عاجل هل المكينة خبطت!؟

saudimx @user_4445 · 03-07-2006

السلام عليكم...

الموضوع باختصار انا رجال معي سيارة كامري 2003 توماتيك ماشيه تقريباً 85 الف اليوم الصباح السيارة مافيها الا العافيةوالزيت تقريباً ماشي عليه 9 الاف حبيت أغيره بعد ماغيرته شغلت السيارة بعد دقيقة تقريباً طفت ورجعت شغلتها وعيت تشتغل وولعت لمبة الزيت طلعت المفتاح وحاولت مرتين يمكن واشتغلت المهم مشيت وبعد اقل من كيلو تقريباً سمعت صوت طقطقة في المكينة شوي وزاد الصوت وعلى طول وقفت على جنب وسحبتها بسطحة للوكالة حاول يشغلها هناك وعيت لا تشتغل وعند محاولة التشغيل مايرتفع الضغط في الطبلون الحاصل انه قال بندخلها للفني ونشوف ونرد لك خبر بعد بكرة وانا صراحة حالياً محتار هل المشكلة في الزيت مثلاً مع اني غيرت عند المحل اكثر من مرة ولا صار شي أو المشكلة بالبلوف أو يمكن في البواجي... ياليت تورونا... لأن اللي استلم السيارة يقول يمكن تحتاج توضيب |10|

بانتظار ردودكم...

need_for_speed @user_24217 · 06-07-2006

اعتقد انه مضخه الزيت اصابها عطل وهي السبب في تلف المحرك

العوض على رب العالمين وربنا يعوضك باحسن منها

salehhd @user_17805 · 06-07-2006

لاحول ولا قوة الا بالله

الله يعوض عليك

شوف اذا السيارة بتكلف كثير شوفلك مكينة من وارد اليابان تكون نضيفة وسعرها معقول

PEUGEOT @user_32058 · 06-07-2006

سعودي طيب حاول تسأل وتذكر العطل في ايش بالضبط ولازم تعرف
لانه المشكلة قد تكون اهمال واذا ماعرفته ممكن تتجاهله في المره الجاية وتطيح في نفس المشكلة طيب حاول تتذكر يوم سمعت الطق طقه في المكينه كان صوتها عالي مره زي الانفجار ولا كان ضعيف وهل خرج زيت من الشكمان ارجوك وضح لكي نفيدك لاني انا صارت معي مشكلة في سيارتي بيجو 406 وتخيل صار يطلع من الشكمان مويه زايده وزيت ولما فتحت عيار الزيت لقيت الزيت رايح زي الكبتشينووو وطلعت المشكله بسيطه والحمد لله راح الوجه حق المكينه قميته الظهار 75 ريال ويبغال الراس مسح خفيف في المخرطه وبعض الشغلات الخفيفة معني يوم شفت الزيت مع الشكمان توقعته انه تخبيط يالله حاول تتأكد من المشكله عند مهندس ممتاز ممكن تكون المشكله بسيطه لاكن الوكالة يبغون يوضبون مكينه علشان ياخذون منك فلوس زياده

$المهندس$ @user_18058 · 05-07-2006

شنو طلع فيها حق التوضيب ؟؟؟

هل بساتن كرنك وله شنو .

saudimx @user_4445 صاحب الموضوع · 05-07-2006

مع الأسف المكينة جابت السيئة ويبيلها توظيف طبعاً الوكالة سعرهم خيالي وغير معقول طلعتها لورشة في صناعية أم الحمام قلت شيكها وشف وش يبيلها واليوم بطلع له إن شاء الله ويعطيك العافية...

لهيب @user_28454 · 05-07-2006

طمنا شنو صار معاك ان شاء الله خير؟

salehhd @user_17805 · 04-07-2006

السلام عليكم

ريح بالك ان شاء الله بسيطة

اعقد ان المشكلة من الجنزير اقطع لانه ربل

واحتمال كسر عدك كم بلف والامر ان شاء الله سهل

saudimx @user_4445 صاحب الموضوع · 04-07-2006

والله ياخي الزيت فتحه قدامي زيت تويوتا لكن اللي أفكر فيه الحين امكانية إن العامل طاح منه شي داخل فتحة الزيت صامولة صغيرة أو غير وهل يقدرون يكتشفون هذا بعد الفحص أو لا!؟ وشاكر لكم اهتمامكم...

لهيب @user_28454 · 04-07-2006

اخي بما ان الزيت مو ناقص ف ان شاء الله المشكلة بسيطة.

ولكن انا خايف ان الزيت اللي حاطه مو زيت ماكينه!

اخاف حطلك بالغلط زيت قير والا زيت ثاني مايناسب السيارة.

انت متأكد ان نوعية الزيت اللي حطه مناسب لسيارتك؟ شفته بعينك وهو يصب الزيت؟

saudimx @user_4445 صاحب الموضوع · 04-07-2006

يعطيكم العافية يالأخوان وبخصوص استفسارك أخوي $المهندس$ الزيت لم يكن ناقص أبداً حتى يوم وصلت السيارة للوكالة فحصناه هناك وكان سليم 100% وللعلم المشكلة صار وأنا ماشي أقل من 60 يمكن 50 أو 40 ماني متأكد...

سوبر اكس @user_30372 · 04-07-2006

كان عندي كامري 96 وكنت في سفر فجاة الحرارة طلعت
اضطريت اوقف وازود موية الرديتر
مشيت على السيارة مسافة والحرارة مولعة لكن مضطر لاني كنت في مقطعة
بعد الوصول روحت وعملت تصييخ للرديتر ونزلت الحرارة
بس المكينة كانت على وشك الموت
بعد شهرين او اكثر وانا ماشي بسرعة منخفظة فجاة اسمع صوت طقطقة في المكينة واطل في المراية اشوف اللون وراي صار ابيض كنه ضباب والسيارات ماعاد تبان زي اللي يرشون فليت بالبخاخ الابيض
خبطت المكينة والزيت والماي صار يطلع من الشكمان
بالدف وديتها للورش في الصناعية وغيرت مكينة ب2000 ريال
بعد ما استلمت السيارة اكتشفت ان المكينة المستعملة اللي ركبوها مخبطة كمان
على طول على الحراج وقلت للشراي المكينة مخبطة قال ما يهم اهم شي البودي سليم مو مرشوش

هذه قصة سابقة لي مع الكامري وانشاء الله مكينتك سليمة

$المهندس$ @user_18058 · 03-07-2006

وعندي سؤال هل الزيت ناقص ؟؟؟

$المهندس$ @user_18058 · 03-07-2006

السلام عليكم

انا لا عتقد انه من سير التايمنق لانه لا تستطيع السياره علي المشي بدون السير اي مستحيل انها تمشي ...

و انه السياره ما تشتغل ولله انا اعتقد انها مشكله مو هينه و خاصتاً انه الصوت من المحرك و انا لم اري السياره ولم

افحصها لاكن يمكن ان يكون توضيب و يمكن شئ بسيط ...

والله اعلم ...

kuwait @user_22417 · 03-07-2006

فكرت بالمشكلة مثل تفكير أخوي الطائر

أحتمال ان سير التايمينق أو بعض الاحيان يسمى بجنزير الصدر , وغالباً يكون مخفي داخل المحرك ولايرى بالعين إلا بعد التفكيك ولذلك أغلب الناس الذين لايتقيدون بالصيانه داخل الوكالة ينسونه او لا يعلمون عنه شي

وسير التايمينق يتغير كل 60 - 80 اللف كيلو متر حسب نوع السير بعضها ياتي حديد (عمره اطول) وبعضها يأتي كالسيور العادية

واذا اكتشفت ان السير لديك منقطع فالمحرك يحتاج إلى توضيب وتبديل الفالفات واحياناً يصل إلى البساتن اذا كنت ماشي بسرعه عالية وانقطع عليك

الطائر @user_31512 · 03-07-2006

لست مهندس ولا متخصص |3|

ولكن اتوقع والله اعلم بان الامر لا يتعلق بـ ( تخبيط ) المحرك لانه لا يأتي هكذا فجاة لابد له في البدايه من علامات واشارات

مثل ظهور دخان من الشكمان لونه ازرق او أبيض ويزداد الامر بالتدريج ، او بسبب تعرض المحرك لدرجة حرارة عالية بسبب تهريب الزيت او الماء الا في حال لاسمح الله بان هناك جزء بالمحرك انكسر فجاة وهذا نادرا ما يحدث والله أعلم

عموما اظن والله العالم بأن الصوت كان من منطقة سير التيمن بسبب انسلاخه ( انقطع ) او اهتراء البكرات المثبت بها

وتذكر قبل ان تتخذ قرار بأنني لست متخصص وانما ما ذكرته لك من مبدأ تصور شخصي

ننتظر منك ان تخبرنا ما حدث معك حتى تعم الفائدة

|3|

saudimx @user_4445 صاحب الموضوع · 03-07-2006

بس اللي محيرني إنه لو المشكلة في الزيت كان طلع الصوت قبل التغيير موب بعده وهذا اللي محيرني وحاط ألف علامة استفهام فوق راسي؟؟؟؟

دورفتو @user_21979 · 03-07-2006

حرام عليك .... سياره تغير زيتها على ال 9000 كم !!!

أنا سيارتي كل 5000 أغير لها وافكر اخليها كل 4000 لانه الصيف حار ...

والله ماعندي خبر ايش فيها سيارتك لكن الله يكون في عونك اخوي