كابريس رويال 2007 تتفوق بجدارة على LEXUS ES350 2007 .. ما رأيك أدخل وشارك

السلام عليكم

اتنمى من المشاركين الالتزام بأداب الحوار
حتى لا اقوم اسفاً بقفل الموضوع

صالح

شباب لحظه


اخوي صاحب الموضوع

صورة الشاشه هين ابي صورة الـ MAP وانا ما حصلت الزر موجود بالصوره

صور لي الخريطه هنا ....

بالنسبه للكابرس اخوي

بغض النظر عن سعره تراه والله العظيم خرده

اجل يا شباب في صدام بالعالم كبس ؟؟؟؟
مافيه شي يربطه كبس تقول لعبة ورعان مجمعه بسرعه

الكابرس عزله 0
الراحه 0

لاكن رساوته عجيبه وانا اعترف لاكن وش فايدة الرساوه بدون عزل كانك انت اللي تحرك السياره


اللكزس ما شاء الله عزل حتى صوت البوري ما تسمعه داخل المقصوره وهو من برا ملجلج

الكابرس خررررده عن تجربه يا اخوان خرده ولا يستاهل 100 الف

الكابريس ماكينة فقط

وأصووت وبدون منازع لكزس أفضل بكثيــر ..

وش أبي بالكابريس بعد شهر أبتلش بفراملها ..

المقارنه من الاساس غلط ..

انت تقارن سيارتين من فئتين مختلفتين تماما .. انت عجبتك المقارنه عشان السعر كلهم 150 الف صح؟


اخوي كل سيارة منهم مفهومها مختلف عن الثاني .. الرويال حقيقة ومن اسمها مبين انها صممت لكبار الشخصيات "بالعربي يسوقونها سواقين" .. وهنا هي تنافس التاون كار تقدر تقول هي لها نفس المفهوم ..

اما الـ ES فهي مصممه عشان الاشخاص العاديين .. لاحظ تصميمها مو رياضي بزياده ولا كلاسيك بزياده بالعكس متوسط في كل شي حتى المحرك متوسط مو قوي جدا مثل الIS ..


عالعموم اذا انت مصر على مقارنتك .. فمعليش الللكزس افضل بمراحل ..

أبغى أفهم إذا ماعندك مانع .....وين أخذت أفخم سيارة عام 2007 ؟؟

من هم الفنيين اللي قارنوا بين السيارتين ؟؟

وبعدين من قال ES مافيها نظام ملاحة ؟؟ ومن قال مافيها كاشف ضغط الإطارات ؟؟

المقارنة غير عادلة لكلا السيارتين ......


وبعدين بالنسبة لي ...ماعندي أي استعداد أدفع 80 ألف عليها مو عاد 150 ألف ....تدري ليش ؟؟؟؟

عمرك شفت سيارة محركها 6 لتر (( والمصيبة إنها 2007 )) وجيرها 4 سرعات !!!! والله عيب الهوندا سيفيك 5 سرعات والعادي 6 سرعات ......

المفروض ماتنزل السيارة للسوق بالجير هذا لأنها فضيحة .....!!!!


وفيه كم واحد يقول عشان تصير المقارنة عادلة قارنها بالـ LS !!!!!! الصراحة لاتعليق ...!!!!


تحياتي

كيف تقارنون

اللكزس

بالخردة الاسترالية الكابريس

محمد ...

اصلا الرويال ما تتقارن مع الـES ، ممكن تقارن الـSS مثلا مع الـES أو اي سياره ثانيه من كابرس لأنه الـES تعتبر رياضيه نوعاً ما ..
لو تبي تقارن ، قارن بالـLS ..
بعدين اللكسز تعتبر من السيارات الفخمه و الكابرس من السيارات العاديه يعني الـIS (اللي هي ارخص شي بلكسز) بكل بساطه بتصير افخم من الكابرس ، وكيف صارت الكابرس افخم سياره لـ2007 و حنا تونا بـ2006 ؟!
ولو فرضنا انها افخم سياره ، اجل وين السيارات الالمانية بالموضوع ؟
و اذا ماكانوا داخلين بالمقارنه فأكيد الياباني مب داخل ، و اذا كانت بالنسبه للأمريكي فالكاديلاك افخم من الكابرس ..
يعني (بالمنطق) مستحيل بتصير افخم سياره بالعالم !!!!!!!

Es افضل من جميع النواحي ما عدا المكينه .



بكل صراحه سعر الرويال مبالغ فيه جد جدا جدا على ايش 150


بعدين سياره استراليه ما تعطيك الا سنتين فقط


اما Es فخمه يكفي الكاميرا الخلفيه ونظام الملاحه ......


على فكره شباب ES 350 2007 تغيرت تغير جذري


روحوا الوكاله وشوفي وراح تصدقوني

ماشاء الله أجل حثالة!

أخوي جرب الكابرس بس 3 سنوات راح تتأكد أن مخدوع لو تدفع فيه 40 ألف مو 140 ألف ريال.

عن تجربة شرينا كابرس وكالة والله العظيم لو تجيني السيارة هدية أنصيها المعارض على طول أجل كابرس من وكالة أصوات في المكينة وتدخل الوكالة تبي تتوقع أن أنت بس الي فيك هذي المشكلة تلقى غيرك بعد شاري نفس هذالسيارة وكالة وجديد ما بعد مشى كثير وفيه مشاكل ألعن من الي عندك |10|
والمشكلة تقعد في الوكالة 14 يوم :eek: ثم تروح للوكالة تستلمها علشان تلقى أنهم ما عرفو وش المشكلة ولا عرفو كيف يصلحونها وتدخلها ثانية ونفس الشيء :mad:

ذي بالله تسميها سيارة!

وبعدين مصدق أنها أفخم سيارة لعام 2007 في الشرق الأوسط؟؟؟ خلصت السيارات الثانية الفخمة علشان تجي كابرس رويال

يبوي لو فيه لقب لأفخم سيارة لعام 2007 في الشرق الأوسط لكانت المايباخ أو الرولزرايس وش جاب الثريا للثراء وكل هذي السيارتين لها وكالة فالرورزرايس معروضة في الناغي والمايباخ في الجفالي يعني بالله مالقو هذولي الفنيين إلا كابرس! بالعقل ما تخش

يدلك من المقارنة الي مسوينها الفنيين مالهم مخ أو الرشاوي تشتكي

عموما أنا ماعندي أي مشكلة أنك تفضل الكابرس على اللكزس فهذا رأيك
بس أنك توصل الدرجة أنك تقول وكل ناجح له نقاد كثيرون هم حثالة مجتمعنا

ملاحظة : انا شايف اغلب المواضيع فيها هظم حق للكزس ES 350 مو على شان سياراتي لكن والله العظيم ياجماعة اللي

يسوقها ويشوف موصفاتها مايقول كلام غير انها سيارة رائعة من كل النـواحي

فيه موضوع كان مقارنة بين اللكزس إي إس وسيارة ثانية وكنت ضد اللكزس ..

اما هنا المقارنة تختلف .. انت تقارن سيارة استرالية (الكامري ينعاب عليها انها استرالية وهي سيارة صغيرة .. تبي سيارة فخمة استرالية ؟؟هذي ما تنبلع:confused: ) بسيارة يابانية عريقة .. لو تسأل الصبة اللي بالطريق بتقول لك اللكزس افضل وبمراحل ...

وحتى ينتهي الموضوع بسرعة وعلى خير قبل لا تاصل لمد اليدين :eek: اتمنى من احد خبراء اللكزس مشكورا بطرح كافة مميزات الإي إس مسمار مسمار .. وكذلك الكابريس .. وبالنهاية ترا كلها مجرد نظر لا اكثر ولا اقل ..

اتمنى ان اقتراحي يتحقق .. حتى لا يتوه الزائر والمتصفح للموضوع ولا ينغث بكثر الصفحات بدون معلومات مفيدة ..

والله اتمنى من المشرفين قفل الموضوع

لان الموضوع خرج عن المألوف

ويااخوان ترى السالفه حديد فى حديد

وماله داعى التعصب وكل واحد له وجهة نظر اتمنى كل واحد يحترم وجهة نظر الاَخرين

وشكر ا

هذي هي الشاشة فيها نظام الملاحة الفضائي ومراقبة ضغط الأطارات والحساسات ومواصفات أخرى ولعلمك هذي صورة لــ LTZ مو رويال لأن الرويال مو متوفرة عندي :



باي |3|

صراحة أنا مستغرب من أخلاقكم هذي ..

كاتب أنا ثلاثة ردود أقول لكم فيها المقارنة مو من عندي .... من عند الفنيين والمشرفين على الإختبارات ؟؟؟؟ كيف تفهمون

وأنا صراحة ساعة كتابة الموضوع كنت متأكد من النقد هذا ... لكن الجواب هو ((( سيكون الجواب بنفس أسلوبكم في الردود ))) : ما يضر السما نبح الكلاب

وكل ناجح له نقاد كثيرون هم حثالة مجتمعنا

مع احترامي لكاتب الموضوع حتى لو مو أنت كاتبه

عيب تنقله واسف على الكلمه هذه وين المقارنه بين السيارتين ؟

تقارن افخم واكبر حجم من سيارات شفر في اصغر حجم واقل موصفات من سيارات لكزس ؟

الكابرس 8 سلندر الكزس 6 سلندر كيف تكون المقارنه بين سيارتين مختلفتين تمـاً من حيث المكينه والشكل

والفئة والدولة المصنعة اختلاف كــلي تمـاماً الكزس تعتبر من السيارات الفخمه بحيث الكابرس تعتبر من السيارات العادية

مافيها شي من الفخامه إلا التطعيمات الجديده لكن مع هذا لا تندرج تحت السيارات الفخمه مثل المرسيدس والبي ام

والاودي والكزس والانفنتي والبورش وغيرها من السيارات الألمانيه ممكن تقارن الكابرس بفورد جراند ماركيز او هونداي

أو تويوتا أو اي نوع يكون بنفس مستوى فخامة الشفر


ملاحظة : انا شايف اغلب المواضيع فيها هظم حق للكزس ES 350 مو على شان سياراتي لكن والله العظيم ياجماعة اللي

يسوقها ويشوف موصفاتها مايقول كلام غير انها سيارة رائعة من كل النـواحي


تحياتي