أستفسار عن الالنترا هيونداي ..

اخوي العزيز وللمعلوميه فلتر المكيف ما يغير بس ينظف وتقدر انت تفكه وتنظفه!!
وهو خلف الدرج اللي على يمين السواق تفكه وتلقى وراه الفلتر فكه ونظفه وهذي كل المشكه وهذا حلها!!
عندي جيب توسان ومشيت عليه حتى الان 50000كيلو ولا غيرة اي شي بس نظفت فلتر المكيف فقط!
وفي الورش يفكونه وينظفونه لك ب30ريال فقط.
والباقي راح اغيره في صيانة 60000كيلو مثل زيت القير وفلتر المكينه .
اما بخصووص بلف الحراره هذا تغيره الوكاله لقافه عشان يستفيدون بشويه دراهم!!!!!!!
ما يغير الا اذا شفت ان الحراره تنزل عن مستواها الطبيعي ومن الناحيه هذي ما عندك اي مشكله!!
لان حراره الهيونداي ممتازه لاخر درجه ولا تحتاج تغييير البلف.

اما بخصووص الفحمات لا تاخذها من الوكاله لان الخصم عندهم يكون في حدووود 30 _35% فقط .
اما المحلات الخارجيه فتجيهم القطع من الوعلان بخصم يصل الى 45% ويبيعونها لك بخصم تقريبا 40%.
بالعربي تاخذها من برا الوكاله اصليه ارخص لك.

هذا اللي عندي واتمنى لك التوفيق
اخوك
سراب الود

شكراً للأخ:سراب الود .. وانا اقصد بالصيانة مثل ماذكرت الفلاتر والفحمات وتشييك ....وشكلي ان شاء الله بروح للورشة وأغيرها عند الورشة .. وتصدق هي الاشياء في الوكالة بمبلغ 1200 ريال .. والقطع هي فلتر مكيف ومكينة وبواجي وبلف حرارة وأول مرة أسمع انه يتغير وتغيير زيت المكينة مع الفلتر وزيت القير ... ولما حسب نفس القطع الاصلية مع التركيب صرت تقريباً 560 ريال فقط عند احسن ورشة .


هذا ولكم جزيل الشكر... رجاوي الرياض

أشكر الأخ عاشق تويوتا:.

على رايك وتجربتك مع الوكالة وصدقة من ناحية التنسيم والاشياء هذي ياكثر ماتصير وخاصة في الهيونداي ..

وشكلي والله أعلم بسوي الصيانة في أحدالورش وأفك نفسي من الوكالة على قولك ماتدري هم غيروا شيء أوماغيروا...

اخوي العزيز وش قصدك بالصيانه!!!
فيه اعطال في سيارتك ومشاكل وتحتاج صيانه.
اذا كان هذا قصدك رح الوكاله لان السياره مازالت تحت الضمان.
اما اذا كنت تقصد بالصيانه الاشياء الاستهلاكيه زي الفحمات والبواجي وفلاتر الهوا ((سواء للمكينه او المكيف))
فهذي اشياء تسويها انت او اقرب ورشه ولا تحتاج لاي مهاره.
على العموم يا حبذا انك تسوي صيانة 60000كيلو في الوكاله .
اخوك
سراب الود