ماذا تعرف عن Autobahn ؟؟

KSA_Matrix @user_37505 · 20-10-2006

السلام عليكم ورحمة الله وبركاته

هذا اول موضوع لي أتوقع أنه ما يكون مهم لكنه لأجل المعلومات العامة

"للي ما يحبون يقرون كثيرلخصت لهم الموضوع بطريقة جيدة حيث الغير هام يمديهم يعدونه:D "

Autobahn هو عبارة عن نظام الطرق السريعة في ألمانيا , قد يعرف عنه البعض قليلا من ما لديه لكنه بالحقيقة أكثر من مجرد طريق سريع يربط بين المدن !!

معلومات غير هامة يمديك تطوف لين ما اقول لك:cool:
يسمى الاوتوبان باسم آخر في ألمانيا وهو Bundesautobahn (تكتب مختصرة BAB) ويعني federal motorway باللغة الإنجليزية أي باللغة العربية "الطريق السريع الإتحادي/الفيدرالي" يعني مو هلالي :D ولكن هذا التعبير غير شائع كما هو الحال لأوتوبان

من اول من بنى هالطريق طيب؟؟
اول من افتتح الأوتوبان هو أدولف هتلر. وذلك لمباهاة العالم بتطور ألمانيا عن الدول الأخرى وأول طريق تم بناءه بين بون وكولون عام 1933
وهذي صورة للطريق اللي دشنه هتلر

وشغل 100,000 عامل لاستكمال شبكة الطرق حول المانيا كلها "طبعا لم يكن الأوتو بان كم هو الآن"

حاليا , مجموع طول شبكة اوتوبانات المانيا هي 11,980كلم . وتعد ثالث أكبر شبكة طرق سريعة في العالم بعد نظام الطريق السريع بين الولايات في امريكا و نظام الطريق السريع في الصين . لو تلاحظ صغر حجم المانيا مقارنة بالصين وامريكا تحس انها داخلة عرض:rolleyes:

كمل بالرد الجاي

KSA_Matrix @user_37505 صاحب الموضوع · 21-10-2006

أخوي أبو تركي العفو أخوي ويسعدني ردك ومروورك الكريم

============================

أخوي صحراء الجليد
والله انك صادق يا حظهم وتعال ما نبي زيهم نبي طريق مستوي زي الناس ونحمد الله .
وبيني وبينك صحيح الطريق مفتوحة فيه السرعة لكن استغرب انه أغلبية اللي يستخدمونه يمشون عادي ولا يخلو الطريق من بعض اللي يسرعون .
ومشكووووووور اخوي على مرورك وردك على موضوعي المتواضع

تحياتي أخوكم

صحراء الجليد @user_19137 · 20-10-2006

يا حظهم

شباب تعالو نسوي قطة ونسوي طريق زيه عندنا خخخخخخخخخخخ

مشكوور اخوي ماتريكس على العملومات :)

Y A S S E R @user_31184 · 20-10-2006

مشكور اخوي لإبداعك

KSA_Matrix @user_37505 صاحب الموضوع · 20-10-2006

اخوي A J
مشكوووووووور على ردك ومرورك على الموضوع اللي اتمنى انه نال اعجابك

===========================================================

اخوي Night Hawk يعطيك العافية على تعقيبك على موضوعي المتواضع
فعلا على قولتك شوارعنا اي كلام ..

CamSHAFT @user_6565 · 20-10-2006

موضوع رائع وخفيف
وبصراحة اللي اعجبني طبقة الازفلت اللي سمكها 75 سم
مو الله يخلف طريق الشرقية اللي كل ماصحلوه خرب من الشاحنات
تحياتي لك ولاتحرمنا من مواضيعك الرائعة

A J @user_37572 · 20-10-2006

الموضوع يستحق دبوسين

شكراً لك على طرحك بالمعلومات العامة

KSA_Matrix @user_37505 صاحب الموضوع · 20-10-2006

اخوي كوبالت مشكووووور جدا على ردك ومرورك الكريم

ويسعدني اعجابك بالموضوع

تمنياتي لك بالتوفيق

KSA_Matrix @user_37505 صاحب الموضوع · 20-10-2006

ههههههههههههههههههههههههههه
اخوي مايكروسوفت يعطيك الف عافية على مرورك الكريم
ردك فعلا اسعدني وتمنياتي لك بالتوفيق

تحيات اخوك

cobalt @user_35591 · 20-10-2006

والله موضوع حلو جدا جدا مجهود تشكر عليه يا KSA_Matrix الصراحة عجبني الموضوع|1|

Microsoft @user_17932 · 20-10-2006

موضوع رائع وشيق ( خاصة المعلومات الغير هامة ) :D

يعجبني الموضوع المنسق * يا سلام عليك :)

KSA_Matrix @user_37505 صاحب الموضوع · 20-10-2006

ملاحظات :
1-السيارات سرعتها أقل من 60 كلم يمنع استخدامها للاوتوبان
2- يمنع تجاوز الشاحنات إلا إذا كانت سرعة الشاحنة المتجاوزة أكبر من سرعة الشاحنة بـ 20 كم على الأقل
3- اللين الأيمن يجب استخدامه إذا كان شاغرا << يعني ما تمسك اللين الأيسر وتدقس
4- زي ما قلت لكم يوجد عدد من سيارات مباحث تتجول بالـAutobahnـات يوميا مزودة بكاميرا فيديو تصور أي مخالفة وتقز اللوحة <<< يعني ابن امك تخالف .
5-ممنوع التجاوز من اليمين طبعا في الـAutobahnـات الا في الزحام الشديد
6- غير قانوني انك توقف بالـAutobahnـات إلا بالزحمات او تدخل بحادث
7- لمسافة إلى السيارة في الأمام(بالأمتار) يجب أن يكون على الأقل نصف السرعة (كيلومتر بالساعة) في جميع الأوقات (ومثال على ذلك: - على الأقل 60 متر في 120 كيلومتر بالساعة). <<<< يعني طلع آلة حاسبة واحسب|11|
8- يجب استخدام الاشارة عند التجاوز مع ضرورة ترك مسافة بينك وبين السيارة اللي أمامك

ملاحظة هذا الموضوع مجهود شخصي ويمنع النقل بدون اذن

للأمانة بعض المعلومات إستعنت بها من هذا الموقع http://www.answers.com/topic/autobahns-of-germany
لكن بعضها أيضا جبتها من عندي

وتقبلو تحياتي

KSA_Matrix @user_37505 صاحب الموضوع · 20-10-2006

مميزات ومكونات الـ Autobahn

هذا الطريق ما فيه شي اسمه حد سرعة(بشكل عام) يعني تبي تجرب موترك رح هناك وجربه وابن امه العسكري يقول لك شي |4|
طبعا هذا الشي قد يكون خطير لكن يعتبرونه حرية للواحد انه يمشي بالسرعة اللي يبيها لكن باللين الأيسر وبدون إزعاج الآخرين يعني اللي ما يبي يسرع يمشي بالنص واللي يبي يتجاوز يدق الإشارة ولا يطوف من اليمين وهذي كلها قد تقلل من خطورة السرعة .

الشي الثاني الهام هو الطريق نفسه
وهذا يعتمد على أشياء كثيرة أهمها :-
three lanes in addition to an emergency lane
انه معظم طرق الاوتوبانات تحتوي على 3 أليان إضافة إلى لين الطوارئ << زي لين اللي يبي يطوف واللي قدامه عيا يوسع|10| لكن الإستخدام يختلف :D
لكن بعض الـAutobahnـات لم تتغير عن التصميم القديم اللي موريكم بالصورة اللي فوق (عبارة عن لينين وبدون لين طوارئ)
وبعضها عبارة عن أربع لينات ولين طوارئ ويعتمد طبعا على موقع الـAutobahn واللي يتخدمونه . يعني بشرق ألمانيا غير غربها .

تصميم الـAutobahnـات الجديدة

خدمة SOS وهي عبارة عن شبكة من الهواتف متصلة بقسم الطوارئ للـAutobahnـات <<<< أدري شكلها غلط لكن وش اسوي .. الزبدة الهدف من هذا هو انك اذا صار لك شي طارئ تدق عليهم . وهذي تلقاها على امتداد الـAutobahnـات بمسافات متقاربة .

الطوارئ .. بالنسبة للطوارئ روعي في تصميم الـAutobahnـات مراكز الطوارئ على امتداد الطريق حيث ياخذ الوصول لكل مشكلة حد زمني أقصااه 10 دقائق فقط . وذلك بالإستفادة من لين الطوارئ اللي قلت لكم عنه .

طيب أفرض كان فيه مطر؟؟ أو كان فيه حادث؟؟ ادري الاسئلة تدور بذهون كل من يقرا الموضوع .
الحل لهذه المشكلة هي عن طريق مراكز مراقبة الـAutobahnـات اللي يراقب وضع الطرق .. فمثلا احد الطرق كان فيه حادث . يكون في شاشات على امتداد الـAutobahnـات تعطي معلومات متعلقة بالطريق تتغير بتغير الوضع . فبمثالنا اللي تو لو كان فيه حادث ما ينفع السيارات تسرع لان السيارات ببتكدس وبتزيد الزحمة أكثر وأكثر . لذلك يتم طلب تخفيف السرعة مبكرا <<<< مهوب من فضلك هدي السرعة يصكونك سرعة قانونية .
يعني الـAutobahnـات مهيب طول الوقت بدون حد سرعة
ويصكونك مخالفة لو تجاوزتها .. وش يدريهم طيب؟؟ عن طريق الكاميرات

طيب لو كان فيه مطاردة او شي وشلون يجيبونه؟؟

فيه سيارات مباحث ألمانية <<<< تشبه إلى حد كبير المرور السري واستوقفتني انا شخصيا:rolleyes: لكن مجرد تشييك يعني بدون مطاردة ولا مخالفة كنت جاي من النمسا لالمانيا ووقفني يشيك على الجوازات<<<<يمكن شاف الملامح عربية.
طبعا يطلعون من اليمين من اللي جنب السواق دويرة حمرة منورة نسيت شكلها بالضبط وفي آخر السيارة مكتوب بالحرف الواحد Polizie Stop . لكن الفرق بينهم وبين المرور السري انهم سياراتهم سرعتها تاصل 280 على ما اتذكر . وفي آخر السيارة كاميرا مخفية <<< مهيب كاميرا خفية تصور سيارة المشتبه به وتصور السواق وكل شي واضح وترسله مباشرة لمركز التحكم بالـAutobahnـات .
ولو ما قدروا عندهم هليكوبترات وسيارات BMW تضاهي سيارات السباق مصممة خصيصا للمطاردات .

طيب ماذا عن السلامة في الـAutobahnـات وكيف الطريق ما يتآكل؟؟ وكيف الطريق يكون مريح رغم الزحمة وعندنا الطرق لو تمشي 140 بسيارة عادية تصير لبن؟؟
الطريق مبني على طبقة 75سم من الازفلت ! حنا طرقنا الرئيسية اتوقع الطبقة ما تتجاوز 30 سم

شعار إرشادي يعني عدم وجود حد للسرعة -باستثناء الشاحنات وبعض الحالات الخاصة

يتبع
7
7
7