مشكلتي مع الشركة الكبيرة GMC????

يارجال سيارتك جديده توها... تصلح وشو فيها... اطلب سياره جديده ولا تاخذ السياره اللي كانت عندك....


ماتسوى عليييييك

السلام عليكم

تبي الشور خذ معاك احد من الشباب وروح الوكالة وقلهم سيارتكم ما ابيها ياتبدلونها بوحدة جديدة خاصة ان السيارة مامشت شي او تردون فلوسي ولا تكلم الا اكبر راس عندهم
وشد على النقطة هذا ابي فلوسي ولا واحدة ثانية

السيارة ماكملت خمس ايام

والله يعينك

اخوي الغالي تدري انك انت الغلطان انك تشتري اول دفعه ؟؟

معروف اي سيارة تنزل بشكل جديد ابعد عنها حتى الجوالات اول دفعه انواع الخرابات

لكن مايمنع انك تروح وتمسح فيهم البلاط وصدقني هذا اللي بيمشيهم طواله اللسان اما بتجيهم باحترام ماراح يعطونك

وجه

انا اتمنى انك تحط اسم هذي الوكالة

لأن هذا تهاون بالزبون
والا المفروض تعوض بسيارة بديلة مباشرة


انصحك اخوي زي ما قالوا الشباب انك تكلم الوكالة الأم

وأهم شي زي ما قال aza2006

هاوش عليهم وتكلم بقوة بدون غلط
تراها طريقة مجربة


انا صارت لي قصة مع واحد صاحب مؤسسة ( مجال آخر غير السيارات )
ما أعطاني حقي الا بعد ما شرتحته بالجرايد|1|

ليه ماينزلون اول قطع السياره بعدين ينزلون السياره ؟؟؟؟؟؟؟؟ كذا بيكون افضل لهم وللزبون في الدرجه الاولى

عزيزي

المشكلة جدا عادية

سيارة مثل دينالي
لا يعلى عليها ولا بشكل من الاشكال

اما عن دينالي 2007

اكيد ما بتكون القطع متوفرة كونها جديده
ولكن انا صارلي موقف من شركة جي ام سي

هو واني طلبت قطعه داخليه من الوكيل الحصري للشفروليت والجي ام سي بالامارات( بن حموده) فرع ابوظبي
قالولي لازم تنتظر 21 يوم لان بنطلبها من امريكا لعدم توفرها بالخليج والامارات في بحثه بالكمبيوتر عنها
وانا اعتقد ان هالشي عادي
لانه ما في هناك اي غلط من الشركه
الغلط من الموزعين الي عندنا

مشكوررررررررين على الردود

حبيت اقول انو قد ارسلت رسالة GMSمريكا وشرحت لهم المشكلة كاملة وانا منتظر ردهم بكره

و من المفروض ان يعطوني سيارة جمس بديله على الاقل تعرفوا اش اعطوني كابرس 2005 LS

وقلت لهم خليها لكم السيارة

وان شاء الله
تنتهي المشكلة

والله ما الومك تنقهر وكلام aza2006 على العين والراس رح وامس فيهم الارض وقولهم انا دافع فلوس ما جبتها من الشارع بعدين هذه دينالي مو كورلا يعني على الاقل 190000 الف والله قهر ....

هلا أخوي

تقول استعملتهاا 5 أياام
وخربت
والا الحين ماصلحوا السياره ..

جب واحد له لسان طويل :p زين

وادخل على أكبر منصب بالوكــاله حلو ..

وخله يهاوشهم . . .

ويقول المفروض تعطونني سياره بدالها . . دافع فيه فلوس مب ببلاش
وهكذا . .
وخله يهاوش يهاوش .. ان عوضوك بسياره جديده زين وعين ان ماعوضوك ..

حط موضوع بالــجريده

عن موضوعك وعن الوكاله اكتب فيهم حلو وكتب ..

ورح لمهم من بكرا قلهم شفوا تعوضوني ولا ابعبي الجرايــد فيكم
لا خلي سمعتكم بالأرض . .

لان الجمس فيه عده وكلاء . .

مو وكيل واحــد ..

بينفع الحــل ..

تحياتــي:

aza2006
.............................

اعطيك الحل سيارتنا يوكون 2005 فل اوبشن جديدهاول ما طلعناها من الوكاله خرب فيها مقياس البنزين في السياره صار يلعب مايثبت الامبير وماتدري السياره بيها نزين او ما فيها اخراب من قطعه صغيره في خزان البنزين قالوا مب موجوده في الشرق الاوسط انتظر ثلاث اسابيع او شهر لين تجي .القطيعه العطلانه موجوده داخل العوامه بس العومه موجود في الوكاله وفيها هذي القطعه ومب راضيين يغيرونها كامل يبون يغيرون القطع الى داخلها بس .
الوالد انزعج من مكوث السياره ظلت اسبوع ونص وانا عندي فلكس ويجن وما اتعامل مع الشركه هنا اتعامل مع الشركه الام في المانيا اذا صار شي ابلسياره ارسل لهم شنو المشكله وان السياره متعطله وصار لها كذا يوم والله في اقول من ثلاث ايام يوصلهم خطاب من الشركه الى جده يحولنه الى الدمام تخلص السياره في يومين .

وهذا الي عملناه مع جي ام سي رسلنا مسج بلايميل الى الشركه في اميركا عطيناهم رقم اللايحه ورقم الشاصي للسياره ونوع السياره .. لاكن بلبدايه لازم تمدح الشركه وتمدح السياره وتقول ان عندك سياره قديمه جي ام سي وانك ماتتنازل عن جي ام سي وتعرف اشلون تصبغ ...... وتدز المسج يوم واحد اقولك رسلت اليوم واليوم الثاني انا في الوكاله وليد الجميح الرئيس وصله الخطاب من الشركه من امريكا ودز الخطاب على الورشه اليوم الثالث انا مستلم السياره وهم رواني الخطاب الي ارسلته جاهم من امريكا نفس كلامي وتحت مكتوب تصلح سياره يوكون برقم شاصي كذا للعميل اسم الوالد طبعا فوراااااااااااااا وهذا الي صار .

الايميل تحصله في موقع الشركه الاصلي GMC وانا راح اعطيك تلفون جنرال موتور 8008971471 في الامارات الخاص بلشرق الاسط كله اتصل بيهم وامدح الشركه اشوي وبعدها خبرهم بلمشكله وان شاء الله يسوون لك حل ما فاد ارسل ايميل للشركه في امريكا والله يقضي حاجتك ان شاء الله موفقين .

الله يكون في عونك

و المشكله هذي تحصلها تقريبا عند كل الوكالات عندما تطرح سياره جديده

عندنا في البحرين اذا السياره بتكون عندهم اكثر من سبوع يعطونك سياره الى ان تجهز سيارتك