محتار بين السوبارو ليجاسي وهوندا أكورد

الـ2007 لسه ما نزلت ، بس إللي أعرفه أنه التغيرات فيها بسيطة مثل مسجل الـMP3 و WMA
تغيير بسيط في الأنوار الخلفية والأمامية.

السعر ، الصراحة ما أدري هل بتكون أغلى بكثير أو لا ، بس اتوقع بيصير تخفيض على موديلات 2006 لأن المستودع مليان سيارات!!!!!!!

على فكرة سيارتي الثانية أكورد لكن موديلها قديم بس مستحيل أفرط فيها!!

ونعم الإختيار لو بتاخذ ليجاسي :) بلا اكورد بلا هم

مبروك مقدمأً اخوي ...

السلام عليكم

أنا توني مطلع السوبارو ليغاسي قير عادي أقل فئة بـ62,000 ريال.

بقول بعض الملاحظات عن السيارة التي أعجبتني:

(*) مثبت السرعة وجهاز السيدي مع الكاسيت.
(*) نظام تعليق السيارة أنعم من الأكورد في المطبات ومع هذا السيارة ثباتها جيد جداً "عيب السيارة هي إطارات الوكالة التعيسة وأنا ناوي أغيرها عند 10,000 كلم".
(*) أنوار السيارة الأمامية بروجكتر " وأنا أعشق أنوار البروجكتر وخصوصاً لما تركب عليها أنوار زينون بدرجة 4000K - 5000K :)
(*) أداء السيارة جيد بشكل عام "وأعتبره جيد جداً بالنسبة لكونه سعة 2.0 لتر" لكن ما أدري أيش بكون أداء السيارة مقارنة مع أداء الاكورد! يبغالي أجرب :D
(*) الدفع الرباعي وهذي ميزة كبيرة خلتني أشتري السيارة.
(*) التصميم الداخلي للسيارة مرة مرة حلوة ، وحركة مؤشرات التابلوه لما تشغل السيارة حركتها حلوة وخصوصاً لما تبي تتفشخر ، هع هع هع .
(*) وجود فتحتين للعادم معطي السيارة شكل وهيبة.

ملاحظاتي على السيارة:
(*) محرك السيارة من نوع بوكسر ، وهذا النوع فيه أهتزاز لما تكون السيارة واقفة ، في البداية أستغربت منها بس طلعت الشغلة طبيعية "بحثت في كثير من المنتديات الأجنبية ووجدت أن هذا الشيء طبيعي".
(*) المقاعد الخلفية ضيقة.
(*) البوري (الهرن ، جهاز التنبيه) تحسن أنه موجود في جهة واحد (جهة اليمين) وهذي أول سيارة في حياتي أشوف أن صوت الهرن يطلع من جهة واحدة!

وأكبر عيب في السيارة هو:

موديل التوربو غير متوفر :(

تصبر على القطع اللي ما تجي الا طلبيه خذ سباروا

وعليكم السلام ورحمة الله وبركاته

أخوي العزيز the twister

أنت ما حددت وش الي بتختار 4 ولا 6 سلندر

المهم

قد سويت تجربة للسوبارو الليجاسي 6 سلندر

وهذا الرابط

http://www.assayyarat.com/forums/showthread.php?t=83370

أخوي العزيز أحب أقولك أن عندنا أكورد 2005 ودائم أسوقها

بنسبة مقارنتي للرساوة بين الأثنين فالليجاسي أفضل من ناحية أن السوبارو دفع رباعي دائم وفيها أنظمة ديناميكية تزيد من الثبات والأستقرار في الطريق وخصوصا في المنعطفات في وأنت مسرع شوي

يمكن في الصرفية أقل لليجاسي علشانها محرك أقل سعة.

وفيه ميزة في الليجاسي بنسبة لي أفضل من الأكورد وهي أن الليجاسي القير التماتيك فيها سيبترونيك بينما الاكورد تماتيك.

تتميز الليجاسي عن الأكورد بأن أقل درجة فيها مواصفات أكثر من رائعة مثل أن السياحي في الأكورد بس سيدي واحد بينما الليجاسي 6 سيديات مع كاسيت! وفيها شاشة صغيرة للمعلومات والمكيف ألكتروني وفيها جنوط ومثبت سرعة وهذه المواصفات تنقص عن أقل درجة في الأكورد.

فيه ميزات في الأكورد ليست موجودة في الليجاسي مثل تغميق الأنوار في المراية بس هذه فقط في الفل كامل
وفيه ميزة أغلاق الزجاج من خارج السيارة في الأكورد والليجاسي لا يوجد بها.

الليجاسي فيها 3 مفاتيح متشابة من ناحية أنها كلها مفاتيح أصل بالرموت بينما الأكورد فقط واحد بالريموت و2 عادية.
كل الأثنين فيها أشارة في المرايات.

الأسعار الليجاسي:

قير عادي 4 سلندر بـ 66 ألف ومع فتحة السقف بـ 69 ألف
قير تماتيك سيبتروينك 4 سلندر بـ 70 ألف ومع فتحة سقف بـ 73 ألف.
الفل كامل من القير التماتيك سيبتروينك مع جلد وفتحة سقف بـ 81 ألف.
فل كامل 6 سلندر قير تماتيك سيبتروينك مع جلد وفتحة سقف بـ 98 ألف وفيه عليها عرض عند اليمني.

الأسعار الأكورد:

قير عادي 4 سلندر 67 ألف على ما أذكر وزيادة حول 3 أو 4 ألاف مع الفتحة

قير تماتيك 4 سلندر بـ 70 ألف والسبشل الي بفتحة سقف بـ 73 ألف

الفل كامل مخمل بـ 81 ألف حاليا على ما اذكر
الفل كامل جلد بـ 85 ألف

الفل كامل 6 سلندر حول 100 ألف

وهذا ما لدي

خبرنا وش الي تبيه بالضبط :D بتاخذ 4 ولا 6 سلندر

أخوك أبــــــــــوأســـــــــد|3|