(بريللي + ميشلان + قودير ) وش افضل

SالقايدS @user_19637 · 25-01-2006

السلام عليكم ورحمة الله وبركاته
كيف حالكم ياخوان
انا ابغي اغير كفرات القراند ماركيز بس احترت ما بين البريللي والميشلان والقودير
فالميشلان على حسب ما سمعنا انه ثابت على الخط ولكن قاسي مع المطبات بس الثبات اهم بالنسبة لي
واللي لقيت ميشلان امريكي
والبريللي ما ادري عنه هل هو اثبت من الميشلان والقودير والا اقل ثبان واللي لقيت امريكي
والقودير ما اعرف عنه شي بس اللي لقيت الماني
اسعارهم كالتالي
طبعا كلهم حجم 16- 60 - 225 والسرعة 210
الميشلان 480 ريال
البريللي 400 ريال
القودير 435 ريال

ولو تكرمتوا يااخوان اشيروا علي
وكيف اعرف تاريخ الكفر هل هو جديد والا ماكل عليه الزمن وشارب
ولا تطرون لي الانواع الباقية
ارجو منكم ابداء الرأي الناتج عن الخبرة
ولكم جزيييييييييييل الشكر

مهووس السيارات @user_4736 · 29-01-2006

تبي الصراحة صوته طالع حتى في فرق عندما أركب سيارة أخوي فورد موديل 2000 عليها كفرات قودير

SالقايدS @user_19637 صاحب الموضوع · 28-01-2006

الله يعطيك الف عافية اخوي ooo.ooo على هالنصيحة
وانا اشكر كل الاخوان اللي شاركوا في هذا الموضوع

وانا ابشركم فعلا شريت بريللي ألماني(P6)
225 - 60 - 16 AA
الواحد بـ 400ريال

بس يالربع تحسفت بعد ماركبت الكفرات ومشيت بالسيارة لان ثباتها اللي يوم كانن فيها الكفرات القديمة (ميشلان شد بلد)
راااااااااااح السيارة اذا لفيتها شوي تقوم تزوح يعني لو الفها قوة شوي
اطبق حركة الموت <<< <<<<<<< متاثر بالتفحيط

ولكن الحمد لله على كل حال

مع تحيات اخوكم القايد

ooo.ooo @user_19507 · 28-01-2006

أخوي أنا بأنصحك :

إذا بتركب ميشلان خذ ميشلان فرنسي .

وإذا بتركب بريللي خذ بريللي ألماني (رح تحصله عند الوكيل) لأن مشكلة التحبيل في الأنواع اللي تجي صناعة برازيلية غالباً .

أما البرجستون ممكن تحصل نفس المواصفات بسعر أقل ولكن مستواه أقل أيضاً .

SالقايدS @user_19637 صاحب الموضوع · 28-01-2006

الف شكر اخوي polo2003 على النصيحة لكن انا ماني بجدة انا من الشرقية بس انشالله اخواننا اللي من جدة يستفيدون من كلامك
تحيااااااااتي

polo2003 @user_26446 · 28-01-2006

اخي العزيز انصحك ببرللي انا مركب كفرات من عندهم ماشاء الله احسن ما يكون ونوع النقشه P6000
بعدين اذا انت في جدة روح حق المعرض في شارع صاري مع طريق المدينة المنورة روح واسأل عن واحد اسمو نبيل وبيعطيك اسعار حلوة

SالقايدS @user_19637 صاحب الموضوع · 27-01-2006

انت قلت :-

انت ساكن في الجامعه ؟
إذا ماعندك مشكله في المبلغ ركب بريللي

انا فكرت كلمة ( إذا ) مكسورة يعني تنطق كذا (إذن)
اللغة العربية خطير حركة وحدة تغير المعنى
يعطيك العافية اخوي ابو العابد وشد حيلك بالفاينلات <<<<< مصطلح بالجامعة معناه الاختبارات النهائية

بو العابد @user_15343 · 27-01-2006

اشفيك كأنك فاهم غلط الجامعه مالها دخل بالفلوس أنا اسأل إذا انت ساكن في الجامعه لأني ساكن في الجامعه بس :)

اما كلامي إذا ماعندك مشكله في الفلوس لأن البريللي يبيله و في انواع أرخص من

SالقايدS @user_19637 صاحب الموضوع · 27-01-2006

اللي بالجامعة يعني فرط ؟
الا منتف وماكل هوى وش ترجي من الطلاب مكافاة وينتفون منها
بس الله يخلي الحوالات
والله العالم اني ابي اركب بريللي

بو العابد @user_15343 · 27-01-2006

انت ساكن في الجامعه ؟
إذا ماعندك مشكله في المبلغ ركب بريللي

SالقايدS @user_19637 صاحب الموضوع · 27-01-2006

اخوي مهووس السيارات مشكور على المرور
بس بغيت اعرف هل الصوت هذا ملحوظ ومزعج والا عادي

مهووس السيارات @user_4736 · 27-01-2006

أخوي أنا عندي ماركيز 2004 عليها كفرات بريللي من الوكاله وأنصحك ثبات عالي جدا وراحه ممتازة بس عيبه يطلع صوت على الطريق

SالقايدS @user_19637 صاحب الموضوع · 26-01-2006

الف شكر اخوي على هذا الجهد
بس بغيت اسال
هل البريللي مثل ثبات الميشلان على الخط
والتحبيل اللي يصير فيه مع المطبات القوية وشلون يصير اذا انك تاخذ المطب بشويش (هل قصدك انك تاخذ المطب على سرعة عالية)

عميد الطائف @user_3293 · 26-01-2006

.

هلابك اخوي...
بصراحة ترى البريللي كفر لا يعلى عليه ... صحيح غالي لكن قيمته فيه.
والفورد عموما اذا ركب عليه كفر بريللي مناسب يصير كأنك تمشي على حرير ماهو على ازفلت.
ومعروف انه مع الفوردات يعطي راحة ركوب خيالية جداً. لكن البعض ما يحبونه لأنه مع المطبات القوية جدا يحبل.

واذا تبي الشور ترى كل الكفرات اللي انت ذكرتها ممتازة.
لكن البريجستون برضه من أفضل الأنواع. وسعره مناسب ومضمون ومواصفاته وأداءه عالي.

شوف هذا كفرات بريجستون مركبها على لنكن 2002 تبع اخوي.
يتحمل سرعة 270 ( طبعا ماحد راح يمشي عليه 270 بس زيادة في الأمان )
وتحمله للحرارة: A . يعني يستحمل أجواءنا.
وهذي صورة الكفر على الموتر والدعسة بعد شكلها زين:

وسعره 305 تزيد وتنقص شوي.

SالقايدS @user_19637 صاحب الموضوع · 26-01-2006

الف شكر اخوي dodge lover
والف شكر اخوي الرائد على التوضيح

الرائد @user_16969 · 26-01-2006

تحدثت في هذا الموضوع بخصوص إطارات الماركيز...

http://www.assayyarat.com/forums/showthread.php?t=79129

وأرى أن الخيارين الأفضل هما..

بريللي P7

و الميشلان الفرنسي Michelin Pilot Primacy

وهذا هو الإطار اللي ركبته مؤخرا... وبصراحة ممتاز وراسي.. وما لاحظت عليه أي ازعاج...

قيمته 510 ريال للكفر الواحد...

تحياتي

dodge lover @user_25237 · 25-01-2006

طبعا ميشلان بدون جدال وأذا حصل أصلي فرنسي فأفضل

SالقايدS @user_19637 صاحب الموضوع · 25-01-2006

الله يعطيك العافية BFHevtte على هالرابط المفيد

BFHvette @user_15324 · 25-01-2006

مشيلان او بريجستون|1|
http://www.tirerack.com/index.jsp
جرب هذا الرابط حدد المقاس والنوع والاطار الي يعجبك تجد في الصفحه الخاصه به رابط اخر يعملك مقارنه بينه وبين اشباهه
بالتوفيق|3|

SالقايدS @user_19637 صاحب الموضوع · 25-01-2006

شكرا لك اخ سوسو بس خلص الحين ابي اكنسل البريللي
طيب الحين نبي نسوي تصفيه بين الميشلان والقودير
اي واحد ؟؟؟؟؟؟؟؟؟؟؟؟