جربت اكسبلورر 2006 وخرجت بالانطباع التالي

الحقيقه اني رحت اتفرجت على الاكسبلور الجديد والباثفيندر الجديد والذي يعتبر المنافس العنيد للاكسبور والحقيقه انه الاثنين ممتازه لكنني اميل اكثر للاكسبلور للاسباب الاتيه
1- الاتساع الداخلي افضل بكثير من الباثفيندر حتى انه الصف الثالث جلست فيه مرتاح تماما مقارنة بالباث الي حتى الصف الثاني فيه ضيق.
2-الوكيل الجزيزه صراحه تعامل ممتاز ورائع ورشتهم كبيره وقطع الغيار متوفره واسعارها معقوله غير انه الجزيزه كوكاله تشعر انها داخاله السوق للتحدي بخدماتها عن الوكلاء الاخرين
3-نعومة فورد المعروفه والتي لم اجدها في اي سياره من فئاتهم
4-السعر اقل مقارنة بعرض الصيانه المجانيه والمميزات في السياره عن الباث
5- السياره اخذت 5 نقاط في السلامه للاصطدام الامامي وايضا والاهم في الاصطدام الجانبي والذي هو قليل من السيارات تحصل عليه للجانبي وبخمس نقاط .
6-سياره عريقه لها تاريخها .
طبعا يميز الباث نقطتين هامة اولها انها جوده يابانيه بصناعه امريكيه ثانيها قوة المحرك اكثر من الاكسبلور
وسلامتكم

هلا مشتاق

سامحنا فهمتك غلط واللتبس علي الموضوع :)

اخ مشتاق16
يبدو انك مرتاح من السياره
بس ودي اسالك ما تحس ان مراتبها تهتز بكثره
اقصد مسند الظهر والراس
واحب ازيد على ما ذكرت ان السياره بها 4 وسائد هوائيه
لمحبين الامان مثلي

بصراحه انا جربت اكسبلور 2005 عيوبه :
العزم ضعيف , صوت المكينه مزعج , مروحة المكيف قويه اما تجمد او تطفيه , المقعد غير مريح , ازرار الدبل مكانه قريبه للراكب من السائق !!!!!!! ..امل منهم انه تداركو العيوب السابقه في الموديل الجديد........
لكن ميزته انه وكيله توكيلات الجزيرة ...........|3|

حبيبنا بالنسبة لصوت المكينة في موديل 2005 كان واضح لكن لم يكن مزعج كماهو في الباثفيندر الجديد لكن في اكسبلورر 2006 تم تفادي ذلك العيب وهدوء تام داخل المقصورة

اما لتجاوب السيارة مع دعسة البنزين فخذ ولد قصدي موتر :)

تحياتي

السلام عليكم

احب اتقدم لك بالشكر الجزيل على طرح انطباعك لهذه السيارة الرائعة وكذلك مقارنتها بالموديل السابق بناء على تجربتك للسياراتين

واشكرك على مشاركتنا معلوماتك وفي انتظار جديدك دائماً

اخوك
صالح

يعطيك العافية أخوي على التجربة المميزة واكسبلورر سيارة تستحق هذه واكثر

شسالفة الصوت العالي للمكاين

كنت أفكر بالباثفايندر وصرفت النظر عنه بسبب صوت مكينته وفعلاً سمعته عالطبيعه كان ملفت

والحين الاكسبلورر ؟؟ يمكن صوت المروحه والحرارة عالية :) ابي أقنع نفسي p:

مشكور أخوي مشتاق على التجربة وحبيت اسالك شلون تجاوب السيارة معاك مع دعستك على دواسة البنزين اتحسها استجابة سريعه وقوية ؟

أنا أفكر بالاكسبلورر

شفت وحدة بالوكالة و عجبتني..... كان القير موب أرضي ( أنا أحب القير الدركسون )) و كان زر الدبل عند الراكب! و هذا اللي قهرني

ما أدري هل اللي شفتها أنا مثل اللي تمدحها أنت و لا اللي تشتكي منها؟

الإكسبلورر الجديد في قمة الروعة والتناسق ..

يسلمو مشتاق16 على الموضوع والله يعطيك العافيه وإن شاءالله الأخوان اللي يفكرون في الإكسبلورر يستفيدون من الموضوع ..

بحفظ الله |3|