من هو لاندكروزر

أخواني الأعزاء الله يعطيكم العافية ومشكورين على النقاش الجميل والأكثر من رائع بدايةً مقارنة اللاندكروزر ببنتلي أو مايباخ شي منعدم الخبره أو المعرفه الكافيه بخصوص السيارات مثل ماقال أخوي CAM 717 أو نسميها بالمقارنه الظالمه لكلا السارتين أنا أتفق معكم في الرأي لاكن مقارنة اللاندكروزر باليوكن أو الأرمادا برضه نفس الشي مقارنه ظالمه تقلي ليش أقلك وبكل صراحه لأن اللاندكروزر إلي إنت قاعد تشوفه ماهو كروزر وإنما لكزس وبصرح العبارة يعني تغير في الواجهه والخلفيه لاكن من الداخل السيارة لكزس وهذا الكلام مو أنا إلي قايله هذا كلام رئيس المبيعات في شركة لكزس هو بنفسه إلي قايله لي شخصياً وأي شخص يدخل السيلرتين يعرف ذالك وأنا هنا أتكلم عن اللكزس 2005 بعدين بالنسبه للسعر فهو نوعاً ما منطقي نضراً للخدمات الموجوده بالسارة ولأنه اللكزس كانت تباع العام الماضي وبنفس مواصفات اللاندكروزر الأن بــ235 ألف ريال وكان الخليجي يباع بناقص عشرة ألاف ريال وكانت مواصفاته أفخم من السعودي ..... عرفت الأن وش أقصد بأنه حرام مقارنة اليوكن والأرمادا بالاندكروزر وفي الختام أتمنى إني ماأكون طولت عليكم وتحياتي للجميع ....

شكرا لكم جميعا على الردود

لقد قراتها كلها وبتمعن وبدون استثناء

لكن الي لاحظته من ردودكم كان الموضوع مقارنه بين اليوكون واللاندكروزر

انا جبت طاري اليوكون كمثال وليس اليوكون البديل الوحيد فهناك خيارات كثيرة

وزي ما قلتلكم الهدف من تنزيلي للموضوع فقط ان يعرفو عشاق اللاندكروزر ان هناك سيارات اخرى كثيرة في الساحة وليس لاندكروز الوحيد في السوق فاكثر من سيارة دفع رباعي تستحق الاشادة بها ولكل شخص ذوقه ومن حقه ان يشتري السيارة التي تعجبه ولكن دون تعصب وتحيز للشئ الذي يحبه ويحاول اقناع الاخرين به او يقوم بالتهاون او انكار حق سيارة اخرى مقابل ان يمدح سيارته
فلو لاحظتو الموضوع الذي كان مقارنه بين الرينج واللاند فلست معترضا على كلام من يقول انه يفضل اللاندكروزر( مع ان المقارنة ليست في محلها ) ولكن اعترضت على من قلل من قيمة الرينج واكثر في اطراء اللاندكروزر لم اقل الكلام هذا تعصبا للرنج وبالعكس انا ارى ان هناك سيارات دفع رباعي كثير جميلة ورائعة ولكن اعتراضا مني على التزمت بالراي ورؤية راي الاخرين خطاء

اسف للاطالة
ووفقنا الله وياكم لما يحبه ويرضاه
والسلام عليكم

يابو الشباب ياللي كتبت الموضوع انا معاك في عدم مقارنه اللاندvx-r ب الرانج روفر الفوك من ناحيتين فقط لاثالث لهما
1- الشكل و بالذات الاسبور
2- الماكينه ولاحظ فقط و فقط على الإسفلت
غير كذا والله يا الرانج إنه فاشل واحد مره في الهافمون مغرز في مكان ما تغرز فيه ددسن ويوم سحبناه باليوكن قام ونزل هوا الكفر و جاك محمش ويالله يالله يعني بسراحه مو الرانج حق زمان
الجوده آفاق و أميال بين الثرا(الرانجروفربأنواعه) و الثريا(أقل نوع في اللاندكروزر)
من داخل أنا في الحقيقه كنت من المعجبين جدا بالرانج روفر ورحت مرره الوكاله وشفته من برا ودخت عليه وبس تدخل جوا السياره
و يتغير كل ذلك الشعور إلى العكس تمااااااااااما
1- القير و الأزرار ناقزه عند إذنك
2- عدادات القراء عباره عن دوائر نصف قطرها 2 سم
3- أرقام العدادات مقلوبه ومن زود الزحمه وشوي و يكتبونها على بعض
4- أزرار النوافذ عند السائق يمكن ان تراها منخارج السياه وانت واقف جنب باب السواق الوصول بالنسبه للسائق
5-السياره الركبه فيها ظيقه مرره ومرتفع مرره و غير مريحه
6- فتحات التكيف الأماميه شكلها غبي

كل هذه العيوب في سياره سعرها 400000 ريال سياره أغلى من الفياغرا و البي إم
لا تقول لي أنظمه بلا أنظمه بلا خرابيط والله إنها بريطانيه مُعقٌده عمرك شفت بريطاني فلٌه؟
الأشياء اللي أنا ذكرتها روح و شوفها وقارنها في السيارتين و بعدين تعرف إن الرانج شكل من برا بس لا أكثر
أوه نسيت تدفع 400000 في إصطبات حلوه صراحه

بالنسبه للقير وللوزن

قير اللاندكروزر سعته 4,10,1

اما اليوكون فيختلف من موديل لاخر

مثلا لو جينا لموديل 2000 الى 2003حجم القير 3,45

و2004 حجمه 3,75

و2005 و2006 حجمه 3,45

ويوجد حجم اختياري 4,10 بس مايوفرونه الوكلات عندنا لان كل سنه يغرونه وفي امريكا يكون للزبون اختياري

بس 2007 بيكون 4,10 اساسي

نجي للوزن

الاند كروزر وزنه 2464 كلغ

اليوكون 2363 كلغ

نجي للارتفاع

اقصى ارتفاع لليوكون 194 سم

اقصى ارتفاع للاند 188 سم

الاشياء الباقيه مأعرفه

نجي لمستوا الفخامه

الجي اكس ار افخم من الدينالي هذه صعبه مررره

اليوكون SLT يتفوق على الجي اكس ار بمواصفات عده

نجي للـVXR والدينالي

الـ VXR في مواصفات غير موجوده بالدينالي

والي هي الهيدروليك والبلوتوث والونش والاصطبات الكرستاليه الي ابدعت في تايوتا هذا الي اعجبني اكثر شئ

بعدين اليوكون احسن من السوبربان في الطعوس بكثير

والسبب يعود للوزن وقرب الكفرات من بعضها

اخوكم

عبدالعزيز

أتفك أخوي العزيز JEDDAHBOY معك 100%

يعني بالله وش هذي العقلية مع أحترامي للي يقارن بهذي الطريقة

رنج روفر بلاندكروزر؟؟؟

وش جاب التراب للسماء!

ولا والي يقهرني أكثر الي يقول أن اللاند أحسن منه!!!!


وين هذي صناعة بريطانية في قمة التكلنوجيا وبس نظام الدفع الرباعي كله ما تقارن باللاندكروزر
وجودة المواد العالية فيها أفضل من اللاندكروزر
وشكل الرنج روفر موديل 2000 عندي أكثر جمال من ذا الي ملينا من شكلة لاند 2006؟
وغيره

يعني وش بقيتو أنتم صراحة!

والي يقارنها بالبي أم والي يقارنها بالفياقرا والهامور؟؟؟


بتقولي في واحد عنده ملايين معه لاندكروزر أقولك بكيفه فلوسه وهو حر فيها يعني أذا شراه هو الأحسن له يشتري بس علشان ما يتكلف عليه تصليح ولا أنه بيكون أفخم منه ههههههههههه صدقني كأنها مقارنة كامري بلكزس GS

والحديث في هذا يطول وياليتني بعد ما رديت بس والله شيء يقهر وأسمحولي على كل الكلام الي قلته

تسلم اخوي على الموضوع

لكن اختلاق الاذواق والميزانيه القويه تؤثر على التفكير :)


تحياتي


وفي انتظاار جديدك

و الله اللاندكروزر سيارة عريقة جدا و الناس تثق فيه امن سنين طويلة
لكن الموديل الحالي علية بعض الملاحظات و العيوب ان صح التعبير
1- ارتفاع السعر المبالغ فيه جدا يعني سيارة ب160 الف ريال مكيفها يدوي و ريموت توليف !!!!!! و شغلة السعر هذي سبب قوي جدا لصرف النظر عن السيارة تماما
2- ضيق المساحة الداخلية بشكل واضح يعني اذا تزاحم في السيارة 8 اشخاص لا يبقى مكان للعفش حتى لو كان بسيط مثل اسطوانة غاز و جوالين موية
3- انخفاض مستوى بعض الخامات الداخلية لموديلات الستة سلندر و اقصد بالتحديد تنجيد المقاعد و هذا لايليق سيارة سعرها 160 الف
اما الVX في هذا المجال ممتاز لكن بثمن باهظ جدا يقترب من الربع مليون ريال
4- تجهيزات السلامة بعضها اختيارية مثل الاكياس الهوائية و ABS و لا اعرف ان كان يتوفر باكياس هوائية جانبية و ستائر ام لا
5- استهلاك عالي للوقود
6- احس ان السيارة منخفضة قليلا عن المطلوب ( لاحظ عندما يتوقف الباترول و اللاند بجانب بعضهما ستعرف ماذا اقصد )

عدا هذا السيارة ممتازة و يعتمد عليها لجودتها العالية و الصيانة الموثوقة

تحياتي للجميع

يا جماعه الخير انا ابعطيكم الترتيب ل السيارات الثلاث اليوكن اللاند و السفاري الباترول

في الرمل 1- النيسان السفاري باترول بقوه 280 حصان ودفرنشين امامي وخلفي و اخف من اللاند و اليوكن
2- اللاند القير العادي سواء 6 أو 8 سريندل مع العلم إنه لا يمتلك دفرنش أمامي
3- اللاند الأوتماتيك و اليوكن نفس الأداء لاحظ ولاكن ليس نفس القوه لان اللاند أخف

في المناطق الوعره و الجبال
1- الأداء بين الباترول و اللاند متشابه مع بعض التفوق للباترول لقوه القير الأول ولاكن تماسك اللاند أقوى
2-...........................
3- اليوكن مع إحترامي مو حق الشغلات هذه خصوصا عندنا في الديره(الجنوب)
في الإسفلت القوه
1- اليوكن وبلا أدنى منافسه و بالراحه
2-................
3- الباترول
4- اللاند 8 سريندل ثما 6 سريندل
راحة الخطوط
1- اليوكن
2- اللاند
3- الباترول
الفخامه
1- اللاند ال8 سريندل
2- السفاري
3- اللاند 6 سريندل
4- اليوكن الدانيال
اللاند يتفوق على الباترول في المواصفات الداخليه فقط في البلوتوث
الشكل الخارجي
1- اللاند
2- اليوكن الدانيال
3- الباترول
راحه الراكب الخلفي
1- اليوكن
2- اللاند و الباترول
الاقل صرفيه
1- اللاند
2- الباترول
3- اليوكن
الجوده وخدمات الصيانه
1- اللاند
2-.........
3-.......
4- الباترول
5- اليوكن
في الاخر انا اعطيتكم رايي الشخصي من واقع تجربه اللاند سياره ولد عمي و اليوكن حق اخوي و الباترول لواحد من الشباب في الجامعه لاكن اعتقد انه راي الكثير من اللي جربو السيارات الثلاث

اخ عبدالعزيز:
اسمح لي اصحح شوية معلومات
بالنسبة لتطعيس اليوكون فمستحيل يكون افضل منGX-R فكيف بالـVX-R???
اللاند تسوقه في البر كأنك في ازفلت
وكون اليوكون اقوى بالحصان والتورك فلا يعني انه افضل من اللاند,, فهناك أشياء اخرى مثل الجير والدفرنس وارتفاع الهيكل وزاوية الاقتراب وزاوية الخلوص والوزن,,,
واعتقد ان اللاند يتفوق فيها كلها
مرة انا والشباب جربنا طعسنا بـGX-R في الصيف (بالليل) وكان يمشي زي الحلاوة بالطعوس مع ان الكفرات 35 !!(بس ثقيل شوي)
بينما الجمس اللي معي (دفرنسين) وانا امشي على الازفلت اللي يدور على مزرعة الملك (خزام) اوقف على جنب (علشان اكلم الشباب اللي في السيارة الثانية مع الشباك) والسيارة الثانية على الازفلت ومع ذلك تغوص الكفرات الامامية في الرمل (لكفرات 35) (هذا وانا توني مادخلت!!)
وما يمشي زين الا اذا كان في الكفرات 20 او اقل في الصيف
وبالنسبة للدفلوك فهو يجي مع السوبربان واليوكون بشكل اوتو اذا شغلت الدبل الثقيل..,,
وحتى لو تروح لأي مكان اهله هواة تطعيس (مثل القصيم وحائل) فأغلب اللي تشوفه لاندكروزر وباترول وباجيرو,, واليوكون لا يتجاوز 5% بالكثير,,
ومرة انا رحت لقطر (ومعروفين شباب قطر بالتطعيس) والله عينك ما تشوف الا اللاند وما اذكر اني شفت يوكون
فما اعتقد اننا اكثر خبرة من اهالي تلك المناطق ,, وكما يقال (أهل مكة ادرى بشعابها)
تحياتي القلبية,,,

اليوكون يتوفر فيه شاشة نفيقيشن وونش بس الونش اذا ركبته يطلع الشكل ماله داعي

اليوكون وخاصة الدينالي شكله افضل من الاند وهذه حقيقه

قصة انه يتهربد هذي ماحصلت معنا وحنا معنا يوكون 2002 ثلاث سنوات من الكرف واستعمال اكثر من شخص

والشئ الي مضايقني فيه اصوات الديكور حقت البيبان يعني لم ترص يطلع صوت والسبب احتكاكه مع بعض البعض

بس انشالله يوكون 2007 بيوكون 100 %

وقبل يومين رحت اطعس باليوكون بدون تنسيم ولاشي كان في الطعوس 85%

و15 % على الكفرات لان كفرات اليوكون ليست مخصصة للرمال لانها شبه حجريه وفي نفس الوقت ليست عريضه

يعني لو اركب كفرات زي كفرات الاندكروزر وتجيب vxr قير اتوماتيك ويوكون

اليوكون بيكون افضل من VXR في الطعوس

بعدين اليوكون ليس بجيب لان يفتقر لاغراض الجيب

والي هي ونش وهزاز وقفل الدفرنس لو هذه الاشياء موجوده باليوكون كان تلقاه فوق توب التوب

اخوكم

عبدالعزيز

شوف اخوي
معاك 100% ان اللاند سعره متضخم
بس مقارنة تويوتا بالـGMC غلطة!!
خلني اقول لك
امس كنت طالع للتنهات
على جمس الأهل 2001
اخذت لفة على الروضة كلها,, وكل الطرق الترابية بطانيج
وربي يوم نزلت وبغيت اركب ثانية وحطيت رجلي على الدعاسة الا انواع الاصوات
يعني تربيط خمام
مو للبر ابد
ولد عمتي اللي كان طالع معي
دايم نطلع انا وياه على الهايلوكس حقه
موديل 93
ونسوق ببطانيج العن من اللي في التنهات
واغلب وقت الهايلوكس بالبر
وربي ما فيه اصوات تخلخل ولا يحزنون
تويوتا تربيط مو طبيعي
وعلى كرهي له انا اشهد له
وترا سواقتي للجمس كانت هادية جدا جدا
يعني ما تقول انك مسرع وهذا اللي خلاه يتخلخل..,,
اطيب تحية

السلام عليكم

اشكر صاحب الموضوع على الطرح
ولي عودة ان شاء الله

السلام عليكم ورحمة الله وبركاته وبعد فالاخ كاتب الموضوع يحق له يزعل بصراحه؟؟؟؟؟ اجل لاند تقارنه برنج روفر؟؟؟؟؟؟؟؟ يعني بأقارن الكابريس مع الفياقرا لانها من نفس الفئه(السيدان الكبيره) ؟؟؟؟؟؟؟؟
ثانيا الحق يقال الاند يتميز عن اليوكن باشياء وخاصه في البر واليوكن يتميز عن الاند في اشياء وخاصه في المدينه والعزم والقوه وقوة الهيكل
عموما هذي كلها سيارات يعني كل سياره تتميز عن الاخرى بشيء مع اني اميل لجنرال موتورز لاننا كعائله لنا ذكريات مع سيارات جنرال موتورز ولازلنا ولكن هذا لا يعني اننا تأخذنا العاطفه واقارن سيارات بمستوى ممتاز مع سيارات بمستوى جيد
ولكم جزيل الشكر

اولا ياعزيز امسيك بالخير وعلى الاخوان اللي ردوا
انا برد عليك ولو انك جاي معصب وحالتك حاله وكان اللاند كروزر سياره منتجبه من كيا
عزيزي اولا اللاند كروزر لا يقارن الا بالباترول واليوكن والباجيرو وغيرها من الجيوب اللي من نفس الفئه
خلني اعطيك معلومه عن اللاند كروزر ومقارنته باليوكن
مايخص اللاند كروزر الـ في اكس ار لانه ثمانيه سلندر
1- معروف الفل كامل يجيك مراتب جلد وفتحه وجنوط 17 وكبس زينون وكي شي اتوماتيك هذي موجوده بالاند وباليوكن
لكن اللاند كروزر يفرق بـ
أ- ونش بالصدام الامامي وله قدره سحب ثلاثه طن ونص يعني يجر لك همرين
ب- سبيرين ( كفرين احتياطيين )
ج- دف لوك ( قفل للاطار ) اللي يضرب بوش يعني يدور من دون فايده اذا كان الموتر شاقص بالرمل
د- هزاز
و- هيدروليك
هـ - نفقيشن + بلوتوث + كميرا خلفيه
هذي الميزات ياعزيزي يفتقدها اليوكن وحتى الباترول باستثناء الهزاز

يارجل اللاند كروزر له 7 سنين ماتغير شكله ومع ذلك مازال مسيطر على المبيعات بالخليج وبامريكا وهي اكبر الاسواق بالعالم
قلي من دون عاطفه لانه موضوعك كله عاطفه ( عصبيه ) وش الزود في تصميم اليوكن
مايفرق عن الجمس اللهم صغر الحجم وعندنا بنجد نسميه قطاع عشره
تصميم الصراحه يفتقد لابسط مقومات الفخامه واكبر دليل على ذلك صداماته الحديد اللي من الثمانينات وهي مستخدمه بالامريكي الجمس

على فكره سعر اللاند كروزر 222 الف ريال
وبالنسبه للعزم انا اتمنى من كل قلبي انك تجرب الفكس ار قير عادي وتعرف ان الله حق بعد ماتسوقه بالرمل
هذا والله اعلم
تحيه لك وللاخوان الكرام

أول شيء أن اللاند كروزر مافي زيه في الطعوس الا الباترول والباترول ما فيه فخامة اللاند
واللاند تايوتا يعني اشتره وانساه ما عليك إلا بنزين وزيت وسعره ماهو زي المواتر الأروبيه (فخامه ما نقول شيء) لكن في الطعوس
ما عندك أحد وشكلك ما قد طعست باللاند أو جربته وموكل شوي بالوكالة <<<<<<<<<< والله فيه صوت أو فيه رجه بعد 100 أو فيه اشارة طلعتلي عالطبلون وسعره بعد البيع يمسك سعره

أنا عن تجربه الوالد توه شاري لاند كروزر 2006 VX_R وأنا كنت أول المعارضين لأن كان حاط قدامه أربه مواتر
1/ من بي أم X5
2/ رنج ررفر
3/ جمس دينالي
4/لاند كروزر
وأن كنت أقوله X5

وكلمني ذاك اليوم وقالي توكلت على الله شريت لاند كروزر
واستسلمت للأمر الواقع

يوم جابه وسقته انبهرت ورحنا به الطعوس قبل ما يكمل 5000 وسقته بالطعوس

هذي كل القصة
وتراني كنت زيك أقول كل شيء تايوتا أو كل شيء لاند كروزر وبعنا كل مواترنا وبدلناها بالتايوتا

وحط أبوي قرار (((تايوتا وبس)))

وأنا عارض المازدا حقتي للبيع وبشتري هايلوكس 2006 إن شاء الله
والسواق مع بريفيا 2002


وشكراً أرجو أني ما أزعجتك بكلامي لكن هذا (الواقع)

مشكور عالموضوع

كلامك اخي الفاضل 100%