كلام جميل ولي عودة |1|


لكن

أخوي Night Hawk في ردك الي قبل الأخير يا حبذا تستخدم نوع الخط Arial ثم تخليه عريض ثم تخليه حجمة 3 مثلا لكي يكون واضح القرائة

أنا صراحة متظايق من الخط الي أنت واضعة صراحة ما أقدر أشوف الكلمات بوضوح بسبب صغر الخط وأيضا نوع الخط
كذا تضطرني أني أنسخ كلامك ثم أحطه في مفكرة ثم أشوف وش أنت كاتب ههههههههه :D

الأخ كويت:-
اذا الاستخدام داخل مدينة وخطوط فهناك سيارات كثيرة تكون مكينتها مرتاحة,
مثل اليوكون مثلا, على سرعة 120 الـRPM يكون على 2000 فقط!!
وايضا البليزر والانفوي, لأن مكينتهم فورتك 4200 تقنية power on demand

حيث ان 90% من عزم التدوير يمكن توفيره على دوران محرك من 1600-5600


وحسب علمي ان مكينة البليزر تكون مرتاحة في الخطوط لأن ضغطها نازل, واصحاب البليزر راح يفيدوك اكثر,,
بس عموما انا لا افضل هاتين السيارتين لأن ديكورهم الداخلي سئ جدا واسعار قطعهم غالية شوي,,

يعني ممكن اخذ لي مورانو لأن محركه قوي جدا (محركات VQ من نيسان) ولأنه دفع رباعي مستمر AWD (بس نصيحة هذا مو للبر) وديكوره حلو مره وشبابي

لو تعطينا معلومات اكثر عن اسعار السيارة كان ممكن نفيدك اكثر
وسبب الحنة في الجيوب على السرعات العالية هو مقاومتها للهواء تكون كبيرة بحكم شكلها الغير انسيابي
علشان كذا تحتاج تدوس اكثر على المكينة علشان تتغلب على المقاومة,,
اسف على الاطالة

يا عيني عليك يبو اسد جبت اللي بغيت اقوله,,|1|
الأخ مشتاق:-
هذا اللي كنت اقصده بالمنطقه اللي تكون واطيه ومحاطه بمرتفعات رملية من كل جانب (بعض الناس يسمونها فنجال لأنها مثل فنجال القهوة)
مرة دخلت لها بالجمس, ماقدرت اتحرك لأن قاعها كان رماله كثيفة جدا, اضطريت اشغل الدبل الثقيل علشان اقدر اتحرك, يوم عشقت الدبل الثقيل قدرت اتحرك داخلها بس حاولت اطلع ماقدرت, لأن الدبل الثقيل فيه عزم وليس قوة , كنت اروح لاخر الحفرة واخلي وجهي يم المخرج, وادعس اقوى شي واطلع نص للطلعه ومااقدر اكمل (محتاج للدبل الخفيف علشان اسرع) بس ما اقدر اشبك الدبل الخفيف وانا اتحرك يعني لازم اوقف, باخرتها طلعت مع طلوع الروح بالثقيل بعد مارديت القير لاخر نمرة تحت ويالله طلعت,,
لو كان معي جيب مثل باثفايندر مثلا (دبل يدوي), كان يمديني قبل المخرج احول بين الدبلين واخذ قوة واطلع,
معليش اخ كويت احس اني طلعت عن الموضوع كثير
اخ مشتاق مرة ثانية:-
للأسف ماعندي معلومات عن اسعار اليوكون الجديد, بس اكيد بيكون غالي لأن جنرال موتورز راح تستخدم خامات عالية الجودة وراح تضيف مميزات اخرى,
لكن سعره التقريبي راح يكون بحدود 130-150 الف (حسب اسعاره في امريكا الان)
نقطة حبيت انبهك عليها: اليوكون 2005-2006 فيه قطعة تعتبر امتداد للحية يمكن تعيقك عن التطعيس لأنها راح تحك بالرمل, مدري هل ممكن تفكها ولا لا, اتمنى اكون افدتك

السلام عليكم

يا جماعة الخير ما يسير
خلو لنا مجال نتكلم

ما شاء الله عليكم كفيتو ووفيتو وماخليتو لي شي اقوله غير
بالنسبة للخلطة الي تشمل قوة العزم وعدد الاحصنة فنيسان خير من استطاع ان يضبطها فجميع جيوبها تتمتع بقوة عزم ممتازة وعدد احصنة عالي

night hawk أبو اسد

الصراحه منورين الموضوع ومعلوماتكم جداً قيمه ولا أخفي عليكم اني تعلمت منكم الكثير وتذكرو ان هناك من يتابع كلامكم حالياً ويستفيد .


سؤال لـ أبو أسد و night hawk معليش راح نتعبكم بالاسألة ونبي نستفيد بخبرتكم :)

السؤال :

فرضاً ان شخصاً ناوي يشتري سيارة دفع رباعي بس راح يستخدمها بالشوارع والمدن فقط لاغير

ويريدها مثل سيارات السيدان لانه سمع أو جرب انه أغلب سيارات الدفع الرباعي بالطرق السريعه وعند وصوله إلى سرعه

120 ومافوق يحس ان المحرك (يون) وكأن المحرك وصل لأخر طاقته بعكس سيارات السيدان اللي تاخذ راحتك فيها بالسرعة

مثال على السيارات اللي تون عند 120 أو 140 هي تويوتا GXR V6 (على حسب كلام صاحبي )

- ماهي سيارات الدفع الرباعي اللي تنصح الاخ فيها بشرائها ( هل تكون ذات أحصنه أكثر أم العزم ) (يابانيه أم امريكيه)

- وياليت تذكرنا مثال حي مثل ذكر اسم السيارة.|3|

وممكن لباقي الاخوان يجاوبو على السؤال اذا عنده معلومات :)

اشكركم على التفاعل

اخي Night Hawk اعلم ان اليوكون بتغير شكله تماما لكن انا مستخدم وهذا الموديل مجرب وسعره رخيص مرة لأني متوقع اللي بينزل بيكون غالي كعادة جي ام سي انت كم تتوقع ينزل؟؟


ابو اسد اللي باخذه دبل سوبر ديلوكس

مشكور اخوي عالموضوع

اخ مشتاق

هل اليوكون الي تفكر تشتريه فيه دبل ولا لا :rolleyes:
ولو بغيت نعطيك أنا وأخوي Night Hawk دروس في تطعيس الجموس حنا حاضرين :D
بس حط في بالك

Night Hawk خبرة في 1500
بينما أنا في 2500 يعني في الـ 1500 ما أعرف فيه واجد بحكم عدم قيادتي لهذي المحركات ما أعرف غير 454 :D

خلنا نجرب المايكروفون نشوف شغال ولا لا قبل لا نلقي كلمة

طق طق ألو تسمعون! << يطق المايكروفون

طق طق لا لا ذا عالي بقوة

طق طق أفففففففف محد كذا سامع ههههه

<<< أقول مسوي تستخف دمك :D هههههههههه

هو بصراحة على حسب علمي يعتمد على الأثنين تقريبا

بس الأهم هو يعتمد على العزم بشكل كبير جدا
ومثل ما قال الأستاذ Night Hawk وما أطيل في ذلك

يعني خلنا بعطيكم أيضا مثال
هو قال أن عزم الأكورد V6 يوصل 287 نيوتن/متر بس خلونا نجي لمكينة أقل سلندر مثلا أربعة سلندر
وتكون هي مكينة إيسوزو الديماكس 3 لتر تيربو ديزل
عزمها هو 294 نيوتن/متر! مع أن القوة هي 130 حصان والأكورد 240 حصان الصافي.

ولازم نحط في معلومنا أن أيضا السيارة أيضا تعتمد على القوة
فمثلا في الأنطلاقة لصعود مرتفع هنا يكون العامل الأول هو القوة قبل الصعود في أخذ أكبر قدر ممكن من الأنطلاقة قبل الأرتفاع أذل كانت الأرض مستوية وهي وعرة بشكل بسيط بينما بداية الصعود يبدا بضعف معدل القوة وهنا يأتي دور العزم في أنه لا ينقص بسرعة فأذا كان عزم السيارة قوي وكافي لحمل السيارة سيستطيع الصعود للنهاية.

ويجب وضع في معلومنا في أختيار سيارة الدفع الرباعي
أن اقوة هي: معدل السرعة القصوى , معدل الأستجابة للانطلاقة , معدل قوة وسرعة الأنطلاقة.
بينما العزم هو: مقدار قوة السيارة في السحب والجر , مقدار القوة في أجتياز الطرق شديدة الوعورة وأختص بها الرمل والوحل.

لكن هناك أمور تعتمد على الأثنين معاً (القوة والعزم) وهي:
معدل قوة التحميل السيارة للحمولة وخصوصا لما تكون في الطرق الوعرة.

وتلاحظ لما تسوق سيارتين مثلا الأولى يابانية والأخرى أمريكية
ستجد أن الأولى (اليابانية) لها قوة شبه عادية في الشوارع بسبب أن قوة الحصانية فيها ضعيفة مقارنتا بالأمريكي بينما في الطرق الوعرة يكون قوياً جدا في المشي وتتجاوز كل العوائق بسهولة

بينما الأمريكي نجد أنه قوي جدا في الشوارع العادية بسبب أن قوة الحصانية مرتفعة جدا مقارنتا بالياباني بينما في الطرق الوعرة يكون قوي لكن عامل الوزن فيه يأثر في مقدار قوته في الطرق الوعرة لذلك تجد تجاوزة للعوائق يكون بعض الأحيان صعباً.

اخ مشتاق:
اليوكون ممتاز جدا في الطعوس (شخصيا اعبر نفسي بجمس الاهل 2001 دفرنسين مكينة 1500 اللي هي مكينة يوكون)
عزم التدوير باليوكون 480 تقريبا وهذا ممتاز جدا, بس عيبه انه مايعطي هذا العزم الا عند دوران 4400 RPM وهذا مرتفع ويخليك تحس ان السيارة ثقيلة ولازم تشد عليها بالطعوس
الجمس ماشاء الله يمشي بشكل ممتاز جدا في الطعوس بس لازم تنسم الكفرات كثير علشان وزنه ثقيل,
طبعا هو للي يحب يتمشى على هداوه وما يناقز فيه من طعس لطعس,
يعني اذا انت من النوع اللي ما يترك طعس ما ينطحه فما انصحك فيه, بس اذا ودك تدخل جوا النفود علشان تتمشى وتتقهوى فستجد فيه مايرضيك,
بس انتبه من ناحية المسايف, تراه خطير يعني اذا غرزت على جنب فما اقول الا الله يكون في عونك, تجلس نص ساعة توخر التراب او تسحبه من سيارة ثانية
طبعا اليوكون بيكون افضل من الجمس لأنه اقل طول منه ووزنه اخف قليلا
من العيوب اللي فيه الدبل اللي نظامه كهربائي,
احيانا تكون في منطقه غراز والرمل فيها كثيف جدا, لازم تشغل الدبل الثقيل علشان تطلع, بعد ماتطلع تحصل انك محاط بمرتفعات رمليه من كل جهة, يبغى لها الدبل الخفيف علشان تسرع وتاخذ عزم وتطلع, في الجيوب اللي تعشيق الدبل يدوي فيها وانت تتحرك على الثقيل تطقه على الخفيف ويعشق وانت ماشي ويمديك تاخذ عزم وتطلع, بس في اليوكون لأن الدبل كهربائي لازم توقف وتغير من الثقيل للخفيف, واذا وقفت مشكلة احتمل تغرز بعد ماتعشق الدبل الخفيف,
بس عموما
قالوها لنا وماصدقنا وراح نقولها للي بعدنا
السواقة بالنفود 70% او اكثر على السواق والباقي على السيارة
يعني ماتصدق اني الاسبوع اللي راح مطلع باترول بالجمس!!, وقبله طلعت لاندكروزر, لأن اللي يسوق ماعنده خبره كافية
(وانا بعد في بداية سواقتي اول تغريزه سحبني منها هايلوكس!!!:D :D )
لاتنسى ان اليوكون راح يتغير خلال اشهر,
بالتوفيق

مشرفنا العزيز Night Hawk لو توضح المصطلحات اللي كتبتها لأن الموضوع يهني مرة انا اريد سيلرة دفع رباعي

اليوكون مسوين عليه عرض وش رايك فيه بالرغمن من شكله البايخ داخليا.

يعني انا ما عندي اكثر مما قال مشرفنا العزيز Night Hawk واعتقد اجاد وافادني ايضا
وبالتوفيق

مداخلة أكثر من رائعه

ومعلومات جداً قيمة , أفادتني كثيراً

مشكور عزيزي night hawk