أولا أحب أقولك أذا معك قيمة الجديد فأرى من الأفضل أنتظار الجديد
أو خذ الحالي لأن ربما لو أنتظرت وأصبح أغلى من المتوقع ساعتها قد يكون الجمس يوكون الذي تبحث عنه قد بيع وقد أنتهت الكمية تماما!
حينها لن يكون لديك خيار سوى الجديد
بس خلني أقولك شيء
ترى ما نزلت سيارة أمريكية في السوق كأول موديل منه إلا وهو قد يحصل به بعض العيوب المصنعية وقد تكون مشكلتها مشكلة بس لا أريد أن أقلقك من هذه الناحية.
فنسبة العيوب المصنعية لا أعتقد تتجاوز 8% من سيارات جي أم سي الحالية والسبب أنها أغلب الأشياء التي فيها أصلا موجودة سابقا ما عدى شكل البدي الخارجي وأعتماد مواد الداخلية أكثر جودة من السابق ومواصفات أكثر تطور ومثل ما قلت لك بعض المواصفات قد لا تنزل لدينا في الخليج بشكل عام, وقوة السيارة أكثر من السابق وأقل أستهلاك بسبب تشغيل نصف المحرك عند عدم الحاجة للقوة وغيره ....... ألخ
ومثل ما قلت لك يعتمد على المبلغ الي معك
فأذا المبلغ الي معك ومستعد في شراء الجديد فأرى أنك تستخير وتناظر الجديد
على فكرة أذكر في أعلان في جريدة الرياض أن فيه محل أيجار نزل لديه يوكون الجديد كليا!!!
ليش ما تروح تجربة عنده! ناظر عجبك أشتر الجديد
من رايي الشخصي تستنى لما ينزل الجديد اذا عجبك وكان سعرة معقول توكل على الله واشتر 2007 اما اذا ما عجبك او كان سعرة مبالغ فية تقدر تاخذ 2006 واكيد راح يكون سعرة ارخص
وانصحك بالاستخارة قبل كل شي ترى ما خاب من استخار والله يوفقك
والله ياأخوي العزيز بنسبة لسعر اليوكون فقد أخذ السعر بالدولار الامريكي وضربته بـ 3.75 لتحويلة إلى الريال السعودي فصار أن النصف فل منه وهو SLE مع بدل بـ 144 ألف وكسور؟
أنا معك أن السعر فعلا مرتفع
بس بقولك شيء وخذها مني ثقة
أنا أخذ أول أسعار الجمس من نفس موقع GMC واظربها بـ 3.75 لتحويل إلى الريال السعودي يطلع المبلغ السيارة أغلى من الي عندنا وهذا لا تنسى أن ياخذون رسوم أعلى في أحظار السيارة إلى هنا وأيضا رسوم الجمارك
الي اقصده أن يمكن يصير أرخص من الي مكتوب لان تخبر شوي مستحيل تجي بجميع المواصفات الي لديهم في أمريكا
وأنا سمعت أن اليوكون الجديد راح يكون سعره في 138 ألف نصف فل مع دبل على ما أعتقد ولست متأكدا من ذلك
بس تبي الصراحة
رغم أن اليوكون الحالي أخر دفعة أي سيكون الأقل أعطال في جميع أشكاله من 2000 إلى 2006 بس لما تشوف الجديد 2007 وتناظر هذه الأشياء تطورت فيه وهو:
1- أستخدام مواد داخلية أكثر جودة من السابق.
2- محرك أقوى من السابق وبتقنية تشغيل نصف المحرك.
3- مواصفاته أكثر من السابق مع أني أعتقد أن أغلبها ماراح نشوفها في أول سنة.
4- الشكل الخارجي أكثر ترتيب من السابق وأكثر تناسق.
5- المكابح أعتمد بتقنية جديدة وهي مكابح بوش الألمانية.
6- أكثر أمان من السابق على كلام المجلات والمواقع أخرى أن جنرال موترز أهتمت أكثر في جانب السلامة لهذه السيارة.
هذي الأسباب كلها تخلي الواحد يتجه للشكل الجديد ولو ان يمكن أول دفعة منه ويمكن يكون فيه مشاكل علشانة أول دفعة بس أكثر التقنيات الي فيه وهو أساسة الحالي بس تجديد البدي الخارجي مع تقنيات أكثر من السابق وخامات أكثر جودة وجمالا من السابق
