وهل دبل اليوكن قوي مثل الجيب ام لا

اشكركم جزيل الشكر على مروركم وافادتكم الجميله

السلام عليكم


اخوي بالنسبه لليوكن مثل ماتفضلوا الاخوان جيب عائلي وزادوا الدبل اللي فيه عشان يكتمل لكن ماينصح للطعوس والتغاريز بسبب وزنه وثقله بالطعوس


ومو خفيف اليوكن :)

بالنسبه لعلامه ال lo هو ال low الخفيف

وال H يعني ال high الثقيل للطعوس القويه

والجيب اقوى بالدبل الف مره لانه اخف بوزنه الهيكلي والدبل حقه اقوى


تحياتي

وانشالله افدتك بهالمعلومه لاني جربت الاثنين بين شيروكي ويوكن



Night

أخوي بالنسبة لتساؤلك عن اللو والهاي ..

ما أدري والله .. هل يكون اللو هو اللي سهمه لأسفل أو العكس ؟؟

لكن فيه حل ..

جرب إضغط كل الإثنين .. إذا حسيت بثقل في الموتر وكأنك معشق على الأول .. فهذا اللو .

أما الأوتو .. فتستخدمه لما تكون عندك منطقة زلقة أو عندما تحتاج ثبات أكبر .. أو منطقة شبه وعرة وما تستاهل إنك تشغل الدبل الكامل .. فالأوتو يقلل من الإستهلاك للبنزين ( يعشق الدبل لكن تعشيق جزئي والدفع يبقى خلفي فإذا حس إن الكفرات الخلفية بدت تدور والسيارة ماتمشي مضبوط عشق الدبل تعشيق كامل )

أتمنى اني أفدتك .. :)

السلام علكيم

تنسيم الكفرات ضروري في كل الحالات ويفضل ان يكون من 15 الى 20 لعدة اسباب

1- لكي لايزيد الحمل على الحرك وبذلك ترتفع الحرارة
2- يفرش الكفر ولا يحتاج الى جهد كبير اثناء التطعيس
3- التقليل من المطب والصدمات في الارض
4- حماية ظهر الركاب من الصدمات القوية من المطامر

بالنسبة للاوتو في الدبل فأعتقد انه للثبات كثر منه للتطعيس وذلك وجد زر ال hi و ال lo

تستطيع ان تقلل هوى الكفرات وتجرب السيارة بالدبل الاوتو فان كانت السيارة تسير بشكل مناسف فلا يوجد مشاكل اما اذا احت الدبل الخفيف فالافضل استخدامة

شكرا لكم
الان فهمت السبب لكن زر AUTO4 هل هو دبل ومتى يستخدم
زر4 سهم على فوق هل هو HI
4سهم على اسفل هل هو LO
لان ماعندي كتابات على ازرار الدبل سهو اسهم سهم فوق وسهم تحت

لكن لو نسمت الكفرات على 20 وشغلت AUTO4 تغرز السياره ام لا

شكرا لسعة صدوركم (غشيم ومتعافي)

اقول ماينفع الا التنسيم

لان قبل 4 شهور اواخر الشتاء كنت مع العضو عبدالعزيز

كنا على اليوكون ورايحين نسحب واحد متعلق على قص فوق الطعس

وكان الرجال معه باثفندر 2001 قير عادي المهم

صفطنا جمب الخط نسمنا الكفرات على 20

ونزلنا وسط الطعوس وركبنا فوق الطعس وكان اليوكون ماشي زي الحلاوه

وسحبنا الرجال وفي هذا الوقت جاء راعي الربع 2004

وقف جمبنا ويتفرج علينا اثنا السحب

يوم سحبنا راعي الباثقندر جاء بيحرك راعي الربع بس ماقدر ليييش لانه مانسم الكفرات

راعي الربع حاول يمين يسار مافي امل الربع غرز

نزل هو وربعه نسمو الكفرات بعدها طلعو

الزبده

اذا جيت تخش الطعوس لازم تنسم على عشرين ويفضل 15 ولازم تكون العده معك ومايحتاج ذكرها

ومافي دبل قوي ولا ضعيف

هي تعتمد على خمس امور وهي :

1- التنسيم

2- السواق له دور

3- وزن السياره له دور

4- حجم الكارونه

5-قوة المحرك

ونسيت اضيف نقطه اخيره والي هي قير السياره

يجب ان يكون قير عادي علشان يكون مظبوط معك

هذا الي عندي

وشكراً

شكرا جزيلا على الردود الجميله والمفيده

انما شفاء العي .... السؤال...

وقد شفيت بالجواب

فشكرا لمن افاد

أتوقع انه مافيه شي اسمه دبل قوي والا دبل ضعيف ..

الدبل ماله علاقة ..

اللي له علاقة هو : قوة المحرك , وزن السيارة , قيادة السائق ومعرفته , تصميم السيارة وارتفاعها عن الأرض , وغيرها ..

أما الدبل فهو مايفرق .. زيه زي الدبل في أي سيارة ثانية .

مافهمت قصدك يالغالي؟؟؟
ادري انها متعاكسة وان hi قد يفهم منها القوة,
low اختصار لـLow Range وسمي هكذا لأنه يستخدم فقط لفترة قصيرة ولمناورات صغيرة ايضا وبعدين تفكه

هههه

أخوي هذا التساؤل كان على بالي من زمان ..!!

لكن يوم عرفت سبب التسمية بطل العجب .:)

المقصود بـ hi : هو السرعة ( يعني دبل السرعات العالية ) >> يعني تقدر تسرع عليه .

أما المقصود بـ lo : هو دبل السرعات المنخفضة ( ماتقدر تسرع فيه لأنه ثقيل جدا ويتعب السيارة ) .

مدري فهمت علي والا لا ؟ :rolleyes:

كلامك اخونا Night Hawk صحيح ولم يخطيء كما تظن اخي

Night Hawk



1- 4*4 hi وهذا هو الدبل الخفيف
2- 4*4 lo وهذا هو الدبل الثقيل

؟؟؟؟؟؟؟؟

^
^
^
المشكلة اخوي ماهي من الدبل, بل لأن السيارة ثقيلة جدا خصوصا اذا هي جمس, انا ماعندي جيب وناوي اطلع واحد قريب واعبر حالي بجمس الاهل موديل 2001 مكينة 1500 (اصغر مكينة) دفرنسين, بصراحة كل اللي ركبو معي تغيرت نظرتهم للجمس, قالو ماشاء لله هذا جيب ولا جمس, بس عيبه انه يحتاج لتنسيم كثير علشان تمشي, يعني بعض الجيوب ممكن تدخل الطعوس على خفيف بدون تنسيم, بس الجمس شبه مستحيل, انا جربت على ضغط كفرات 35 والله مايمشي ابد, حتى بالثقيل يمشي زي النمله, بس من خففته صار ماشاء الله غزال
بالنسبه لليوكون فهو افضل من الجمس لأنه اخف وزن وزاوية الخلوص فيه اكثر اتساعا (قرب المحاور من بعض)
تحياتي

والله اخوي الدبل حق اليوكون ماهو بنفس قوة دبل الجيوب والسبب ان اليوكون مصمم كي يكون سيارة عائلية قوية على الطرقات مو سيارة طعوس
وهاذا كلام واحد من الوكالة لما جيت ابي اشتري جمس 2006 قال انصحك لا تاخذ دبل لانه مو ذاك الدبل يعني ما يفيد واجد ويزيد سعر السيارة وفعلا اخذت السيارة بدون دبل وسعرها 109 الاف من العيسى