تقرير مبسط عن البرادوا 2007

VX1 يجي مع ثلاجة؟ هذه جديدة. أنا خبري أن VX3 فقط هو إللي يجي مع ثلاجة.

وبالنسبة لمراتب الجلد، صارت تجي أساسية في VX3 من 2007، بحسب علمي.

السلام عليكم
والله يا خوي عيد السيارة الحين عندي ماشية 5300كيلوا والسياره جدا محترمه ومريحة انا استغربت من الي يقول ان السياره غير مريحة في السفر انا كل اسبوع اظرب عليها مشوار تقريبا 160 الى 180 كيلوا والسياره جدا مريحة ومشاكلها حتى الان معدومه والحمدلله والعبداللطيف وكيل محترم من خلال تجربتي معاه
محترم حسب تجربتي معاه
اما بالنسبة للمواصفات انا الي عندي فل ابشن زي ما شفت في الصور اما الدرجة الثانية ماعندي فكره عنه بس الي اعرفه اكيد يجي من دون هايدروليك ام
انه يجي من دون هايدروليك ومن دون جلد واسيات متحركه
وسلامتك

يا اخوان مايجي vx2 بدون فتحه لاني بصراحه هذا اللي خلاني احجز رقم واحد علشان ما فيه فتحه بس اذا كان رقم 2 يجي بدون فتحه يصير تمام لاني ما احب الفتحه ومتعقد منها من يوم كان عندي لاند 96 بهدلتني يوم خربت واما باقي المواصفات بالعكس احس انها عادية انا ودي بعد حتى المسجل والمكيف يكون عادي مش الكتروني بس ما يجي الا في الاربعة سلندر

وايضاً يفرق 1 عن 2 :

1- اختلاف الشاشة الداخلية في 2 تكون أكبر وأشمل خيارات .
2- إشارات بالمرايا بالنسبة لموديلات 2006 ولموديلات 2007 أصبح كلها فيها إشارات في المرايا حتى VX 1
3 - الفرامل المانعة للإنغلاق غير موجودة في 1 ولست متأكد من المعلومة لأن كل موظف يعطيني كلام يختلف عن الثاني.
4- الثلاجة موجودة في جميع موديلات VX
5- المراتب الكهربائية والأنظمة (الانحدار والثبات وغيرها ... ) موجودة فقط في 3
6- مراتب الجلد غير متوفرة لدى عبداللطيف إلا عن طريق الطلب يعني أساسي تجي مخمل والجلد (اختياري) على 3 طبعاً .
7 - يتميز 2 عن 1 كما ذكر الأخوان بالفتحة ومثبتت السرعة .
8 - أكثر طلب بالسوق حسب أفادة أصحاب السوق على VX 2 لأنه يعتبر فل كامل بالنسبة لأغلب الناس وسعره من 124 إلى 125500 حسب التوفر وحسب اللون .......... اللؤلؤي هو الأغلى طبعاً ..

صدقت أخوي وكلامك في محله ..

وازيدك من الشعر بيت : السياحي GX_R 2007 قيمته بالمعارض 144000 وعند عبداللطيف أغلى طبعاً !!!!!!!!!!!

ما شاء الله تبارك الله ...
الله يعطيك خيرها و يصرف عنك شرها ...
مركب مبارك ان شاء الله

اللاند كروزر GXR للعلم لا يباع إلا في الخليج، لأن الخليجيين مخبولين عليه. مكينته تغيرت إلى ثمانية سلندر كما في الـ VXR من موديل 98، لكن في الخليج استمروا في استخدام المكينة القديمة لترخيص السعر، وربما أيضاً عشان يمشو الفائض في المكائن.

المكينة تصميمها من عام 93 إلى الآن، متخلفة جداً، وصرفية بنزين هائلة، وضعف في القوة الحصانية، ولهذا السبب هي فقط 221 حصان. ومع كل ذلك، يبيعونها سياحي بـ 130،000 ريال!!!

موديل VX1 ما فيه مثبت سرعة، ومافيه ثلاجة، وما فيه نظام الهايدروليك لرفع مؤخرة السيارة، وما فيه نظام تغيير قساوة المساعدات، وما فيه نظام ثبات السيارة (VSC - Vehicle Stability Control) وما فيه نظام التراكشن كنترول (TRAC).

موديل VX2 فيه نفس النقص في المواصفات السابقة، لكن فيها مثبت سرعة وفتحة سقف.

موديل VX3 فيها جميع المواصفات السابقة، ولذلك فرق السعر كبير.

الشكل الحالي اتوقع ان بيطول على ما يتغير

مبروك اخوي علي السيارة والله البرادو وايد حلو

بس عندي سؤال متى راح يتغير شكله

لااني افكر اشترية

اخي العزيز اللي معك vx1 وارد عبداللطيف جميل . طيب مو مشكلة البلوثوث والاسيات اهم شي الثلاجة وماذا عن الهيدرولك
وغريب مش مريحة في السفر بالعلم ان صديقي عنده جي اكس وتمشي زي الحلاوة على الطريق ومريحة بس عاد مش راحة السيارات الالمانية او الامريكية والله يعيطيك خيرها ويكفيك شرها

ان عندي وحدة 2007 لؤلؤي ترى مافيها بلوتوث ولا اسيات متحركة وفيها ثلاجة

السيارة قوية في الرمال وفي كل مكان بس مشكلتها الوحيدة ماهي مريحة في السفر ..

اخي العزيز carlton انا بصراحة حاجر برادو 2007 vx1 ويقول الموظف انه ما يفرق عن الفل اوبشن الا الفتحه والمثبت والجلد هل هذا الكلام صحيح يعني فيه بلوتوث واسيات متحركه وفيه هيدرولك . وهل يوجد به ثلاجه فعلا
اخوي اذا ممكن تتواصل معي على المسنجر لاني مثل ما قلت لك اني حاجر واللحين عبداللطيف جميل غير متوفر لديهم الفي اكس رقم واحد وقالي بعد 15 يوم بيوصل من اليابان واللون لؤلؤي

والله السيارة ما عليها كلام مواصفات وصلت إلى مواصفات اللكزس

وتفاجأت عندما عرفت أن البرادو 6 سرندل 240 حصان والجي أكس آر اللاند كروزر 221 حصان !!!!!!!!

مشاركة متواضعة لعلها تنفع:

بالنسبة لتحميل البرادو الفل كامل، فهو مجهز بنظام رفع المساعدات الخلفية، وبنظام تليين المساعدات لراحة الركوب (مثل اللكزس)، فلذلك إذا حملتها وهي على وضع الراحة، رح تنزل شوي. إذا تبغى تحملها، أو تسحب مقطورة، لازم تقسي المساعدات، وإذا ما كفت ترفع المساعدات الخلفية لتسوية السيارة. هذه ميزة ليست عيب، للي يعرف الهدف من استخدامها.

بالنسبة للي ميزانيته 100،000، حرام يحطها في جي إكس. 100،000 تجيب لك فورتشنر ستة سلندر، نفس مواصفات البرادو الفي إكس من الناحية الميكانيكية، ونفس فخامة البرادو الجي إكس. فيها نفس مكينة البرادو ستة سلندر، تسارعها أعلى بسبب خفة وزنها، وفيها نفس القير الأوتوماتيكي خمس سرعات إللي في البرادو. أنا عندي واحدة، وماشي فيها إلى الآن 65،000، ولا أعاني من أي مشكلة ولله الحمد.

أما زر الـ 2nd start، فيه واحد شرحها شرح مبسط، لكن أبغى أزيد شوي. هذا الزر موجود فقط في موديلات القير الأوتوماتيك، يجعل السيارة تبدأ على القير الثاني بدل القير الأول. فائدته غالباً كما قال الأخ حتى لا تتزحلق الكفرات وتحفر على أريضية زلقة أو على الرمال، خصوصاً إذا كنت على الدبل الثقيل. في القير العايدي معظم الناس إللي عندهم جيب تويوتا أو باترول، يقوموا السيارة على القير الثاني في معظم الأحوال، لأنه يوفر عزم كافي لتحريك السيارة دون الحاجة للأول. في القير الأوتوماتيك ما تقدر تسوي هذا الشيء إلا إذا عندك هذا الزر الموجود في البرادو واللاند كروزر.

أما في الإيسوزو الدي ماكس قير أوتوماتيك، ففيه زر يقوم السيارة مو على القير الثاني، بل على القير الثالث!

وأرجو أن أكون نفعتكم.

يامل العافيه بصراحه تقرير تستاهل الشكر عليه يا مل العافيه
اما البرادو ما يحتاج سياره ما عليها كلام ويعطيك خيرها ويكفيك شرها

أخوي Carlton...
الله يعطيك العافية ...وبيض الله وجهك...ولا قصرت

في البداية...الف مبروك...والله يعطيك خيرها ويكفيك شرها...ووتهنى فيها ان شاء الله

ثانيا:

عندي كم استفسار...ولا عليك امر

أنا قريت..موضوع جميل لأحد الأعضاء...عن اعطاء كل عضو فكره عن سيارته

وكان من بين هؤلاء الأعضاء ...من كان عنده برادو 2006 فل اوبشن...6 سلندر
وعن تجربته لهذه السيارة...ذكر بأنها سيارة غير مريحه خاصة في السفر...بالاضافة الى كثرة مشاكل المكابح...او البريكات

كما انه ذكر انه عند تحميل السياره من الخلف ... ترتفع مقدمة السيارة...لذلك...حبينا نستفيد من تجربتك لهذه السيارة

لاني افكر جديا بشراء واحده....ولك جزيل الشكر سلفا

مع أطيب الاماني

[CENTER]هل تصدقون بأن الساير وكيل تويوتا في الكويت يوفر البرادو بشاشة ملاحة وأيضاً الكامري... طبعأ بنظام DVD يعني يأتي معه سيدي للشاشة الملاحة وهذا كان إتصال بالساير بالكويت حيث سألت لقريب لدي يريد شراء برادو فأشار علي زميل بالاتصال بالساير في الكويت وقد تفأجات بالامر عن توفر شاشة ملاحة وأيضاً خزانين وقود...!! وكل هذا بسعر 137402 ريال ...:) طبعاً لازم الذي يشتريه يكون كويتي أو شخص يحمل الجنسية الكويتية ومن ثما تصقط اللوحات وتحول إلى السعودي..!! حسب كلام موظف المبيعات لديهم..:)

صح كلامك بس المشكله في الضمان .........عبداللطيف ما يضمنه والواحد ماله بوجع الراس
بس الساير يجيبه من غير ثلاجه