اسرع طريقة لامتلاك BMW الفئة السابعة

راتبك 9 بصراحه قليل
انت الظاهر كان راتبك اقل بكثير في الوظيفه الاولى ونقلت على وظيفه اخرى شفت راتبك 9 كثير
اسمحلي 9 قليل هذا اول شي

بالنسبة للبنك
الاهلي يعطيك بعد 3 شهور اقل شي
راح يعطيك 15 راتب على مدى 5 سنين
بزيادة 5% طبعا كل سنه
9*15=135 الف ريال فقط
اذا دفعتها على مدى 5 سنوات
حوالي 2500 شهريا
بزيادة 6 الاف ريال سنويا طبعا (تقريبا) يعني ال135 راح تردها 170 تقريبا

انت حسبت حسابك انك تحتاج بنزين صيانه اكل شرب ايجار بيت فواتير جوال (الله يقرف الجوال وفواتيره ماتخلص)

طيب انا اسالك سؤال
فرضا طلعت السياره ومابقيلك شي من الراتب غير شي قلييل
ايش الفايده لو طلعت مع شباب ومعاك بي ام وكشخه وماعندك فلوس القطه والاكل والشرب
اقسم بالله مرررررررره عيب معاك بي ام ومامعاك تخرج مع الشباب كوفي شوب واماكن عشاء فخمه

اقلك شي
انا راتبي زي راتبك وشغال في وزارة الخارجيه وعندي بدلات اخرى
والله مررررره نفسي في اكورد 6 سلندر ب95 الف والراتب يغطي لكن ماراح اطلعها لانه ورايا مصاريف ثانيه اهم بكثير
وادفع فلوس لاهلي يدعولي احسن ماافع في سياره الناس يحسدوني عليها

على العموم مافي احد راح ياكل على راسه غيرك وانت حر
واسف اذا الكلام جارح شويتين بس ابغاك تصحصح حبتين ومد رجولك على قد لحافك

حااالة وحده ممكن تطلع بيها السياره
يكون معاك 100 الف كاش من الوالد او الاهل (اذا كانوا مقتدرين) وتقسط الباقي

مشكور يالمميز 2003 على التوضيح لكن اخوي حتى ولو بعد نظري عن البي ام في سيارات اخرى حلوة مثل لكزس مايحتاج تشتريه وانت مرتاح ايضاانفينيتي وكل الوكالتين ياباني يعني افضل من الالماني بكثير من حيث عدم الخوف من القطع الباهظة وايضا الصيانة اللي تكلف الكثير والتعقيدات الزائدة هل توافقني الراي .

وشاكر مرور جميع الشباب وكلن بأسمه . تحياتي .

ميتين من الفقر و الاخلاق تجارية ,,

ياخوي بالله عليك تسعة الاف وش تسوي لك الان في المصاريف ..

ياخوي الاخلاق هي اللي ترفع مستواك مو السياره و موديلها ..

اذا انت راتبك تسعة الاف و تبي تاخذ سيارة اغلى من مرتبك ..
اعرف ان الله يعينك و يخلف عليك


فية سيارات فخمة و حلوه بس مو بالسعر الخيالي ..



انصحك نصيحة اخوية لا تقرب منها ..

قصتي مع ال BMW اضغط على الرابط أسفل

http://www.assayyarat.com/forums/showthread.php?t=77399

انتبه من بعض البنوك والربا وكن على حذر جدا واسأل كثير لكي يبارك الله لك في مالك وسيارتك ويحفظها لك ...

تصدق أخوي انا مثلك مفتون بالسيارات وأمنيتي إني أملك من هالسيارات الفخمة ....

ولكن خلك واقعي شوي ....

انا لو راتبي 20.000 ألف ما قسطت بي إم

فما بالك أنت راتبك 9000

لا والمصيبة بعد يوم تقول مستعمل ....

يعني تخيل تقسيط وديون وبالنهاية سيارة مستعملة ماتدري عن إستخدام الي قبلك لها

وما تدري وش السبب ليش باعها

لو فرضنا جدلاً شريت بي إم 730 موديل 2005

الآن نزل موديل 2007 من بي إم يعني تحس إنك صرت قديم شوي

بعدين لا تنسى أنك أخذت 730 يعني في 740 و 750 و 760 و 760 أندفيجوال

يعني ما تحس أنك وصلت لغاية مهما سويت راح يكون في أفضل وأحلى

علشان كذا أبعد عن الموضوع من الأساس

وأنت ودك لكن ما تقدر طيب ليش تتعب نفسك

صدقني لو تستأجرها يوم واحد بس طاح الي براسك

أنا كنت شغوف جداً لتجربتها وأستأجرها قريب لي وأستخدمتها لمدة ساعتين تقريباً

730 أسود 2006

والله طاح الي براسي وحسيت أنها سيارة مثل باقي السيارات بالعكس حتى تحس انك على أعصابك

تخاف أحد يحك السيارة أو يصدمها ....

وبالأخير أقولك مد رجليك على قد لحافك

ولو على الأماني كان ما خليت سيارة ما شريتها في وقت واحد !!!!

وتحياتي لك ...

لايكلف الله نفسا الا وسعها اخي العزيز السيارات شيء حلو بس الله فرق بين الناس
يعني تلقى واحد يقدر يشتري عشر سيارات وهو مادرى فيها وواحد ياله يشتري سياره قيمتها 100 الف وبالتقسيط وباللعنه بعد
انا اقترح اشتر سياره قيمتها ماتتعدى 80 الف ريال او سبعين الف على قدك ولاترهق نفسك بشيء مانت قده وصدقني تبي تفرح ببدايه الايام اذا اشتريت البي ام وبعدين تبي تكرهه عمرك انك اشتريتها لان اذا خربت عليك شمعه او خبط عليك شيء وشفت كيف الاسعار الخياليه لقطع الغيار تبي تنصدم انت راتبك 9000 الاف لاترهق نفسك بسياره اكبر من قدراتك الماديه ولاتناظر غيرك من اللي يركبون مواتر فخمه وجخ ذولا عندهم فلوس واغلبهم اهلهم تجار اهم شيء تكون مقتنع بالسياره اللي تشتريها عموما انا نصحتك وانت بيدك القرار ..

يعطيكم ياشباب العافية على ردودكم .

لا تفكر كيف تشتريها وتسدد اقساطها اذا عالتقسيط وعلى راتبك بنقول اوكيه ...بس فكرت فالتأمين؟؟ فكرت بالصيانه اللي هي نااار في وكالة البي ام وقطع غيارها غاليه وخصوصا ان خراباتها وايد...ما انصحك بالتقسيط ابدا ابدا اذا في ناس قسطت فتحصل رواتبهم توصل ال 15000 فتحصله يقدر يوازن نفسه ....اما اذا عندك ظهر غير الراتب فهذا شي ثاني

(( النصيحة أمانة حرام يفتي بها من لا يعلم ))

أخي لا تبني نفسك بهكذا طريقة لدي مثال من الناس أخشى أن يتكرر فيك ما خلى سيارة لم يشتريها لكن نهاية كانت بشعة ولا توصفها حروف

أتمنى إن كنت متلهف بها أو في غيرها لديك محلات التأجير تريحك كثير :)

إستشر ثم إستخر مع خالص تحياتي وإحترامي

:)

اعجبني رايك عندما قلت ((لمن تكون مشتاق لسواقة البي ام روح واستاجر لك وحده واستمتع. ))

الله يجيب العوااقب سليمة ... ولو اني اييد انك تاخر التفكير بذا الامور ...

الله يرزقك من واسع فضله وموفق ان شاء الله ....!!!

الله يسمع منك اخوي S 320 COM وشاكر مروركم ياشباب لكن زي ماقلت لكم راح اشتري مستعملة يا2005 او 2006 يارب سهل امري وارزقني إياها .

البي ام سيارة عزيزه ومالها مثيل ومتعتك الحقيقية مع السياره لمن ما يكون من وراها دين او تقسيط او وجع راس. انصحك انك تشتري سياره على ميزانيتك. ولمن تكون مشتاق لسواقة البي ام روح واستاجر لك وحده واستمتع.

ادعوا الله عزوجل ان يرزقك من حيث لاتحتسب ويصير عندك قيمة البي ام كاشششششششش وتشتريها.

اعرف واحد كات شغال براتب 5000 ريال
وجاته دلاله لبيع عقارات في مكة 200000 مثتين الف ريال

راح شراله فياجرا 2004 بـــ 180 الف ريال وقعد بالعشرين الف سافر كلها اسبوعين ورجع باع الفياجرا بخسارة واخذله كابريس ال اس وانطرد من العمل والحين قاعد يعض اصابع الندم على مافات.....

عاطل معه حفنه من الريالات ينتظر وجود عمل .....

شبااااااااااااااااااب

ايش فيكم شبيتو في الرجال

واتوقع اخوي انتفنتي Q45 مش بزر علشان تقولون له كذا

والولد يبي يتمتع في شبابه عادي وانا لو مكانه راح اسوي اكثر من كذا بعد

يعني تبي تقنعوني ان كل الي عندهم BMW ولا مرسيدس

كلهم كااااااش

المهم اخوي الله يوفقك

ام بالنسبه للقرض انشاء الله الاخوه مايقصرون معك ويعطونك المعلومات الكافيه

تحياتي

لاتجعل شراءك للسيارة لأجل رغبة جامحة
وكما قلت سابقا
السيارة وسيلة فقط وليست هدف
انا سمعت عن مدرس سوري عنده مازدا موديل 1979
وماشيه معاه زي الحلاوة
لا وبعد يسافر بها لسوريا كل سنة
المهم نتذكر حديث الرسول صلى الله عليه وسلم : (انظروا الى من هو اسقل منكم ولا تنظروا الى من هو اعلى منكم فانه اجدر الا تزدروا نعمة الله )