حصريا على شبكة السيارات اوبيروس 2007

saleh_ssj @user_9931 · 25-03-2007

السلام عليكم ورحمة الله وبركاته
اليوم كنت عند كيا السعودية اشوف الاوبتيما
لقيت الاوبيروس 2007 واقفه بره
السياره الى الان ماعرضت في المعرض
الاسعار على كلام المندوب تبدا من 80 الى 94
الفئه اللي صورتها سعرها 86 وفي
نص فل التغييرات من الخارج شوفو
الصور اما الداخلي للاسف ماكان مفتاح السياره
موجود لكن حصل فيه تغييرات من الداخل
والمواصفات على كلام المندوب
قريبه من 2006 بس فيه زياده في المواصفات
الجنوط الجديده صراحه روووعه
واعذروني على الصور الخلفيه ماكانت وضحه
لان المكان كان ضيق

وهذي الصور

تــحـيـاتـي

saleh_ssj

غريب911 @user_47873 · 02-06-2007

مشـــــــــــــــــــــــكور

saleh_ssj @user_9931 صاحب الموضوع · 27-04-2007

اول شي اخواني على التاخير

ومشكورين اخواني على مروركم

اخو مرور الكرام

نعم الوكيل كياالسعودية اخوي مطلع
سيارة قبل شهر منهم

تـحـيـاتـي
saleh_ssj

مصعب خياط @user_17042 · 05-04-2007

أخيرا خلو خلفية السيارة عدلة
الخلفية القديمة كانت غير منسجمة مع السيارة أما الجديدة حسب الصور فهي جميلة جدا ما شاء الله
لكني أستغربت كيف فيها لوحة وهي لسه حتى ما أنعرضت في المعرض

مرور الكرام @user_19151 · 04-04-2007

مشكور أخوي الهيو على التوضيح

يعني هل فعلاً كيا أنسحبت من الحاج حسين

وتحولت إلى الشركة العربية ؟؟

الهيو @user_36646 · 04-04-2007

السلام عليكم :cool:
اخوي مرور الكرام انا ما اعرف الا فرعين لكيا السعوديه واحد في شارع ثلاثين العليا بعد بنده على اليسار
الفرع الثاني اخر طريق خريص بعد الناغي فيه مجموعة صالات لشاينا موترز والزاهد للتراكتورات كيا الصاله اللي بعد الزاهد

مرور الكرام @user_19151 · 03-04-2007

ياشباب ما زلت أسأل عن موقع الوكالة الجديد بالرياض ؟؟

لأن فرع طريق خريص قلب مازدا للحاج حسين ..

أين موقعهم بالضبط ( صالة العرض تحديداً ) ؟؟

LAMBADA @user_13601 · 03-04-2007

ع

عاشق الالماني

السلام عليكم .

اول حاجه لاتتوقع إني متعصب لسياره معينه ، لكن الأبيروس موعاجبتني (( وهذا رأي خاص فيني ))

السيارات كثيره ولا حصر لها .

وعلى سبيل المثال :- كامري - شكل جديد ومميز ، أفالون ولو ان السعر أغلى لكن تستاهل ، سوبارو ليجاسي ، هوندا أكورد ====< هاذول كلهم ياباني ولو تبي امريكي عندك سياره محترمه ورسميه وسعرها ممتاز فورد كراون فيكتوريا . جديد تحصله بالمعراض حدود 70.000 ريال فقط

تحياتي ..،،،

هههه الله يصلحك !

توقعت انك تكتب بعض هذي السيارات ..

ان كان فيه منافسة فهي الأفالون فقط فقط .. لأنها فعلا تستاهل بغض النظر عن سعرها

بس الكامري ؟ هذي صاروخية :D .. على ايش ؟ على 2.4 لتر ؟ ولا على المواد الداخلية الرديئة ؟

ولا على جنوط أبو جميل ؟ ....

وبالنسبة للسوبارو هذي مو بعيدة عن الكامري !! ... صحيح انها يابانية وعلى عيني وعلى راسي ...

لكن يكفي ان حجمها مو يم الاوبيروس ... وما ترتقي لمواصفاتها ..

ونفس الكلام ينطبق على الأكورد مع حبي وتقديري لها .. لكن الواقع يفرض نفســه ,,

وبالنسبة للفيكتوريا فهالسيارة عفى عليها الزمن مع انها تتحمل وعملية ..

ولكن لا محرك ولا ديكور داخلي ولا مواصفات تخدم ,, :)

تحياتي مع احتراماتي .. واتمنى تكون أكثر موضوعية بمقارناتكـ :)

(( برايفت خاص )) أبو عبدالعزيز ..

شي ممتاز جدا ان الاوبيروس تأتي بمحرك 3.8 لتر .. على كذا بتسكر الباب بوجه الأزيــرا :rolleyes:

وبينجبــر الوعلان يجيب الأزيــرا بنفس المحــرك :)

saleh_ssj @user_9931 صاحب الموضوع · 02-04-2007

مشكورين اخوني على مروركم
واسف على التاخير في الرد
اخوي sama_7
لاسف ماعندي معلومات عن المواصفات vbmenu_register("postmenu_1039206", true);
اخوي عاشق الالماني
الاوبيروس من فئه اعلى من السيارات كامري -،، سوبارو ليجاسي ، هوندا أكورد

هي من فئة الافالون

ومشكور على مرورك

اخوي الهيو انا اللي حاط الموضوع :mad:

ومشكور على اضافتك للصور

تـحـيـاتـي

saleh_ssj

C A R R E R A @user_16064 · 28-03-2007

السلام عليكم

شكرا اخوي على الموضوع الصور الرائعة

بالنسبة للأوبيروس فالسيارة ممتازة من كل النواحي وان كانت كورية

فالشركات الكورية اصبحت الآن تنافس السيارات اليابانية والأمريكية حتى

وأهم ماساعد هذه الشركات تقدم كوريا في ابتكار التقنيات

وتعلم الأخطاء الذي كان الشركات تقع فيها في الماضي

على العموم اذا الأوبيروس تعدت مواصفات الأفالون في الفخامة الداخلية

اتوقع لها النجاح الكبير

والسلام عليكم

sama_7 @user_18283 · 28-03-2007

أخوي عاشق ألماني كذا ظلمت الأوبيروس
وش جاب الكامري والأكورد ..... وحتى الأوريون (زيادة من عندي)

الأزيرا كانت تنافسها أما الآن تعدتها الأوبيروس سواء بالمحرك أو بمواصفات أخرى
أنا في نظري منافستها هي الأفالون
والاختلاف في وجهات النظر لايفسد للود قضية

الهيو @user_36646 · 28-03-2007

السلام عليكم :cool:
دائما تتحفنا بالجديد خاصه عن شركه كيا . اشكرك على الصور
بصراحه الاوبروس مايعرفها الا الي ساقها او ركب فيها تتميز بالعزم العالي والهدوء المميز والتشطيبات الفخمه والمميزات الكثيره
وبالنسبه للسعر جدا معقول خاصه انها جت بالمحرك الكبير 3800 سيسي راح تكون منافس كبير للازيرا والافالون والمكسيما الجديده
وبانسبه لكلام اخوي عاشق الالماني استغرب ميقارنته الاوبروس ذات التصميم الجديد بالكراون فكتوريا المصمم قبل 10 سنوات واقوله اذا كنت طويل اركب الكراون فكتوريا في مكان السائق وشوف قرب الركبتين من الطبلون بعدين اركب في الكرسي خلف
السائق وشوف ايضا قرب الركبتين من كرسي السائق بعدين اركب الاوبروس وقارن ولا تنسى انها اقصر وتصميم كوري على ماتقول !!!
اشكرك اخوي ابوعبد العزيز مره ثانيه وهذه صور داخليه للسياره |3|

أبو عبدالعزيز @user_6640 · 28-03-2007

محرك الاوبيروس الجديدة عند الوكيل (كيا السعودية للسيارات)
هو 3.8 لتر بقوة 263حصان
حسب موقعهم بالنت وعلى حسب كلام مندوب المبيعات بأنها سوف تنزل كذلك
هذا والله أعلم
وبالنسبة لأخوي عاشق الألماني:
ياليت لو أنك تعرف كل سيارة وماهي منافسيها ،ولا تدخل الأكورد والكامري كمنافسات للأوبيروس لأنك تظلم الثنتين بالمقارنة.........
وحياكم الله
أبو عبدالعزيز

عاشق الالماني @user_22260 · 28-03-2007

L

LAMBADA

يا ليت توضح .. وشي السيارات !!؟

السلام عليكم .

اول حاجه لاتتوقع إني متعصب لسياره معينه ، لكن الأبيروس موعاجبتني (( وهذا رأي خاص فيني ))

السيارات كثيره ولا حصر لها .

وعلى سبيل المثال :- كامري - شكل جديد ومميز ، أفالون ولو ان السعر أغلى لكن تستاهل ، سوبارو ليجاسي ، هوندا أكورد ====< هاذول كلهم ياباني ولو تبي امريكي عندك سياره محترمه ورسميه وسعرها ممتاز فورد كراون فيكتوريا . جديد تحصله بالمعراض حدود 70.000 ريال فقط

تحياتي ..،،،

LAMBADA @user_13601 · 26-03-2007

ع

عاشق الالماني

كل الشكر لك اخوي صالح

لكن من وجهة نظري ان السعر مبالغ فيه كثير .

لاتنسون ان السياره صناعه كوريه وقطعها غاليه , وتوجد خيارات كثيره في السوق افضل منها من حيث المواصفات ومن حيث والتقنة العاليه . والسعر المنافس

تحياتي ..،،،

يا ليت توضح .. وشي السيارات !!؟

vector @user_39432 · 26-03-2007

انا شفت الموضوع عن الاوبيريوس قلت بنفسي لازم تلقى ابو عبد العزيز فيه
وفعلا لقيته اول واحد يرد مشاء الله عليه يغلي الاوبيروس

السعر جيد بس بما انه 98000 معناته المحرك 3.3 وماجابوا كل المواصفات

كويس عشان ماتصير اقوى من الازيرا:D

ويعطيكم العافية

عاشق الالماني @user_22260 · 26-03-2007

كل الشكر لك اخوي صالح

لكن من وجهة نظري ان السعر مبالغ فيه كثير .

لاتنسون ان السياره صناعه كوريه وقطعها غاليه , وتوجد خيارات كثيره في السوق افضل منها من حيث المواصفات ومن حيث والتقنة العاليه . والسعر المنافس

تحياتي ..،،،

sama_7 @user_18283 · 25-03-2007

وعليكم السلام ورحمة الله وبركاته

مشكور بارك الله فيك
لو تكرمت المواصفات التفصيلية
لان سعرها مرة حلو ومنافس جدا
بس أخاف انهم حذفوا مواصفات كثير منها وخصوصا الفل

أبو عبدالعزيز @user_6640 · 25-03-2007

مشكووووووووووووووووووووور على الصور
بارك الله فيك
والأسعار جدا معقولة على ماكنت متصور
جزاك الله خير
أبو عبدالعزيز