:: لم يتبقى على تخرجي سوى .. شهرين .. سؤال للميكانيكية ::

اخي الكريم انا اشتغلت في التجارة ونصيحة لك اول شي وآخر شي اخلص في عملك ولا تحاول تغش احد والله يجيك الرزق الوفير ولا يغرك الي يسرقون ويكسبون ترى فلوسهم تضيع بسرعة مثل ما جات بسرعة

ثانيا انا متاكد انك متحمس للمشروع ودارسة تمام التمام وما راح تاخذ بالاراء الي ما تعجبك لكن نصيحة ترى الواحد بدون ما يشعر تفوته اشياء مهم ويندم عليها في وقت لا ينفع فيه الندم كما حصل لكثيرين وانا منهم .
لذا انصحك نصيحة لوجه الله ان تشتغل مع شخص قديم كمساعد ثم بعد اشهر افتح مشروعك بعد ما اخذت الخبرة في التعامل مع الناس وادارة المحل وتوكل على الله واختر الموقع المناسب
وترى لو شغلك ممتاز راح تكسب والزباين نفسها راح تسويلك دعاية ولو شغلك تعبان ترى راح تخسر كثير ولا تحاول تستخف بعقول الناس ترى الناس الان مفتحة وذكية وصار عندها خبرة بالسوق والاسعار
ونسيت ان اقول ان الموع المناسب الي فيه زحمه فيه مكاسب طيبة

والله يوفقك

تختلف من مدينة لاخري تقدر تروح لمكتب عقار في مدينتك وتسأله عن الاسعار

والاعضاء هنا ما راح يقدرون يفيدونك فالايجار بجده والرياض اغلى بكثير من سكاكا وحايل

اما الترخيص عن طريق الامانه ـــ البلدية ـــ


والمعدات برضه تسأل الورش ودور اللي مدرائها سعوديين يمكن يتجاوبون معك اكثر

اما العمالة عن طريق مكتب العمل وانت وحظك

والدولة انت تختارها

او عن طريق المفاوضات يعني تشوف العمال في الصناعية واللي يعجبك تتفاوض معاه ومع كفيله على نقل كفالته

مشكور على هالرد

ولكن عزيزي انا راح أخذ قرض من بنك التسليف

ولكن السؤال : كم تكلف و و و و و........ كلها بالاسئله الموضحه أعلاه ؟؟

أخوي ترى الي تقوله صعب على واحد حديث التخرج ولا تنسى أن المواد والعماله والورشه تكلف مبدئيأ (150000 ) الف
والمشروع ينجح أو يخسر لا سمح الله ؟

النصيحه من أخوك مستشار حاول تشتغل عند أحد الوكالات او ورشه كبيره أو متوسطة الحجم لتأخذ منهم الخبره في مجال العمل وكيف تدير ورشه وكيف المدخول الشهري .........وبعدين تقدر تفتح ورشه خاصه بك وأنت واثق ( ...ايش تعمل ...)

أتمنى من الله العزيز القدير أن يوفقك في عملك ويرزقك الحلال الطيب

اخوي المعدات بجميع أشكالها وأنواعها

هذه الاسئلة غير مناسبة في هذا المنتدى اخي ... ربما في العام .... ان كانت توجد لديك اسفسارات فنية مثل نوع المعدات او ما شابه بامكانك طرحها هنا وسوف نجيب قدر المستطاع ... تحياتي لك