السلام عليكم ..
..
بالنسبة للسيارات فهناك خيارات متعدده ..
..
سيدان وسط .. بالترتيب ..
1 - هوندا أكورد 6 سلندر
2 - سوبارو ليجاسي 6 سلندر
3 - لومينا SS V8
4 - تويوتا كامري جراندي .. ولكن الموديل الجديد داهية ولو كان متوفر ..لكان هو الأول في القائمة
5 - سكودا سوبيرب 6 سلندر بنزين
6 - هيونداي سوناتا 6 سلندر وباقي قيمتها .. أستثمره في أحدى المشاريع وتطلع لك ببلاش |1|
..
سيدان كبير .. بالترتيب ..
1 - تويوتا أفالون XL ممتازة ممتازة .. فظيعة هذه السياره كما انها حققت مبيعات خيالية بوقت وجيز .. بعكس الموديل السابق
2 - فورد كراون فكتوريا LX SPORT V8 . رائعة وكل من جربها ( جديده ) يشهد لها .. بصراحة الرياضي ممتاز
3 - شفروليه كابريس LTZ 8 او 6 سلندر براحتك وحسب ماتفضل .. سياره صنعت لتسرع بها :D قوية وفخمة وانيقة ورسمية وعملية بعض الشيء .. ولكن البعض يشتكي من سواء خاماتها ولكن أراها فوق الممتازة بسعرها حيث انها اقل من سعر الاكورد 6 سلندر :confused:
4 - ميركوري جراند ماركيز .. كراون فكتوريا بشكل آخر وبنفس المواصفات ولكن الفكتوريا أفضل .. حيث هناك ضمان 4 سنوات مفتوح ..
..
جيب وسط .. بالترتيب ..
1 - نيسان باثفندر .. سياره رائعة ولكن صوت المحرك مرتفع بعض الشيء وغير مريحة قليلاً ولكن ما أحلاها .. أسم ياباني مرموق وصناعة أمريكية مضمونة ..
2 - فورد اكسبلور .. هادئة خصوص بعد التغييرات الجديدة تشك انك قود سياره جيب بل بالأدهى يذهب بك العقل وكأنك تقود لينكولن تاون كار من راحتها وهدوئها .. كذلك سياره عملية جداً وقطعها رخيصة وضمانها 4 سنوات مفتوح
3 - تويوتا برادو .. جيدة بحكم انها تويوتا ..
4 - تويوتا راف فور صغير بعض الشيء وغالي جداً ولكن تويوتا .. :rolleyes:
5 - هيونداي سانت فيه .. البعض يرى أنه حرام دفع مبلغ 93 الف في هيونداي .. ولكن تستاهل أن تلقي عليها نظرة .. مشابهة كثيراً للطوراق من فولكس .. أي مميزة من بعيد ..
6 - شفروليه تريل بليزر .. جيد والبعض يقول قطعه غالية .. ولكنه يمشي حال بسعره ..
..
جيب كبير .. بالترتيب ..
1 - فورد أكسبيدشن .. رخيصة السعر 100 الف فقط لسياره بحجمها يعتبر أنجاز .. وموادها الداخلية ممتازة .. وتضل فورد أفضل الأمريكي .. جودة وأعتمادية .. وضمان
2 - نيسان أردمادا .. أنصحك بها فخمة ومترفة ومميزة .. رائعة جداً هذه السيارة ولكن اغلى بشوي من 100 الف
3 - جي ام سي سوبربان .. شكله الجديد قادم وهذا عليه تخفيض بـ 99 الف فقط .. سياره يشهد لها التاريخ وتعتبر من فخر ومن أقوى السيارات الأمريكية .. لانها بأختصار الوحيدة الي تشوفها بالشارع من موديلات السبعينات حتى الأن
4 - جي ام سي يوكن .. الشكل الجديد وصل لجدة .. والحالي .. لايقل عند البيع وفي الأستخدام عن سيارة من تويوتا ولربما أفضل ..
..
..
أرى ان هذه قائمة بأفضل السيارات بهذه القيمة .. وان كان هناك تقصير فأعذرني ..
..
تحياتي وبالتوفيق .. اجازة سعيدة بالسياره الجديده :cool:
بسم الله الرحمن الرحيم
السلام عليكم ورحمة الله وبركاتة
انصحك بعدة سيارات اولا اذا كنت ترغب بسيارة سيدان متوسطة عندك بيجو407 الجديدة مواصفاتها تفوق سعرها وتراها اوروبي وسعرها اقل من 100الف بكثثثثثثثثثثثثثييييييييييييير _ واذا كنت ترغب العائلية ما الك الا هيفا وهيفا اما كراون فيكتوريا وهذي سيارة امريكية 100% وسعرها حلو وعندك الهيفا الثانية كابرس ssوهذي استراليا وتراها زينة _اما اذا تريد الرباعي باثفندر الجديد ولك الاختيار والافضل من القعدة على شاشات النت روح للوكالات واطلب تجربة السيارات ولازم راح تقتنع .
واذكر لك تجربتي لاني مثلك كنت محتار
بين الرانج روفر وجيب لكزس وجربت كل سيارة عند وكالتها وبعدها طلعت لمعارض النسيم وسألت الناس واصحاب المعارض واصحاب السيارات اللي تبي تبيع سياراتهم مثل النوع اللي ابيه وسألتهم عن الرساوة على الخط واتضح ان الرانج افضل واشتريتة وهذا هو معاي وافضل ما يكون ................. بس بوقت البيع الله اعلم ان اللكزس افضل باسعر كشخة رانج
والله اخوي سؤالك عام لكن برايي الشخصي ان كنت تبي سيدان فعندك الأكورد أو الكامري أو الجراند ماركيز او كابرس ستة سلندر مع اني ماادفع 100 الف على كامري او اكورد ..
أما ان بغيت دفع رباعي فهذا على حسب استخدامك .. للديرة جيب هوندا او باثفايندر اما للتطعيس لايفوتك الربع (طير شلوى) اما للمقانيص فمالك غناة عن ابو شنب الشاصي والله يدبرك على الصالح ويوفقك
