السلام عليكم ... الصراحه مادري من وين ابدا لاني منصدم!!!!!
انا شريت برج العرب أول ماطلع وجلس معي ثلاث سنين ومرتاح فيه وعاجبني بس ما أدري وش اللي قردن وبعته وشريت n70 وركبت فيه ذاكره 256 وجلست أحمل فيها حتى مابقى شي وتمتلي وفجأه علقت اروح للاستوديو ما أحصل ولاشي بعدين اطلع وأروح للادوات وادخل على الذاكره وأسوي لها فحص يطلع لي المستخدم 210 وبعدين ارجع واروح للاستوديو ماأحصل ولاشي والسالفه هاذي صارت بعد مااستقبلت 30 مقطع فيديو وبعد كذا رحت فيها لمحل عندنا وعطيته اياه وحطها بالكمبيوتر وقالي هاذي مافيها شي فاضيه اخذتها منه وحطيتها بجهازي وخليته يشوف بعينه قال هاذي الذاكره غريبه انا اول مره اشوف زي كذا الصراحه ماعندي لك سنع يعني مااقدر اسوي لك شي!!!!!!!!!!!!
ياعيال تكفون الفزعه ترى تكفى تهز الرجاجيل ........
معليش طولت عليكم بس من القهر اعذروني!!!!!!!!!!!!!
اللي عنده حل وفنان بالشغلات هاذي يفزع لي وش اسوي؟؟؟
لاني الصراحه متحسف فيها!!!!!!!!!!!
انا بانتظاركم
