تجربتي مع كابريس 2007 ( بدون تحيز لشفروليه )

السلام عليكم هل فعلا ان الاس اس 4 سرعات؟ ياشباب معناته ان القير مخبط مخبط والا لا؟ ارجوا التوضيح

هلا اخوي نديم

المسألة ليست قلة أعضاء ولكن قلة ردود والموضوع اصلاً يحتاج لموضوع مستقل

تخيل بعض المواضيع وصل عدد الزيارات فيه إلا أكثر من 2000 زيارة لو كل واحد كتب رد يسأل أو يعطي معلومة كان طلعنا ببنك معلومات

فيه طريقة أحلى من كذا

يوكوهاما أو هانكوك الحروف متقاربه وقد أكون خلطت بينهم

المهم الفكرة وصلت

يد وحده ماتصفق وانا اخوك.......

بالله اجل الكابريس 2007 كفرات هانكووك


للاسف اخووي الكابريس الجديد كفراته يوكوهاما


والله لاهي هانكوك ولا هم يحزنون

هناك عيب اراه في الكفرات وهي من نوع هانكوك

حقيقة كفر سيء احس بالطريق مو ناعم مثل التويو

هلا فيك اخوي نديم

واشكرك على كلامك الجميل

بس اشوف فيه عيب بالمنتدى كثرة الزيارات لبعض المواضيع مع قلة الردود بعض المواضيع تنظر لها تجد أكثر من الف زيارة وعشرة ردود فقط

بالإضافة لغيابي أكثر من شهر ووجود أكثر المواضيع بالصفحة الأولى دون تغير

بصراحة موضوع ممتاز جداً


وانا رديت على هذا الموضوع مرتين..وانا ماني موجود الان عشان ارد على الموضوع ولكن أعجبتني طريقة النقاش فيه (حيادية 100%) حنا محتاجين لهذا النوع من النقاش..بدون تعصب وبدون هواش...غالباً بعض الاعضاء اذا احد سب سيارتهم المفضلة تهاوشوا معه...واحياناً يجيبون معلومات ماهي صحيحة لمجرد إظهار سيارتهم المفضلة بأفضل صورة


تحياتي لك (واحد فاهم) وتستاهل الموتر والله يعطيك خيره ويكفيك شره انت ومن يسمع



في امان الله

الأخ ابو عزوز
شاكر مرورك وجزاك الله خيراً

الأخ MMh
صدقني هذا اللي طلع معي لكن ذكرت قد يكون السبب فيني
لكن المطارحه كنت ماشي على طريق المدينة السريع ومر من جنبي اثنين كامريات يتطارحون وبعد تفكير عميق قررت المشاركة
جبتهم بالراحة وبعد ما عديتهم بمسافة هديت ورجعت لسرعتي الطبيعية ومروا ولا حتى سلمو

الأخ saeed_1
سألت أكثر من واحد بالشركة وكل واحد يعطيني رأي
رست المسألة عند مدير الفرع بشارع الستين بجدة
ذكر أن LTZ فيها شاشة ملاحة وبلوتوث ومعلومة جديدة الشاشة تشغل أفلام DVD
طبعاً تحتاج لسيدي التعريف وسيصل مع الشحنة القادمة خلال شهر إلى شهر ونصف ( الشحنة القادمة سيكون البلوتوث يعمل فيها )

الأخ TSS
اشكر لك مشاركتك وكلامك صحيح بالفعل

الأخ نديم الطيف
سبق وذكرت اني لم اتجاوز 180 إلى مره في حياتي وعند تجربه السيارة

الأخ saymyname ss
عاد هذا اللي طلع معي لكن قد يكون السبب فيني لأن السيارة جديدة ومكلفتني مبلغ وقدره وخايف عليها

الأخ مطنش النت
جربت الموقع وعطاني رسالة أن صيغة الملف غير مسموح بها

الأخ نديم ( agin )
كلامك عين الصواب انا شريتها عن قناعة والبعض له رأي آخر

اولاً أعتذر عن التأخير
لكن انتهى الإشتراك الإنترنت ( ستلايت ) واتصلت عليّ وحده من شركة اوربت عشان اجدد بدت زين وبعدين بدت تهدد
قلت ماني مجدد عناد فيك وعقدت شهر بدون تجديد
واعتذر بشدة لمن قام بالسؤال ولم استطع الرد عليه

اذا كان كلام اخوي صحيح فانا اقول انا التسارع غير صحيح بالمرة
13 ثانية مع ضغط الزر تبع القير 10 ثواني !!!
هذا الكلام موصحيح واحد من اصحابي عنده لومينا 2003 حق خطوط رايح جاي الرياض وماشاء الله العزم مو صاحي بالمرة تسارعها طلق وهو كارفها كرف
وانا الوالد عنده سوبر 2000 شفرليت وماشاء الله قوي اطرح في السيارات السيدان العادية بسهولة تسارعها اقل من 10 ثواني بشوي تقريباً 9.4 والكابريس جديد 2007 10 ثواني !! هذا الي محيرني

حتى مرة طرحت كامري 2005 قير عادي 4 سلندر وماشافني مسكين |1|

طبعا الجمسات والشفر معروفة خاصة اليوكن تاهو 2000 كذا يجي دفع رباعي تحلم السيارات السيدان تقرب منه :D

الله يطعمك من خيرها ويكفيك شرها



ومشكور على الرد من استفسارات الاعضاء

اسف أخوي نديم الطيف

(( لكن كنت متأثر بموضوعك عن الفصفصة للكابريس LS ))

ااااااااسف مرة أخرى

-------------------------

بس ودي بسؤال ؟

كيف يعني متوفر في أوائل 2007 ؟ هل اللي إشترى كابريس 2007 هذي الأيام تكون بدون ملاحة وبلوتوث ؟

انا كلامي للرجال عن الرساوة عموماً بكل السيارات مايقيسها كذا...سواء بالهولدن او غيرها


وكون اني اطلع عيوب وانت تطلع مواصفات ومحاسن في السيارة ترا كلامي عن قناعة وكلامك عن قناعة..وماحد يقدر يجبر الثاني على وجهة نظره بالقوه



ولولا اختلاف الاذواق لبارت السلع


مع التحية،،،

ولو سمحت خوي

لو تعطينا بعض مزايا الشاشة ونظام الملاحة والقائمة

هل الشاشة تعمل باللمس ؟

خذ وانا اخوك موقع ترفع فيه المقطع .

www.zksa.com/up7


اخوي لازم ترفعه خلينا نشوف التسارع
والله يعطيك خيرها ويكفيك شرها .

بالنسبة لتسارعها من 0-100كم / ساعة في 13 ثانية ( Normal shift )
ومن 0-100 كم/ساعة في 10 ثواني بواسطة Sport shift

---------------

غريبة !!!!! كثير 10 ثواني !!!!