<<&& هل سيارتك تقطع و تقمت و بدلة كل شئ تعال اهنا &&>>

$المهندس$ · 2006-06-07T20:44:18+03:00

بــــــــــــــسم الـــــلـــــه الرحــــــــمن الرحـــــــــــــيم السلام عليكم ورحمه الله وبركاته بعد السلام الكلام ... اشلونكم شباب عساكم بخير اولاً قبل لا ندخل في الموضوع خلنه نفسر اشويه شغلات اذا سيارتك تقطع و بدلت الابلاكات ( البواجي ) و فلتر بانزين و الفلتر الهواء و البخاخات و السياره طاي

عاشق الصمت1 @user_21443 · 20-06-2006

يعطيك العافيه اخوي على طرحك للموضوع هذا
طيب واللي عنده ماكسيما 2003 وين يلاقي الامور هذي وشلون يضبطها لان انا اشوف الماكينه او جمبها مافيها شي
من الامور هذي .........؟ او يمكن انا ما عرف الامور هذي يالغالي ........؟
ياريت ترد علي لالالالالاهنت ومشكور مره ثانيه على الموضوع
اخوكم عاشق الصمت1

$المهندس$ @user_18058 صاحب الموضوع · 11-06-2006

حبيبي احمد مطر ما يحتاج وزنيه ولا شئ لو تلاحظ انه مكان الدعس الي فوق فيه صامولتين ما سكين الوزنيه

لا لا تخاف و فيه اثنين واحد حق المثبت و الاخر حق الدوسه و ما كو حق الهواء

و اي استفسار انا حاظر ...

و اخوي نايت هوك انت تستاهل ليش لاء لانه من القروب :) اقول لمن تتعبث لا تنسي الهوز الي تحت علشان لا يصير مثلي والسياره تقطه :) ..

أحمد مطر @user_1022 · 11-06-2006

طيب خوي المهندس ... ممتاز وبارك الله في علمك وجهودك .

الأسبوع اللي فات أشتريت مرسيدس 190 فيها نفس المشكلة اللي تقول عليها .

وفي إستفسار بسيط اللي يفك الشغلات هذي كلها يحتاج الى إعادة وزن البانزين والهواء ... عدل والا موعدل ...

كيف يتم حساب وزن البانزين مقابل الهواء . وهل يتم تسكير الاثنين أو فتحهما على الآخر ومن ثم تتم شغلة الوزن .

أنا عندي فكرة بسيطة حول الميكانيك لا تصير بروفشنل بالحيل معايه . وخذني على قد عقلي .

الله يستر عليك .

CamSHAFT @user_6565 · 11-06-2006

ما شاء الله
اجل مسوي الدرس لي؟؟ <=== صدق نفسه:D
بجرب ان فضيت اتعبث فيها واشوف ايش يصير

$المهندس$ @user_18058 صاحب الموضوع · 10-06-2006

ههههههههه الله يعينك عاد لازم فني من المانيا نجيه :)

مشكور علي المرور

لوريل 86 @user_18547 · 10-06-2006

بارك الله فيك أخي / مهندس .

المصيبة أني ما أعرف لهذه الأشياء .. وأتوقع أن سيارتي لوريل 86 .. جميع أنواع الوساخة فيها :) .

$المهندس$ @user_18058 صاحب الموضوع · 08-06-2006

اي اخوي نايت هوك هذي لومينتي 3.8 :)

$المهندس$ @user_18058 صاحب الموضوع · 08-06-2006

يعطيكم العافيه علي مروركم

وهذي اكبر مشكله هذول الفنين كلهم صايرين مكانيكين بفطر من والد ووالد والده و هكذا

غير عن الي دارس و المثقف في علوم المكانيكا هذا الفني حق تبديل زيت و تبديل بواجي لا اكثر .

وشكراً لكم .

CamSHAFT @user_6565 · 08-06-2006

يسلمو اخوي المهندس
ممكن اسويها على اللومينا بسهولة؟
وهل الصور اللي فوق للومينا؟

فني سيارات @user_8460 · 08-06-2006

شكرا لك اخوي المهندس على هذا الدرس المفيد

وفي انتظار باقي الدروس وننهل من هذه الخبرة

وكما قال اخي محمد على الاقل نعرف اذا ماكانت لنا رغبه في التصليح

لان الذهاب الى الكراج دون معرفة بما قد يكون يدخلك في معمعه كبيرة مع الميكانيكي في الاستغلال و الطمع او عدم القدرة على تمييز بين تمام التصليح او التصليح على الطاير

محمد @user_67 · 08-06-2006

شكرا لك يا مهندس على موضوعك المفيد.
لاشك بأن التقطيع من المشاكل التي نبتلي بها دائما. بعضنا وربما أكثرنا لا يحاول أن يصلح السيارة بنفسه ويظل تحت رحمة الفني الهندي أو الفلبيني وهو وحظه. جميل أن نعرف من أين المشكلة حتى لو لم نرغب في إصلاحها بأنفسنا.

$المهندس$ @user_18058 صاحب الموضوع · 08-06-2006

مو انا صار عندي مشكله انه السياره قام تقطع ما ادري ليش ما ادري شنو نسيت يمكن نسيت درنفيس داخل الثلاجه

ولله ما ادري ؟؟؟؟؟؟؟

فواز @user_561 · 08-06-2006

الله يذكر ال SS بخير كنت كل 10 آلاف كيلو أنظف الثروتل من الفضاوة :D طبعاً العملية كانت تاخذ نص ساعة على أبعد تقدير :)

$المهندس$ @user_18058 صاحب الموضوع · 08-06-2006

حياكم الله و يعطيكم العافيه علي ردودكم

دورفتو يعني علي حسب السياره و المهاره يعني ساعه ساعتين ؟؟؟ علي حسب .

اخوي بشار ولله خوش ورشه وين احصلها بلا التعب وووو

و الشرطه يعطيك العافيه و هذي مشكله الفولفو مشكلته مشكله الله يعينك

عاد تصدق نظفته وكل شئ اخر شئ السياره قام تفتر كأنها تحب الوصاخه ؟؟؟؟ ما ادري شعلامه .

الشــــــرطه @user_3663 · 08-06-2006

يوووووووووووووووووووو

هالمشكله ياهي اقلقتني من جد |5|

انا قدر الله علي وعندي فولفو S60

كل فتره افك الثروتل بدي وانظفه وشف الوصاخه :eek:

وعاد شف الثروتل وينه فيه .. يجي تحت الانتيك :D يعني لازم تفكه من تحت وشغل اليد لحاله مكلف كثير والوكاله تقولك هذا شي طبيعي |13|

المهم انا انظف الثروتل بدي وبيبات (( عصيان )) التوربو لانهن بلاستيك |5|

واذا مانظفت يقعد الموتر يستهبل استهبال غير طبيعي .. الـ RPM يلعب على كيفه و اذا رصيت الفرامل طبعا يرتفع الـ RPM وحتى اذا شغلت المكينه وهذا كله لان الثروتل مايدخل نسبه الهوا المطلوب في الانتيك واذا خذت طاقه اكثر يزيد عدد دوران المكينه .

ياهي بلشه |5|

يعطيك العافيه

bashar_255 @user_12025 · 08-06-2006

الله يخلي رشة ايه سي دلكو بلا فك بلا تربيط بلا صبانات بلا هم :D

هي اللي تظف الإنتيك و تنظف البواجي و داخل السلندر تطلع الوصخ غصباً عنه من العادم :D

لاكن مو بجودة هذا العمل طبعاً :)

دورفتو @user_21979 · 07-06-2006

اوووووووووووووووووف ..... عجيب .....
طيب اخوي ... انا اللحين مسكت معاي وبسويها في البيت .... تتوقع العمليه كلها كم ساعه تاخذ !

عابر البيد @user_12635 · 07-06-2006

وعليك السلام ورحمة الله وبركاته:

الاخ الكريم / المهندس ..

اشكرك على موضوعك القيم والمفيد .. انا شخصيا استفدت منه ..

اتمنى لك التوفيق ..

تحياتي ..|3|

UCF21 @user_19853 · 07-06-2006

بعض الناس يكون متعود يسوي الصيانة عند الوكالة ويحسب إن كل شي مضبوط لكن للأسف في شغلات الوكالة ما يسوونها مثل هالشغلة هذي.
يعطيك العافية يا مهندس... أنا سويت هالشغلة قبل فترة وفعلاً في فرق

$المهندس$ @user_18058 صاحب الموضوع · 07-06-2006

حياك الله اخوي فواز

اتصدق صارلي ساعه و انا ادور علي اسمه ههههه :) احنا نسميه حلق علي طول :) .

شاكر لمرورك .