Night Hawk
الله يسلمك يا غالي , و يفداك الغالي والله .
أحنا ما سوينا الا الواجب , أنا الصراحة ما حبيت أسوي زحمة ولا أكتب الموضوع اللي يضيق الخلق و الصدر, بس
بالصدفة قابلت في المستشفى قسم الطوارئ رجال من المرور رتبة كبيرة , سألني :سلامات عسى ماشر؟؟ قلت
له الموضوع بالتفصيل , قال وش رايك نسوي لك قصة في التلفزيون عشان الشباب يتعضون و ما عاد يصير أي سباق
في الشوارع ولا يفحطون , و نوزع قصتك في التلفزيونات و في أقسام المرور .
الصراحة أغرتني الشهرة و نزل لعاب من فمي , بس قلت له عن طريق المزح : أخاف يغّيرون من السدحان و القصبي
ضحك , بس أصرّ على الموضوع بشدة ,يعني شوي و يركبني في الفورد السري
قلت له خلاص عطني رقمك وأنا اذا صرت مستعد نفسيا أدق عليك , و بالفعل عطاني رقمه في المكتب و رقم جواله
و رقم السكرتير اللي عنده في المكتب باقي يعطيني رقم جاره
قلت دام أني بطلع بالتفلزيون صوت و صورة أطلع في المنتدى كتابة بس أرحم لي لأني أخاف أوقف قدام الكاميرا .
الصراحة أحسدك لأنك ما في يوم جربت تقاوم , لأن اللي تقاوم مرة و مرتين يصير عنده أدمان .
عموما نصيحتي قائمة الى يوم الدين للشباب كي يثنوا عن المقاومات و يتجهوا الى التفحيط:D
ألف شكر لردك , و لتشريفك للموضوع
++++++++++++++++++++======================+++++++++++++++++++
عنابي
هلا و الله و غلا أخوي , و الله يسلمك من كل شر.
أخوياي :الراكب (( جني )) كان رابط حزام الأمان (( أول مرة في حياتي أشوف واحد يتقاوم وهو رابط الحزام ))
بس بسبب الحزام جاه شعر في كتفه , صاحب اللومينا مسكين فيه كسور في رجله و يده حاطين له أسياخ , الله يشفيه
و يقومه بالسلامة , و الراكب الخلفي مذكورة حالته آنفا الله يشفيه .
بس ياليت تطل علينا اذا تجمعنا في المستفى نزرو بعض تشوف أنواع العاهات:D
مشكور على ردك عزيزي
++++++++++++++++++=====================+++++++++++++++++++
اسير دروبك
يعني ما فيه الحمدلله على السلامة و لا فيه ما تشوف شر ولا فيه في الحديد ولا فيك ؟؟ :D
عزيزي شكلك فليتها في العطلة و لفيت العالم , أجل ليش تدقق على هالجزئية بس؟؟|13|
الله يسلمك يا غالي , الواحد عشان يرتاح اذا أصابته مصيبة لازم ينظر للجانب المشرق , والجانب هذا أني منسدح على
سرير كهربائي أطلق من حق المستشفى قيمته 6000 آلاف ريال , و عندي لاب توب جديد ب 6600 ريال و الي أبغاه
يجي بطلب بسيط بس , و شغالة تحت الطلب خاصة فيني , الصراحة تحس نفسك ملك
مشكور لتشريفك الموضوع .
+++++++++++++++++++==================++++++++++++++++++
فـهـد
أنت سويت مثل خويك لا تحمدت على السلامة ولا شي , معليش نمشيها لك
اذا جيت عند الغلط كل شي سويناه غلط , من ناحية الركوب مع ناس يتقاومون و من ناحية المقاومة في شارع رئيسي
و من ناحية المقاومة آخر الليل يعني عباد الله يصلون و حنا نتقاوم و أزعجناهم , شكلها دعوة منهم علينا
أنا من ناحيتي متكفل أدل راعي اللومينا ة راعي الكابرس على بيت الأمير (( واحد نذل :D ))
أو نروح كلنا نأخذ تعويض , اللي على يده و رجله واللي على رجله و اللي على سيارته .................
وأهم شي أنا ما راح آخذ تعويض مادي بس بشرط آخذ دورة بالمورسيلاجو رودستر|91|
مشكور على تشريفك و ردك عزيزي
