دفع رباعي مستمر ما مفهومه وسلبياته والمزايا

فيه انواع و فيه اشكال لدفع الرباعي و اخوي نايت هوك اذا كان دفع رباعي مستمر اشلون يفصل

بس الي اعرفه مثلا عن السوبارو

الدفع الرباعي يتقسم علي الاطارات يعني المكان الي يزيد علي الوزن تزيد القوه و المكان الي يتقل علي الوزن يقل القوه علي شان السياره ما تنزلق

و عند السرعات العاليه تنقسم القوه 75% الي الدفع الخلفي و 25% للدفع الامامي و عند الانطلاق 75% دفع امامي و 25%

وهذا اسمه الدفع الرباعي المستمر المتطور جداً في عالم السيارات .

[SIZE=4]هل يعني هذا ان اي سيارة دفع رباعي مستمر لازم يكون لها 3 دفرنش

[/SIZE]

تقريبا,,,
لكن اللي في الامام مو شرط يكون دفرنش,, ممكن يكون عكوس
عموما انا عندي موضوع لي فترة اشتغل عليه عن انواع الدفع الرباعي ,,
بس الظروف الهتني عنه ونستني اياه,, لا تنساه من زيارتك|3| |3|

شكراً للمعلومات

هل يعني هذا ان اي سيارة دفع رباعي مستمر لازم يكون لها 3 دفرنش

لزيادة توضيح النقطة السابقة (خطر استعمال الدفع الرباعي المؤقت على الازفلت)



الكفرات الأمامية هي A,B
الخلفية هي C,D
لاحظ اطول مسار هو A
بعده C
بعده B
بعده D
لو السيارة اخذت دائرة كاملة,, كان شفنا رسمه من 4 دوائر
كل وحده من كفر
اقل دائرة في المحيط هي D
لأنها اقربهم للمركز
الحاصل ان مجموع محيط الدائرتين A,B بيكون اكبر من مجموع الدائرتين C,D
يعني الكفرات الامامية تكون قطعت مسافات اكثر,
وهذا يعني ان المحور الامامي لازم يدور بشكل اسرع من الخلفي, (لأن سرعة السيارة ثابته )
وهذا بحد ذاته مشكلة لعدم وجود سنترال دفرنشال بحيث يسمح للأمامي بالدوران بشكل اسرع
الحاصل ايش بيصير؟؟
اما ينكسر المحور
او انه يحاول الدوران بشكل ابطأ ويمكن يتسبب بانحراف مسار السيارة
وهذا بحد ذاته مشكله
صحيح ان هذا النوع من الددفع الرباعي هو اقلهم اعطال واقواهم,, بس لازم تكون منتبه زين اذا طلعت للبر, يعني انت بنفود , وانت تمشي جتك ارض صلبه شوي,, لازم تفصل الدبل وترجعه اذا احتجته, وهذا شي متعب,,
بالنسبة لسؤال الاخ صاحب الموضوع حول الانقلاب على السرعات العالية,,
فهذي اول مرة اسمعها,, بس ممكن يكون تفسيرها ان السيارة الدفع الرباعي المستمر فيها خلل وبالتالي رفض فصل الدبل بعد سرعة معينة,, (في الجراند شيروكي مثلا بعد سرعة 80 تكون السيارة دفع خلفي بالكامل)
والله اعلم:confused:

^
^
ازيد على كلامك اخوي المهندس,,
الـ AWD-All Wheel Drive
مايجي فيه دبل ثقيل,,
واغلب الجيوب اللي تجي دفع رباعي مستمر,, تفصل الدفع الرباعي المستمر بعد سرعة معينة,, مثل الجراند شيروكي واللاند VX-R
الفرق بين الدفع الرباعي المستمر والمؤقت,, ان المستمر فيه دفرنش وسطي (بين المحور الامامي والخلفي)
بينما المؤقت لا يوجد سنترال دفرنشال,,
علشان كذا خطر جدا تشغيل الدبل في سيارات الدفع الرباعي المؤقت على الازفلت,, لأن هذا راح يسبب انكسار لاحد المحاور
والسبب هو لأنو المفروض ان المحاور الامامية والخلفية تدور بنفس السرعة,, بس اذا كنت في منعطف على الازفلت, الكفرات الامامية راح تاخذ طريق اطول من الخلفية, وهذا يعني زيادة في الدوران, والمفروض ان الدوران الامامي والخلفي يكون بنفس السرعة, بس بما ان المنعطف يجبر الكفرات الامامية انها تاخذ طريق اطول,, هذا معناه انه لازم يدور بشكل اسرع وهذا يجهد المحور,,

يا اخي الفرق بين الدفع الرباعي الدائم و العادي انه تقدر تفصل وقت ما تشاء من الجيبات

اما الدفع الرباعي الدائم مثل السوبارو و البورش وووو .

شكرا لمن شارك بالموضوع
فهمنا ان النظاام له حسنات وعيوب
لقيت موقع يتكلم عن هذه النقطة ويقارن بينه وبين الدفع الرباعي العادي
http://autos.msn.com/advice/article.aspx?contentid=4022001
مشكورين

أنا كان عندي راف فور 1996..... و كان رباعي على طول

و عيبه الوحيد اللي أذكره انه ما يخمس

غير كذا ما في فرق ثاني أبد

السلام عليكم

اخي العزيز بأمكانك الدخول الى هذا الموضوع وستجد الاجابة على اغلب اسألتك ان شاء الله

اخوك
صالح

http://www.assayyarat.com/forums/showthread.php?t=62664

بالعكس اخوي اكثر اتزان و قوه

ولكن اكثر استهلاك للوقود

تحياتي وتقديري