ماذا فعلت بعد أن أخذت الرخصة ؟!

لوريل 86 · 2006-07-11T21:24:28+03:00

السلام عليكم ورحمة الله وبركاته : أما بعد : الأعضاء إن شاء الله طيبين :) أرجو المشاركة منكم في الموضوع . بعد أن طلعت من صالة إصدار الرخص لأول مرة تأخذ فيها الرخصة ما فعلت في ذلك اليوم ؟! عن نفسي كنت أدور مناطق التفاتيش ولكنّي لم أجد في ذلك اليوم :mad: :mad: وحتى لو حصّلت بيمشّوك يعني ما يطلبوا

التيما 2006 @user_23607 · 12-07-2006

كيف الحال

انا يوم طلعتها الصبح رجعت البيت طلعت العصر مامداني اطلع من البيت الى الدورية توقفن وطعتينن مخالفة على الاستمارة

ماركيــ 99 ــز @user_31583 · 12-07-2006

السلام عليكم ورحمة الله وبركاته

بالنسبة لي كنت اسوق داخل المدينة وخارجها بدون رخصة لمدة ثلاث سنوات

وكل ما اعدي من يم تفتيش يقول لي وقف ويصكني بقسيمة عدم وجود رخصة الين وصلت قيمة القسايم 3000 ريال

بعدها طلعت الرخصة وفي ذاك اليوم بالتحديد والله اني قاعد افر نص مكة ادور تفتيش ولا احصل وادور وادور وادور

وبعد شق الانفس لقيته لقيته وانا قاعد على اعصابي ابيه يقل الرخصة والاستمارة واعدي واطالع افيه ابيه يطلب الرخصة

ولا شي واعدي مرة ثانية من جنبه ولا كأنه شافني

المهم اللي ابوصله بالضبط انه يوم تكون معاك الرخصة محد حولك

اما اذا ماكان عندك اونسيتها القسيمة واجبة واجبة !!!!!

MGM LS @user_28288 · 12-07-2006

بالنسبه لي انا قبل لا أطلع الرخصه 3 ايام اخذت توقيف مع قسيمه خيره وبركه

وبعد ما طلعت الرخصه نكاده والله يا جماعه اني اجي واقول اكيد بيطلب الرخصه لان قدامي واحد طلبه

يوم جيته قالي أمشي شوف كيف ؟؟؟ كنت بطلعها واقوله شوفها ههه

قليل من يطلب الرخصه اهم شئ الاثبات يمكن يمشيك ويمكن تاخذ قسيمه بس ويمكن زيب حالتي تأخذ توقيف وقسيمه

عذب الاحاسيس @user_15092 · 12-07-2006

اول ماطلعتها مافرقت معاي وكنت كل ماامر تفتيش استناه يقولي الرخصة والاستمارة ولا عندك احد :) ولا احد طلبها

تحياتي

*الـسـفـيـر* @user_7407 Banned · 12-07-2006

كان شي عادي عندي بس الفرق اني اذا مريت نقاط التفتيش ما توصل دقات قلبي لل1000 :D

....

kuwait @user_22417 · 12-07-2006

أول شي رحت لأخوي وترجيته أخذ سيارته واتمشى فيها شوي

وبنفس اليوم وقع حادث أمامي مباشرة وكنت راح أدخل بالحادث بس الحمد لله ستر

ورجعت قلت لأخوي أمسك سيارتك مابيها كنت بضيعها لك :)

دورفتو @user_21979 · 12-07-2006

أنا الامر كان عندي عااااادي جدا ...
تعرف ليه ...

لانه ماعندنا نقاط تفتيش ..... وعلى فكره أنا كنت قبلها أسوق السياره في وسط المدينه لمدة سنة كامله تقريبا بدون رخصة قيادة ....

المهم ..... أخذت الرخصه ...... بعدها ب 4 ايام صدمت :D ...... لاحظ يوم ماكان مع رخصه كنت حريص , لكن بعد ما أخذت الرخصه صرت مهمل كخخخخخخخخخخ

T N T @user_29467 · 12-07-2006

اول يوم طلعت فيه الرخصه ادور تفتيش قلت مافيه الا في طريق الملك عبدالله المهم

كان زحمه فرحان محد قدي معي رخصه مع الفرحه نسيت اني مضلل السياره مع البيبان والخلفيه

قوه التضليل 00 خفيفه

يوم وصلتله كنت منزل القزازه قالي ارفعها رفعتها يوم قالي وقف على جنب وفك التضليل ويصكني بقسيمه

قهر والله والمشكله ماسالني عن الرخصه قالي اثباتك بس

تحياتي

GM_TAHOE @user_23867 · 11-07-2006

السلام عليكم
اول ماطلعت الرخصة رحت لتفتيش اللي في حينا واللي قهرني انهم ما وقفوني
وعلى هل الموال استمريت اسبوع وانا اتقصد اروح لتفاتيش على شان يطلبون الرخص
ولكن كان نادر ما يوقفوني

اخوكم SOSO2004