مبلغ 80000ريال سعودي وش اشتري برايكم ؟

إذا كنت من محبي السيارات ذات الشكل الرياضي خذ هيونداي كوبيه 2007 (شكلها رائع)
إذا كنت من محبي السيارات ذات الأداء الرياضي خذلك تشارجر أقل نوع أو لومينا ( سيارتين قوية وما عليهم كلام )
إذا كنت من محبي السيارات التي تجمع بين الفخامة والقوة إلى حد ما خذ هوندا أكورد أو نيسان ألتيما وأفضلهم البيجو 407 موديل 2006
إذا كنت من محبي السيارات الكبيرة الفخمة نوعا ما خذ كامري GLX 2007 أو كابريس LS

(الميركوري ركبتها صحيح أنها واسعة لكني أحس أني قاعد أنطنط طول الوقت وما عمري ركبتها إلى جاني صداع)
(السوناتا لا بأس بها لأن سعرها أرخص بدرجة من مثيلاتها في المواصفات بس ما عمري جربتها ولا ركبتها)
(تذكر أن الهيونداي الكوبيه سيارة صغيرة نوعا ما فإذا كنت ستركب معاك أكثر من شخصين فلا أنصحك بها لأنها صغيرة والراكب الخلفي حيحس أنه حيموت قبل لا يخلص المشوار لكن إذا كانت لديك سيارة أخرى عادية أو لوالدك سيارة ويمكنك إستعارتها منه فأنا أنصحك بها بشدة)
(الكامري الجديدة شكلها رائع لكن لا تأخذ الإس إي لأنها زيادة فلوس على الفاضي الجي إل إكس أفخم وأرخص ولها نفس المواصفات في المكينة)
(الألتيما في إشاعات تقول أن الشكل الجديد حيصلنا موديل 2008 يعني السنة الجية إن شاء الله)
(البيجو 407 مشاكل الوكالة ما تنتهي معاها لأن وكيلها سيء والسيارة يبغالها عناية فائقة لكنها فعلا سيارة جميلة ولا تنسى أن شكل 2006 نفس شكل 2007 بس الفرق بين الموديلين في السعر كبير)
(الليجاسي قوية ومن شركة عريقة ومعروفة بالقوة لكنها غالية وشكلها ما أستسغته <ما عجبني>)

هذا رأيي الشخصي أما باقي السيارات فمن رأيي ما أعتقد فيها شي متميز ممكن في سيارة قوية لكن يكون شكلها سيء أو غير مريح أما من وجهة نظري فهذه السيارات هي الأفضل في هذا السعر
ولا تنسى أن الناس أذواق فممكن سيارة ما تعجبني تشوفها إنت رائعة وإمكن أشوف سيارة رائعة وما تعجبك فلابد من أن تتفرج على السيارات بنفسك وتشوف إلي يناسبك
وتقبل تحياتي

|3| السلام عليكم ،،
انصحك اخوي بشراء جيب تويوتا مستخدم ونظيف او فورد ميركوري
ولك تحياتي ولا تنسى تاخذني معك للبر ان كانك شريت جيب تراي احب القنص والخضرة .

اولا انصحك اخي ان تستخير الله
وهناك سيارتين انصحك بحكم خبرتي التي ليس كبيره
1 - الكامري
2- السوناتا
سيارات ممتازه جد ولاتنسى انها تخدم كثيرا
ولو احتجت الى بيعها تقدر تبيعها يثمن جيد
وانت لك الاختيار
والله يكتب الي لك فيه خير

سونلتا فول ولا بليزرولا ازيرا

كامري قراندي 2006 جديدة فل كامل 76000 الف بعد الخصم ..........

انا اقول خذلك فورد نظيف من الصالات ب 40 الف والباقي استثمره ولين يصير معك مبلغ مضبوط خذ لك لكزس لانها شيــك.


تحياتي.

أنصحك بسوبارو ليجاسي

سيارة يابانية 100%

دفع رباعي مستمر

فيها مواصفات ما تلقاها في أي سيارة إلا قليل جدا

مواصفات 4 سلندر:
جنوط 16, نوافذ ومرايا كهربائية, نظام دفع الرباعي المستمر المتناسق, أنظمة ABS وEBD للمكابح, وسادتين هوائيتين للسائق والراكب, مثبت سرعة, جهاز أستريو بـ 6 سيدي وكاسيت, 3 مفاتيح كلها ريموت كنترول في نفس المنفتاح, شاشة معلومات صغيرة بها مقاييس درجة الحرارة الخارجية ومعدلات الأستهلاك الأجمالية وباللتر, شكمانين, وأسطبات لون اسود الواطي عدسة مع أمكانية تحريك الأسطب للأعلى وللآسفل, وقير تيبترونيك 4 سرعات, مكيف ألكتروني طبلون أبيض.

فرق السياحية عن الفل هي 3 أشياء: مراتب جلد وفتحة سقف ومرتبة السائق بتعديل كهربائي.

الفل كامل 4 سلندر بـ 75 ألف ريال للقير التماتيك تيبترونيك أما القير العادي بـ 72 ألف

بصراحة الان الدودج تشارجر

صار لها هيبتها وانتشرت بين الشباب

لانها سيارة خيالية بسعر معقول

والسعر اللي انت محددة يجيبها لك ان شاء الله

واذا مابغيتها عندك هوندا اكورد

سوبارو ليجاسي وبامكانك تجربها من الوكاله او اكورد بس انا افضل السوبارو....

ولا تنسى الاستخاره.. والله يوفقك

اخوي انا باقولك السيارة العائليه والرياضيه والشبابيه بس شرط تزود 5000 ريال

وهي هوندا اكورد 4سلندر فل اوبشن وسعرها الحالي 85000 ريال جديد وكاله والسياره ممتازه ولا عليها كلام

وباعتقادي انها افضل من الكامري والماكسيما

جزى الله كل من أفادنا برأيه والله يوفقكم جميعا وماقصرتو :)

الكامري زين بعد عندك اللنسر ممكن تاخذ
مكسيما لكن ممكن تتغير

والله يا أبوتميم التجربه خير برهان

لفلف الوكالات وجرب السيارات

ويعتمد تبغى سيارة صغيرة ولا متوسطة ولا كبيرة

صغيرة ( فوكس - مازدا 3 - سيفيك )

متوسطة كل اللي ذكرتها الباقية

كبيرة ( كراون فيكتوريا )

واتركك من كلام الناس علبة بيبسي وسيارة شياب ومدري ايشكله

السيارة اللي ترتاح لها اتوكل على الله وخدها...

لكن لو أنا مكانك بحكم محبتي لكرايزلر ودوج راح انظر في الخيارين اللي ذكرتهم ( سيبرنج - تشارجر )
سيارتين رائعة بحق وتتفوق في الامكانيات على البقية

الا ان السيبرنج راح يتغير شكلها في 2007
لكن موديل 2006 عليه تخفيض كبير سعره أعتقد 65000
وهي سيارة ممتازة جدا

ثم تأتي في المرتبة اللي بعدها فوكس ثم مازدا 3
ثم رتبها انته بعدين

وجرب السيارات واللي يريحك اشتريه

وللمعلومية دودج وكرايزلر قطع غيارهم غالية الا ان الوكيل ليس سيئا كما يدعي البعض

شووووف أخوي دودج شارجر ولا الومينا الجديده او الكابريس الجديد ((2007))
اذا انت مستعجل شارجر او اذا بتنتظر انتظر الكابرس ولا الومينا الجديده بعد شهر تقريباُ
غيرها لا تخذ
خلك من الكرون فكتوريا حقت الشياب
او خلك من الموندي او الفوكس علبة بيبسي
او خلك من المازدا البقره
او سوبارو ليجاسي سياره حلوه بس اذا ما تخذها فل كامل ولا ما تصلح ((V6)) او هذي سعرها غالي

او اي خدمه انا حاظر....
تحياتي

السلام عليكم ورحمته الله وبركاته

يمنع منعاً باتاً اضافة وصله لأي مواقع تختص بمنتديات السيارات


فيه سيارة لي للبيع ادخل وشفها

وتحياتي لك

الله يجزاك خير ماقصرت ببس ابصراحه احترت زيااااااادة الحين:rolleyes:

طيب ممكن تقول وش الافضل علشان اللي ذكرت انت كثيرة|3|