من لديه فكرة عن الكفرات : الوكالة خيرتني فاحترت

اخي الكريم ابوريان

االف مبروك السيارة

ضمان الكفرات لدى جنرال هو 10 الاف كيلو

الطريق لتغيير الكفرات هي :

1- تروح للوكالة وتنشب لهم في مووضع الكفرات وانك لست مرتاح وبعض الاحيان ترج السيارة ومن هالكلام
2- تطلب فحص الكفرات لدى وكيلها
3- اذا تجاوبوا معك يعطون ورقة للوكيل حق كفرات سيارتك
4- وكيل الكفرات يقوم بفحص الكفرات وستكون بين ثلاث احتمالات :
أ- تكون الكفرات سليمة وتجتاز الفحص .
ب- تكون الكفرات خربانة بسبب عيب مصنعي من شركة الكفرات نفسها وهنا يقوم الوكيل حق الكفرات بتغييرها فورا دون الرجوع لوكيل السيارة .............. وهذا نادر الحدوث

ج- تكون الكفرات خربانة بسبب التخزين السيء لوكيل السيارة وهنا يعطونك تقرير لوكيل السيارة وهنا لديك ثلاث احتمالات :
1- ان وكيل السيارة يعابط معك في موضوع التغيير وانت وشطارتك وطول لسانك عليهم حتى تاخذ حقك.
2- يقومون يتغييرها في وكالة السيارة نفسها
3- يعطونك ورقة لتغيير الكفرات لدى وكيل الكفرات اللي انت سويت الفحص عندهم طبعا التغيير مجاني
هذه العملية تاخذ حدود 3 ايام بس خلك ذيب وانشب لهم

***** يمكن ان تذهب لوكيل الكفرات مباشرة وتفحص الكفر عندهم بس لن ينفعك هذا الفحص شي ؟ ليش؟ لان ماعندك ورقة من وكيل السيارة يعني الله يعينك على قيمة الفحص وقيمة الكفرات اذا كانت خربانه

ارجو ان اكون افدتك

تحياتي حبيبنا

الأخ / مشتاق

الف مبرووووك على السيارة الجديدة .. يعطيك خيرها ويكفيك شرها .. آمين

موضوعك عن الكفرات وتبديلها من طرف الوكالة إستفسرت عنه كثيرا ولم أجد الجواب ، إلى أن ارسلك الله لي لأستفسر منه ، فأرجو أن لا تبخل عليّ بتوجيهك .

أنا يا سيدي العزيز من مدة شهر تحديدا شريت لي إنفوي من العيسى موديله 2006 ، وطبعا أكيد ان السيارة مخزنة عندهم لمدة أكثر من 6 أشهر وهذا واضح من الشمس اللي ضاربتها وباينة في كل الجلد والربلات والأزياق اللي حوال البيبان والشبابيك .
عموما مقلب وشربته منهم .. يمكن لأني قليل حيلة ويمكن لأني مغفل :(

بس الكفرات ناوي أصير عليهم شاطر .. يعني تاريخ تصنيع كفراتي هو شهر 8 / 2005 ، يعني قبل سنة تقريبا ، ومع التخزين أكيد انها ما تسوى الحين .. رغم انها ليست محبلة ولا فيها مشاكل ( كم أراها من خلال الاستخدام الحالي ) ، إلا اني بسافر على السيارة ومعي أطفالي .. وشايل هم الكفرات لا تكون خربانة أو ناشفه أو ماشابه .

رجائي الخاص :

كيف الطريقة اللي أخليهم يغيرون كفراتي بها ؟ ناوي أروحلهم يوم السبت من أجل فحص الـ 1000 كم الأولى .. وناوي أنشب لهم خصوصا في موضوع الكفرات .. عداك عن ان الموتر يبيله تشحيم لأنه ناشف وخصوصا الأبواب والله يعلم الأجزاء السفليه !

ساعدني الله لايهينك .. وكم المدة التي أحتاجها لإنهاء الموضوع معهم يعني لو وافقو وحتى أغير الكفرات .. كم يوم احتاج لف ودوران معهم ؟ لإني بسافر يوم الخميس القادم ومحتاج انهي الموضوع لو قدرت قبل السفر حتى أكون مطمأن .

شاكر لك مقدما .. وآسف للإطالة .

عندي أن أفضل الكفرات للجموس هي المشيلان وأحرص على النوع الأصلي زي ما قالو الشباب |1|

وهي لازم تكون قاسية بطبعها مهب لينة مثل الدنلوب لو دخل فيها مسمار نسمت بسرعة لانها ماتستحمل وزن الجموس

الوالد عنده يوكون 2002

وركب عليها ميشلان

وما شاء الله قويه وتحس انها قاسيه شوي

السلام عليكم

مالك الا ميشلان افضل كفرات على الاطلاق

اخوي

انا انصحك بـ ميشلان MTX و انا مركبه على السوبربان حقنا واخوي ركبه بعد على اليوكن حقه موديل 2004

واتمنى لك التوفيق

وشكرا

احرص على المشلان (((((الفرنسي))))) وليس الايطالي

س/ بس اذا كانت المشكلة من التخزين هل تخير بين الشركات ..... او مالك الا قوديير ؟؟؟


ج/


.

الا الراشد ( الوكيل) وين محله ؟؟؟




.

أبو عمر .. الإخوان أبخص مني بالكفرات ..

لكن لو قالوا لك : ما فيه مشلان .. فادفع الفرق وخذ مشلان :)

تبي فزعة شي .. تراي مستعد :cool:

وعليكم السلام ورحمة الله وبركاته وبعد،،




[SIZE=4][COLOR=red]أقتباس من الرسالة الأصلية مشتاق16
طلعت يوكون 2006 قبل 5 ايام تقريبا والسيارة اعلم انها لها مدة وهي واقفة فكنت حامل
هم الكفرات لا تكون فسدت بسبب التخزين .

المهم رحت للوكالة عطوني ورقة فحص لوكيل الكفرات
وكبل الكفرات قام بفحصها وطلعت خربانة :D

المهم الوكيل كتب التقرير للوكالة الوكالة خيروني في نوع الكفرات اللي ابيها وانا محتار
الان مع العلم ان التغيير لا يشمل الاستبنة .

فارجو من لديه خبرة في الكفرات ان لايبخل علي بالنصيحة
علما ان الكفرات الحالية هي good year ووكيلها الراشد
قد يكون سبب تلف الأطارات التخزين وتاريخ الصنع على كل حال أن لم تحدد الوكالة سعر معين فإنني أنصحك بـ ميشلان أن قالوا لك الوكالة غالي يمكنك أن تختار دنلوب، تأكد من سلامة الاطارات وتاريخ الصنع . كما تأكد ان الأطارات تناسب أجواءنا الحارة وكلا ما تم ذكره مدون على احدى طرفي الأطار، وبالطبع الحرارة يفضل أن يكون A حيث أنه أفضل من B بالأضافة الى الأحتكاك يجب ان يكون A نسأل الله لك التوفيق

[/SIZE]


مع فائق احترامنا لشخصكم الكريم - الشمري


[/COLOR]




.

خذ ميشلان والا برلي