# شرح تغيير منظم الماء الحار Opel Omega 2002 6v#

modi_sa @user_30915 · 07-08-2006

درس لملاكي أوبل أوميغا 2002 ستة سلندر

المشكلة : فجأة و انا واقف والسيارة شغاله أشوف مويه تصب من تحت السيارة بغزاره من خلف المكينة و مقدمة القير و حدث نقص فموية الرديتر و الكمبيوتر طلع رساله مستوى الماء ناقص

التشخيص: كان صبعا جدا لاني رفعت السيارة و شفت بس المويه تصب من فوق بدون مااعرف المكان بس كان من نهاية المكينة الجهه العلويه.

بعد الفحص الدقيقه بدون فايدة اظطريت لفك الثلاجة لاني المكان ضيق جداا جداا ثم رأيت مكان التسريب و كان من هذه القطعه الموجوده فالصورة وكان السبب انتهاءء العمر الافتراضي للقطعه

فائدة القطعه : تنظيم دخول الماء للتكييف الحارر في السيارة أيام الشتاء وبعض الناس بلغون كل الليات بالمره ولكن الافضل انك تصلحها نظرا لحاجتنا لها فالشتاء .

الادوات المسخدمه : مفتاح 19 - حبه 10 و زراديه و مفك عايدي و خرقه للتمسيح ويفضل استخدام عدة اصليه ويلاحظ في الربط عدم الشد على المسامير بقوة

سعر القطعه : 150 ريال

في الصورة اعلاه توضيح لخطوات العمل : نشيل الثلاجة و نفك الليات الثلاث ونركب الجديد ولا ننسى نحط لي الهواء من الاعلى ونربط الثلاجة مره اخرى ونتوكل على الله ونشغل و لا ننسى نزود المويه الناقصه.

تحياتي للجميع

ahmed1420 @user_5410 · 02-02-2007

الحمد لله المشكلة بسيطة إن شاء الله .. انا بقولك وش حصل معي بعد ما طلع التهريب قالوا الاديتر يحتاج تغيير المهم واحد فليبيني قال لي روح للصناعية تحصل القطعة البلاستيكية وجديدة المهم رحت للصناعية وتحديدا اول شارع الجمعية اذا دخلت الشارع وانت متجه جهة الشرق اول تقاطع شف الورشة بالزاوية على اليسار شكلها ما يشجع لكن الصراحة كنت خايف ما يعرفون لها المهم الجماعة شكلهم مركبين قبلي 50 سيارة اوميغا يمكن ما جلست عندهم ساعة وحده إلا وخلصت الحمد لله وللعلم غيروا القطعة البلاستيكية بالاديتر بقطعة جديدة والسيارة لها اليوم سنة تقريبا ما فيها أي تهريب الحمد لله. والتكلفه 200 إلى 250 ريال .

تحياتي .

نيون @user_12718 · 02-02-2007

مشكور أخوي على تواصلك

التهريب بسيارتي عند نقطة رقم 3 بالصوره

وش المطلوب مني اشتريه ؟؟ مع العلم ان مهندس الوكاله يقول لازم تغيير الردياتر لان التهريب من وصله شابكه بالريداتير وهي بلاستيك
بصراحه انا ماعندي خبره بس ياليت تساعدوني والله شي يقهر

بس اكيييييد انها من رقم 3 بالصوره

وشكرا

ahmed1420 @user_5410 · 01-02-2007

حياك الله أخي نيون معنا وإن شاء الله مشكلة السيارة عندك بسيطة اولا اذا ظهر عندك على الشاشة كولانت ليفل هذا دليل نقص الماء ونقص الماء له اكثر من مكان انا ابحدد لك اماكن بالمحرك ممكن تشيك بنفسك وتعرف وين مكان التهريب بالظبط
السهم رقم واحد هذا مكان الموزع إلي يتكلم عليه اخوي modi_sa
السهم رقم 2 هذا تحصل قطعة تشبه الموزع راكب فيها فيش كهرب يمر منها لي ويتجه للموزع بالسهم رقم 1.
السهم رقم ثلاثة توجد على الرديتور بالجنب مخارج يركب فيها ليات ايضا هنا احتمال تجد التهريب .

ايضا فيه احتمال رابع وهو المبرد داخل المحرك وهذا شغلته شغله واذا اردت التاكد منه افتح قربة ماء الاديتر وشف الموية اذا كانت تشبه الكبتشينو معناها الزيت دخل على جهاز التبريد بالمحرك وتحتاج تغيير المبرد ويوجد موضوع بالمنتدى بهذا الخصوص.

ربما يكون التهريب في مكان غير هذه المواقع لكن الغالب يكون منها واذا انت من الرياض والمشكلة طلعت من الرديتور لا تهتم ممكن اصلاحة بـ 200 ريال ويمشي معك زي الحلاوة إن شاء الله.

صورة توضيحية :

تحياتي

نيون @user_12718 · 01-02-2007

اخوي مشكور والله يعطيك ألف عافيه :)

انا عندي أوبل اوميجا 2003 v6 وعندي نفس المشكله بس ماني متأكد اذا التهريب من نفس القطعه الي شرحت تغيريها
وعلى فكره اخوي التهريب يكون خفيف يعني اعبي من اسبوع ل أسبوع يعني نفس القطعه ولا لا

الوكاله رحت لها على طول تغير الكولانت (كولاانت اظن انه الرديتر لان يطلع بالشاشه كولانت ليفل) وسعره 3000

اتمنى تكون المشكله مثل ماقلت والله احس ان السالفه ماتستاهل ويقولون تغـييييييييير:mad:

اخوي ممكن تساعدني بالمشكله ؟؟ انا قريت مواضيعك يعني ماشاء الله عليك فاهم بالأوبل

سعر القطعه 150 بس ايش اسمها ؟؟ اذا كانت نفس المشكله

ويعطيك العافيه والله يبارك لك بسيارتك

stun @user_2575 · 31-01-2007

الله يوفقكم شباب <== متعاطف مع أصحاب الأوميغا خخ

الموضوع قديم بس أشوفه مهم :)

bten @user_30401 · 30-01-2007

السلام عليكم

اليوم الصبح صادتني نفس المشكه بالظبط

والحمدلله لقيت الحل ( نفس الموضوع )

ahmed1420 @user_5410 · 08-08-2006

ما شاء الله عليك شرح واضح والله يعطيك العافية ويبارك لك بعملك.

kuwait @user_22417 · 08-08-2006

اتصدق وتامن بالله

إني ولمدة 3 شهور ويمكن أكثر بالاوبل أسترا كان فيها تسرب من هاذي القطعه بالضبط .

وكنت كل ماأحب اروح مشوار لازم أعبي السيارة واذا كان المشوار طويل أوقف بنص الطريق واعبيها .

يعني كانت معاناه مابعدها معانا وخصوصاً اذا كان الاهل معك.

والمشكلة إني رحت جميع المناطق الصناعية بالكويت ولا أحد راضي يصلحها ويقولون هاذي قطعه (ربل) مطاطية وماينفع معاها التلحيم .

بما إني (مخاصم الوكالة) ولكن بعد الدوخه وقلة الحيلة رحت هناك وقلتلهم عن القطعه المطلوبة والجواب كما هوا كان متوقع ( والله بابا هادا قطعه مافييه داخل مخزن) :|

وبعد الدعاء ان الله يفرجها رحت لورشة بخصوص كمبريسور المكيف وقالي في تسرب عندك قلتلك أدري قالي ليه ماتصلحها قلتله بصريح العبارة ( أعطيك اللي تبيه بس صلحها) ومااشوفه إلا وهو قاعد ينادي على واحد وقال مستعد اصلحها لك بمبلغ 30 دينار (المبلغ مرتفع وماتسوى كلها ربل) بس انا لو بيدي أعطيه 30 دينار وفوقها أحب ايده بس تنتهي المعانا.

<---- تنفع روائي ههههههههه

الخلاصة : اااااااااخ لو حاط الموضوع قبل مده كنت استفدت الصراحه الكثير ورفعت عني المعانا .

شكر خاص لك عزيزي

$المهندس$ @user_18058 · 08-08-2006

يعطيك الف الف عافيه ...

ولله مبدع ما شاء الله عليك ...