من يطرح الموستانج أو الكابرس ss

قلنا في البداية ان الفورد احصنته قليلاه ويعطي قوة كبيره واما السيارات الاخراى فاحصنتها كثيره وتعطي قوة اقل بمعنى لو جعلنا الموستنج نفس احصنة الكابرس كان راعي الكابرس مايشوف الموستنج اللي قدامه

قصدي مكينته 5700 سي سي
<<<< من الحماس غلط
وتراه موديل 2005 يدعم 340 حصان
وشكرا لكم

الكابريس تطرح الموستنج ال****
وش جاب الغزال عند *****
هههههههههههههههههههههههههههه
يعطيك العافيه على الموضوع
ولاتنسون ان الكابريس مكينته 7500 سي سي وعدد الاحصنه اكثر من 340 حصان هذا بالنسبه لــ 2005
وشكرا مره ثانيه

أهلين وسهلين

يا هوووو موستنج هذا ما يلعب وش جاب الاسترالي للأمريكي :D ههههههههههههههههه

وبالنسبه للشكل ارشح الموستنج وبقوووووه رياضيه بكل ما تعنيه هذه الكلمه

( مع أطيب الامنيات )

يعطيك العافية أخوي لومينا فور إفر

والله غريبه دامك تقول انك ماتقارن الموستينج ف الكابرس ولو خيروك بمليون ريال ماتفرط بالموستينج حقك..................

اجل ليش تقارن بينهم .............؟!

صراحه انا اشوف ان سالفه وش الاحلى بينهم اتوقع انها تختلف حسب الاذواق

وثانيا الموستينج كوبيه وش جابه للكابرس اصلا يعني لو انك قايل لومينا كوبيه كان نقدر نقارن بينهم

اما بالنسبه للمطارحات

ادري ان هالسوالف دايم تجيب المشاكل هنا بس ان شاءالله انكم تاخذون الموضوع اسهل من كذا ...

انا جربت موستينج 2005 قير عادي والله الموتر قووووووووي ماعليه كلام طياره

بس شوف الموستينج التماتيك مايروح على الكابرس الا اس اس ويمكن يروح بس بفرق لايذكر يختلف حسب السواق ولا نفس السياره

انا قد حضرت قومه بين كابرس 2004 (ال تي زد) وموستينج 2005 تماتيك والكابرس ماسك في باب الموستينج
ويعيدونها اكثر من مره ونفس الشي مرره فرق رفرف ومره باب يعني يمسك معه ...................!!!!!

ولاحظ الفرق الكبير بالحجم والوزن....

ع العموم ومثل ماقال اخوي فيصل لولا اختلاف الاذواق لبارت السلع

أنا بصراحة أقتنعت مية في المية بكلام الأخ فيصل سبورت و شكرا على المعلومة الجديدة

بس والله بصراحة القوة حق المكينة تستاهل المقارنة بين السيارتين لأني مرة شهدت حادثة لا أستطيع أن أنساها و هي أن كابرس موديل 2003 طرحت موستانج موديل 2005 أوتوماتيك و أنا مصروع من ذاك اليوم عشان كيذا كتبت الموضوع هذا

تسلم mustang-gt500
على اعجابك بس والله المقارنه غير عادلة بين الموستنج والكابرس اقصد إستيت مان هذا اسمها الحقيقي في استراليا عندما كانت شركة هولدن غارقة في الديون واشترتها جنرال موتورز وبالنسبة ان الكابرسSS سبورت هو سبورت ولكن ليس كوبية والموستنج كوبية ورياضي في اناً واحد

تحياتي لك وللجميع

موستنج يا حبيبي


اصلا الموستنج في خانة والكابريس في خانة ثانية

هذا سبورت والثاني سيدان

موووووووووستنج|1|

تعجبني يا فيصل سبورت أنت فنان أنت الأسبورت كلللللللة والله الموستنج حاجة ثانية و كمان لو يخيروني يعطوني مليون ريال و أبيع الموستانج حقي ما أوافق ولا أفرط فيها لو بدم قلبي و ثاني تعجبني يا فيصل سبورت


و بالنسبة للمقارنة أنا أشوف أنها صح لأن الكابرس برضة والله مو بطال بس ما يجي شي جمب الموستنج و الكابرس ال ss سبورت مو سيدان أنا أعتقد ذالك و الله أعلم



مع تحيات
عاشق الموستانج

انا ارى ان الموستنج تقارن بالنيسان 350 z والكورفت والسيارات الكوبية فقط هذه وجهة نظري ياموستنج وعموما لو خيروني بين موستنج ولا كابرس SS كان اخترت مووووووووووووووووستنج

صح يا خوي فيصل سبورت بس الكابرس ssرياضية و الموستانج كمان أبو الرياضية و أنا أأيد صراحة الموستانج أحلى و أفخم و أقوى سيارة في نضري


مع تحيات عاشق الموستانج

انا على اني من محبي الفورد ولكن بصراحة وهذا رائي الشخصي ولولا اختلاف الاذواق لبارت السلع

اختار الشكل الاحلى الكابرس SS بس انا عندي نقطة هامة ان الموستنج كوبيه والكابرس يعتبر سيدان يعني المقارنه غير متوازنه والى الملتقاء

يعطيكم العافية على الردود هذي الحلوة
بس باقي ما قولتولي الشكل الأحلى مييييييييييييييييين الموستنج 2006 ولا الكابرسس ss موديل 2006

انا اذكر الموستنج من موديلات التسعينات وهو قوي وكان مشهور عندنا بالرياض بأنه قوي جداُ علماً انه فيه ميزه ان احصنته قليله وقوة جبارة بعكس السيارات الاخرى احصنه كثيرة وقوة اقل بمعنى موستنج 225 حصان وتلقاه اقوى من الكابرس SSموديل 96 ابو 260حصان والموستنج حصان فورد السريع هذا غير ال GT من فورد

وش شاب لجاب.....:eek:

واصلا مافي كابريس يطلع على الموستنج من موديل 99وطالع
وخاصة 2005 و


وبعدين اي موديلات تقصد...وضح اكثر ..

علشان نقارن صح

تحياتي

الموستنج وبعنف وش جاب الكابرس حق الموستنج :)

فية ناس عندنا هنا في المنتدى لهم خبرة كبيرة في المطارحات و قد شافو مطارحات كثير أمامهم فياليت يدلو بأصواتهم عشان نكتسب خبرة نحنا كمان منهم...............ز