار شكلي طولت عليكم :D

سيارة متعدد الاستخدام ( راحه - هدوء - فخامة - قوة - خط - بر - تقنيه وتكنولوجيا - تحمل )

الي محتاج تأكيد لكلامي او استفسار انا مستعد

وبالتوفيق للجميع ,,, |3|

انا الصرااحه ارشح الار اكس لانه فخامه غير طبيعيه وو....

لكن لفت نظري بعض الاراء من اعضاء المنتدى على ان الاف اكس افضل من المورااانو بمرااحل
ابي اقول شي اني اول مره احس ان شركة نيسان قدرت تصنع سياره تضاهي او تنافس قليلا سياره من انفينتي
والمفروض ان الفرق يكون كبير.. بس لو تلاحظ الفروق اللي هي(1 )قوه في المحرك (مدري كم حصان) والمعروف ان محرك المورانو من
افضل 10 محركات بالعالم...
(2) فرق في السماعات الانفيتي11 سماعه والمورانو 7 ونظام الصوت في المورانو اللي هو bose وجربت الصوت قوي وااضح جداا
(3) تدفئة مراتب (4) جنط 20 (5) اصطبات led

الشكل الخارجي الصرااحه شبابي بقووه للي اعمارهم من 18 الين 23 ووجهيته الصراحه غير متناسقه يعني اللمبات صغيره والشبك كبير
والسياره جايه بشكل عرضي تحس انها اعرض من الموراانو من براا ومن داخل الاف اكس فخاامه الى ابعد الحدود ولكن بشكل تقليدي يعني الطبلون عادي والتحكم بالمكيف والمسجل طريقته عاديه (في التصميم) لاننا دايما نتوقع من انفنيتي فخاامه بشكل متميز ( راي شخصي)
عكس المورانو اللي جاي بتصميم فخم وغريب ,,,
نرجع لموضوعنا اقصد المميزات اللي تفرق بين المورانو والاف اكس هل تعتقدون ان الفروق هاذي تستاهل 35 الف ريال|10| ؟؟
اتوقع يمكن الاستغناء عنها ولاتعتبر فروق جذريه على ماقالوا بعض االاعضاء ولا تأثر في فخامة السياره ....

تــــحــياتــي

مرحبااا حبايبي ..

والله من وجه نظري انا اشوف انه الانفينيتي احلى من داخل وبرع وهي من داخل اسبوووورت يعني شبابيه 100 بالميه ...

وسواقتها بعد واايد حلو ,,,

اللكزس الصراحه يعني شكلها مو حلووو قبييييحه من برع ومن داخل حلو بس هذا كله مواصفات لكزس معروفه من داخل تخشيب ونفيقيشن وكاميرا بس الانفيتيني يسكته ...

السلام عليكم

عندنا اثنينهم RX و FX

اللكزس موديل 2005... وقبل عيد الاضحى شرينا FX

وباختصار شديد اللكزس افضل بمراحل عن الاف اكس... الاف اكس شكل ومكينة فقط لا غير.. والاف اكس فيه رجة في السواقة كأني سايق ونيت على سبيل المثال مقارنة باللكزس... ما ارتحت كثيرا للسواقة مع الاف اكس ومتعبة بشكل كبير جدا عند السواقة لفترة طويلة... وناشف مع الحفر والمطبات..

عيب اللكزس هو المكينة الضعيفة وخاصة ان عزم السيارة يطيح بشكل ملحوظ عند تشغيل المكيف.. ولكن فعلا اللكزس سيارة بمعني الكلمة... هدوء في السواقة.. كأني سايق سيارة صالون فخمة...

فنصيحة لا احد ياخذ بالشكل... فقط جرب سواقة السيارتين وراح تحسون بالفرق :-)

مدري يعني مالقيتم عيب غير ان البنات يفضلن اللكزس؟؟

على فكرة البنات في كل انحاء العالم يفضلن السيارة ذات الدفع الرباعي الصغيرة .

وخذ قياسا على ذلك بي ام اكس فايف وبورش كيان والاركس من لكزس والانفنتي اف اكس ... الخ

وبعدين وش فيها البنت اذا كانت تحب اللكزس؟؟

بصراحة البنات معروفين في ذوقهم ودائما ادم ياخذ برأي حواااء في كل شي تقريبا .

يا شباب ما ينفع كذا صارت الدعوه استهبال ايش بنات ما بنات .؟؟؟


شوفوا الار اكس اللي بدون شاشه وبدون نافيقيشن وبلوتوث هو اللي يتقارن بالاف اكس اللي عندنا وانا عن نفسي افضل الاف اكس ..

لكن اذا كان الار اكس المعني هنا هو الار اكس اللي بنافيقيشن و بلوتوث فمافي اي وجهه للمقارنه الار اكس افضل بمراحل .