المواصفات:
GTS
6L LS2 V8 engine
5967CC
307KW - 405 HP
0-100km in 5 seconds
اول شئ المندوب وجعلي راسي قعد يشرح اجراءات السلامة و طلب مني اني اجاوبوا بكل صراحة اذا اعرف اسوق ولا حأقبعلوا السيارة loool مسكين الرجال بس كان جدا متعاون.
دخلني حلبة صغيرة لتجربة السيارة و قالي ما اتعدا 180 و عند نقطتين في الحلبة قالي اهدي الى اقل من 90. على العموم كلاموا دخل من ادن و خرج من التانية. لبسوني طاقية حماية و بدلة حريق كاجراء سلامة. و كانوا على اتصال دائم بالمايك اللي جوا الطاقية.
كان في سيارتين مركونة و قالولي يلا اهو المفتاح. ركب معايا واحد من عندهم وظيفتوا فقط قيادة السيارات الجديدة من HSV يا بختوا. اول شئ سويتوا شغلت السيارة و يا عيني يا ليل على الوحش اللي بيزعق قدام. الحمدالله سقت كثير من السيارات الامريكية بس في الصوت احطها في المقدمة امكن عشان كنت مصربع و متحمس.
على العموم القومة في البداية كانت ي كلام عشان الرجال اللي معايا دوشني يقوللي اول لفة بالهداوة بعدين لما اولف اكمل. عدة اول لفة و السيارة بالفعل قوية و ما يحتاج اشرح و كمان ثابتة في الارض.
ميزاتها ما يحتاج و الغريب انها مريحه من الداخل. من 0 الى 100 على حسب الكشف لمن غلقت في حدود 5.2 ثواني يعني كنت غشيم بس اللي جنبي يقوللي عشان هو كان راكب معايا. بس من 100 الى 190 تقريبا اخذت وقت اقل بكثير في حدود 5 ثواني.
عيوبها---- السيارة من جوا شكل الطابلون من جنبها و هذا اعتقد مسالة ذوق. السيارة في ثباتها بالكاد تكون في ثبات الليجاسي بالرغم انها معدله. السيارة حاصت عليه كم مره و انا اخرج من اللفات و الرجال اللي معايا يقوللي اهدا هادي سيارة خط ماهي راليات.
السيارة جميلة و كانت هدي ثاني تجربة ليا في حلبة سباق و هي افضل تجربة حيث كان ليا حرية كاملة في استخدام السيارة لمدة 20 دقيقة. زميلي صورني في الحلبة فيديو و انشالله اجيبلكم هيا قريب اول ما احصل فرصة.
