أختاروا لي أفضل سيارة عائلية

KeN جزاك الله خير والله انك رهيييييب |1|
وسعرها حلو ويابانيه ... :)
ياليت من مجربين الغرانديس يقولنا وش رايه فيها بعد التجربة...
ووكيلها كيفه والصيانه حلو ؟؟؟؟

" وتعرف الرديوس الفان ... وش صناعتها ؟؟؟ووكيلها ؟؟ "

معليش .. أنا أول مرة أسمع في هالسيارة

واللي يعرف أي معلومة عنها.. ياليت يوافينا فيها


تحياتي

Kenny

هلا أخوي مستفيد ..

أمس زرت العيسائي .. طريق الخبر الدمام السريع ..

<=== كان يبي يشوف الجالنت الجديدة .. بس لسى ما عرضوها .. وشفت الـبيك أب L200 الجديد .. والله جنــــان بس ما عجبني فيه محركه .. ضعيف نسبياً (2400 سي سي بقوة 134 حصان) مع منافساتها مثل تويوتا هايلكس أو نيسان بيك أب أو المسمى بـ ( ددسن ) .. لكن شكلاً تفوق عليهم جميع ( وجهة نظر ) :)

عموماً نرجع لموضوع الغرانديس .. ( اللي شفتها وسألت عنها .. كان موديلها 2006 ) ومواصفاتها ( نص فل ) وبدون فتحة سقف وقير أوتو وبها صف ثالث .. والسيارة مكتوب على ورقتها الجمركية Made in Japan للمشككين فقط :)

سعرها كان 76000 .. بس أتوقع يخصمون إذا شافوا الشخص جاد في الشراء :)

تحياتي وآسف على الإطالة

Kenny

KeN مشكور وماقصرت والله يجزاك كل خييييييير ...
شكلها حلو وداخليتها أحلى بس فيها مرتبه ثالثة وإلا لا ؟؟؟؟
وياليت توافينا بالسعر بعد زيارتك ...
وتعرف الرديوس الفان ... وش صناعتها ؟؟؟ووكيلها ؟؟
والله يوفقك ....

انا ارشح البريفيا

مادامها مع سوااااق ..

أستفسار بسييييييييييييط
وش تعرفون عن فان روديوس ... شكلها من برا حلو مرة ..
لكن كم سعرها ومين وكيلها وصناعتها .؟؟؟؟؟؟؟؟؟

نعم اخي الكريم اقصد فان gmc

وعليكم السلام ورحمة الله وبركاته أخي العزيز ((((((((بو فيصل ))))))
ألف ألف ألف شكر وتقدير لك على معلوماتك القيمة والمفيدة ...
اللحين بيكون المقارنه بين الميتسوبيشي ومرسيدس بنز ... هي اللي أعجبتني من كلامك .... بزور الوكالات بإذن الله .....
لكن الأرمادا سعرها غالي ... والباثفاندر هل تتوقع انه مريح لانه جيب ... دفع رباعي صحيح ميزه حلوة لكن راح أجربه وأشوف ...
الله يجزاك كل خير ولا حرمك الله الأجر ... وتقبل الله منا ومنك الصيام والقيام ..

شكرا جزيلا لكم جميعا على تفاعلكم ياشباب ...
الأخ جكور ... الفان سفاري تقصد فيها فان GMC ؟
العاشق الحزين أنا معك جداَ إن البريفيا حلوة مرة لكن سعرها غالي على سواق !!!
بدرررر ميتسوبيشي مين وكيلها ؟؟؟ وكم سعرها ؟؟ لأني بصراحة ماقد شفت شكلها .. لكن أقتنعت فيها من كلامك ..
أما الاوديسي بأصرف النظر عنها خصوصا أن سعرها مرتفع ...

بسم الله الرحمن الرحيم
السلام عليكم ورحمة الله وبركاتة
الى الاخ الكريم
بالنسبة للفانات العائلية
الان نزلت انواع غير المعتاد من الجودة والسعر المنافس والاسم العريق
مثل /// دايملر كلايسلر وهو فان قوي جدا جدا ويتحمل لكني اقولك اذا ما همك البيع فهو الافضل ولكني خليني صريح اكثر قطع الغيار شوي غالية لكنك اذا تبي جديد جديد وكالة فأنساه من 4 سنوات الى5 سنوات بالراحة
وما يحتاج صيانة.
وعندنا بعد/// فان مرسيدس -بنز فان من الدرجة الاولى مثل ما يقولون راحة وفخامة وجودة واسم عريق وقطع غيار معقولة جدا جدا وسعره حلو.
والميتسوبيشي/// سيارة لا تعرف الورش ولا تعرف طريق الصناعية وراح تنسى شئ اسمه قطع غيار وهي سيارة لديها شدة تحمل لا اتصورها في اي سيارة اخرى حتى التويوتا اتوقع لا تصل الى تحملها .
والهونداي/// ايضا لديها تشكيلة واسعة من السيارات العائلية والسعر المعقول والقطع الغيار المعقولة.
ولكن بالنسبة/// للخيارات المطروحة /// البريفيا ( تويوتا) يعني ماله مثيل بالسعر للبيع والقطع
والكيا /// غيروا وكيلها من الحاج حسين الى شركة كيا السعودية على خريص والسيارة قوية اثبتت جدارتها وكثير من الناس اللي اعرفهم استخدموه ويمدحونه لكن خدمة الوكيل الجديد ما عندي علم عنه.
والهوندا //// هي الافضل من ناحية الاستخدام والقيادة ( مثل السيارات الاوربية ) والسلامة افضل بكثير من منافساتها
والسعر ايضا محافظ علية للبيع طبعا هذا الكلام من استخدام الناس للاكورد والسيفيك فأكيد الاوديسي مثلهم لكن اسئل مجرب للاوديسي افضل من طبيب .
والانوفا//// سيارة جديدة مدمجة صغيرة عائلية متوسطة وسعر مناسب وماركة عالمية(تويوتا) وجديرة بالذكر لكني ما اعلم احد استخدمها لكنها شكل حلو صحيح انها مرفعة من الخلف كثير لكنها حلوه .
طيب/// نسيت اشياء اخرى مثل/// الارمادا والباثفاندر من نيسان ايضا عائلي وسعر مناسب والمستخدمين يمدحونهم وما في اي ملاحظات على السياراتين.
والاهم هو قم بسؤال المجربين للسيارات اعلاه افضل لك ولكن اسئل مستخدم شخص استخدام حشمة وليس استخدم متهور
وقم بزيارة الوكالات وطلب استخدام السيارات التي لديهم .....
وهذا بصراحة كل اللي عندي واي استفسار اخر انا بالخدمة.......
اخوكم/// بوفيصل////
تحياتي////

السلام عليكم ،،
فيه مثل قديم يقول اسئل مجر ب ولا تسئل طبيب
انا عندي اودسي ما جسلت سنه الا وقيرها عطلان ومشاكل الاوديسي معروفه عند اصحابها بالقير وبعدين سيارة ضخمه زيادة على اللزوم

مستوبيشي انا مجربها جلست معي 3 سنوات ما طلبت غير بطارية وزيت حتى الفحمات ما اذكر اني غيرتها الا مرة او مرتين او الانوفا وان كانها عائلتك كبيرة الجمس

عندك الفان سفاري سياره ممتازه ومريحه حق العائله وسعرها مناسب في حدود 85 الف

عذب الاحاسيس الله يجزاك خير لكن آخذ كيا ومستعمل بعد .. أنا موناقص خرابات وروح وتعال على الورشات ... أتوقع الكوري ياتفكه أنت وتتمتع بشبابه القصير ولا المستعمل ... الياباني وفوق وبس ...
لكن الهونداي تقصد أنها مو مريحة ... أنا أتذكر قد ركبتها أكثر مالفت انتباهي المكيف ثثثثثثلج مرررة لكن الراحة والله ماركزت عليها ...

الصابونة الحمرا والله خوفتني !!! طيب ياليت تبين الأسباب اللي تخلي الكيا حسره وندم ...

الكيا ممتازة جدا للسواق ولو تلاقي مستعمل افضل وافضل

ماسلمت سواق سيارة جديدة والله لو تجيبله وش عدمها مابالك بالبريفيا والسيارات الثانية اذا سيارات صغيرة ماعرفوا يسوقوها مابالك بالكبيرة اسمع نصيحتي وخذله كيا ممتازة وقطع غيارها متوفرة وسعرها مناسب ومريحة في المركبة
ومنتشرة في كل مكان اما الهيونداي ممتازة لكن الراحة فيها 0 والكيا لو اخذتها فيه وكالتين الان لها واكيد تبي تصير منافسة من كل النواحي والضمان 3 سنوات

تحياتي