السلام عليكم ورحمة الله وبركاته
لاحظت من فترة كثرة السؤال حول كيفيه فصل جرس حزام الامان في الفورد فحبيت اني اشارك بهالموضوع مع اني سبق وكتبته في احد الردود لكن وضعه في موضوع مستقل يمكن يسهل الوصول له :::تفضلوا
((اولا)))-- تفتح السوتش لين تولع اللمبات الي في الطبلون يعني ماتشغل السيارة لا تفر المفتاح لين تولع اللمبات وبس
(((ثانيا)))-- خل عينك على اشارة ربط الحزام الي في الطبلون لين تطفى تقريبا تاخذ لها اقل من دقيقه بشوي
(((ثالثا))) اول ماتطفى اللمبه تقوم بربط الحزام وفكه عدد 9 مرات متتاليه يعني تربط وتفك تربط وتفك وعلى طول يعني ماتترك وقت بين كل مره والثانيه زي ماقلنا تسع مرات
(((رابعا)))-- بعد المره التاسعه من ربط وفك الحزام راح تلاحظ ان لمبه AIR BAG ولعت وطفت
(((خامسا)))-- اول ماتطفى لمبة AIR BAG تربط الحزام وتفكه وبعدها راح تنسى ازعاج صوت التنبيه
ملاحظات هامه
اولا -- هذه الميزه لسيارات فورد ماركيز وفكتوريا من موديل2003 فما فوق يعني الموديلات من 2002 وتحت ماتضبط معها هالطريقه
ثانيا -- اذا حبيت ترجع الصوت مره ثانيه تتبع نفس الخطوات السابقه بالظبط وراح يرجع لك الازعاج من جديد
ثالثا -- تطبق هالطريقه لكرسي السائق وبعدها جرب انك تمشي لوحدك يعني مامعك راكب اذا الامر تمام جرب تخلي حد يركب معاك وشوف لوطلع الصوت يعني لازم تبرمج حزام الراكب ايضا بنفس الطريقه السابقه
طبعا انا طولت في الشرح بس حبيت انكم تستفيدون مع ان الموضوع ماياخذ اكثر من دقيقه زي ماقال اخوي فيصل سبورت في احد المواضيع السابقه
وتقبلوا تحيات اخوكم رفيق الفورد((((ولاتنسوني من صالح دعائكم اهم شي)))))
