سيارتي(باااح) والحمدلله على كل حال

الله يسلمك اخوي/ نديم الطيف المشهد الي شفته بعاليه في مشاركتي شي بسيط تصدق عشنا هذا الموقف لمدة عشرين دقيقه وبصراحه بعد ما وقف البرد وشفنا أثاره على الحديد قلنا الحمدلله والشكر أنه في الحديد لانني في البر تغدينا وكنا ناويين نبعد عن سياراتنا نتمشى خبرك عقب الغدوة ولكن تصدق وحنا نتغدء الشمس علينا حاره بعد ما خلصنا بخمس دقائق سبحان الله العظيم سحابه تمشي بسرعه عاليه لم تمهلنا ويلله لحقنا نركب سياراتنا والحمدلله على كل خير بعد نهاية البرد وجدنا حجمه كبير البيضه واخر وبدون مبالغه كبر البرتقاله وبشكل مروع شفت حافة الرفرف قوية ولكن انعفطة والحمدلله على السلامه وصادق لو نزل على الانسان يقتله فور لان سقوطه من مكان عالي وياتيك بسرعه حللها الخبراء 150 .نظرٍ لحجم حبات البرد والجاذبية الارضية التي تجذبه بكل قوة

حجم البرد الذي تم تصويره اظغط على رابط الصوره
http://www.cars-club.com/up/sp/carsclub_33036611.jpg

الحمد لله على السلامة يابو فهد..ماتشوف شر


والله ضاربتكم برديه ماهي سهله :mad: الحمد لله على السلامة يارجال


فيه ناس ضربتهم وهم يمشون رجلية وماتوا الله يرحمنا ويرحمهم برحمته <------- من رأى مصائب الناس...هانت عليه مصيبته

جميع من شارك معي هنا أخواني شاكر لكم ردودكم.

أخوي/ نديم الطيف أسف على التاخير ولكن بسب ظروف صحية حيث كنت متعب ولكن الحمدلله الان بصحه أفضل عموما صادق فيما ذكرة ولكن تقول شوف أكثر مكان متضرر واكثر مكان متضرر هو الكبوت با الكامل والتنده با الكامل والشنطة با الكامل مابين حبة برد وحبه أخر سنتي واحد فقط حيث كان البرد كثيف وغزير ولعلي أتركك مع هذا الرابط لتشاهد بنفسك ماذا حصل لنا.:)
وهناك رااي اخر طيب وش راايك ما اسمكر السيارة كلها الكبوت اغيره جديد مع الشنطة وسمكر التنده فقط هل بتصلح الشغله بصراحه مابي السيارة كلها معجون:)


أظغط على الرابط مقطع لنا يوم نزل علينا البرد .شفني أمام اليوكن:)
http://www.cars-club.com/up/sp/carsclub_62193964.3gp

إذا إستعملت شفط مابترجع مثل أول

السمكرة حل أفضل

السلام عليكم

أولاً الحمد لله على سلامتك

انصحك تروح لشركة الحاج حسين رضا حقين مازدا ترى شغلهم زين.

أنا عندي رأي ثاني
بس شكله غير مناسب :D
روح للمعارض أو للتشاليح وخلهم يسومون موترك
واذا كانت السومه تستاهل توكل على الله وبعها واشتر لك موتر جديد !

والله يابو فهد 1500 فيها اعادة نظر....لان السيارة بيبان فيها اثر خفيف...انا كانت فكرتي تجرب معهم السيارة كاملة بـ 700 مثلاُ وتكاسرهم لـ 500

لكن 1500 والله غالي..ترشها رشة كاملة احسن لك


ولعلمك ترا منت راشها بس...بتصنفر البوية اول شي ويسمكرون البدي والطعوج ويواسون البدي بالمعجون يعني شغلانه


بس الرشة كاملة احسن..وبتكلفك من حدود 1500 الى 2500 حسب الورشة والشغل


وبالأخير القرار لك...


واذا تبي نصيحة من تحت لتحت :D نق اكثر مكان متضرر وخلهم يشفطونه :D واذا جاز لك شغلهم توكل على الله واشفطها كامل او اسحب عليهم :D


مع التحية،،،

سلامات والف الحمد لله على السلامة بسيطة جدا عند سلامة عمرك واهم شي انك سلمت من ضربات البرد القوية سبحان الله العظيم

الله يسلمك اخوي وأمين والحمدلله على كل حال سلامتي لا تقدر بثمن

هلا اخوي/ نديم الطيف

شاكر أهتمامك با النسبه لشفط بعد عرض السيارة عليهم تحتاج شفط كامل الكبوت التنده وشنطة وكذلك الرفارف والابواب ورفارف الخلفيه سبحان الله حتى جوانب السيارة لم تسلم وقد تضررت اكثر من 200 سياره تكلفه تقريبيه 1500 ريال ولكن لن تعود كما كانت سابقاً سوف يبقى أثار معينه هذا كلامهم وش رايك؟؟؟ لانني أحترم رايك وسوف أخذ فيه

حياك الله

وبالنسبة لكلامي عن الشفط انا احسب بوية سيارتك وكالة قلت حرام ترشها ويحسبونها مسمكرة


لكن بما انك راشها قبل كذا فالأفضل تروح لوكالة دوج...ان طلع شفط السيارة كامل اقل من 700 ريال مثلاً .. توكل على الله واشفطها..غير كذا رش السيارة من جديد احسن لك

الله يسلمك اخوي/ نابولي

ايه يا غالي كل شي يهون ويتعوض وبشرك بصحه وعافيه ويالله لك الشكر وصدقني لم احزن ولم اتضايق سلامتي وصحتي تسووو الدنيا ومافيها من سيارات الحديد يروح ويجي.

الله يسلمك أخوي الغالي/ نديم الطيف

ايه صدقة عاد توني راش السيارة بوية با الكامل أسود ملكي خبرك يوم ذيك الايام اسئل وش رايكم ووش اختار ههههههه

با النسبه لشفط البدي ما يبين اي شي وهل سعر شفط السيارة با الكامل مكلف وايهم افضل سمكره او شفط

حمدا لله على سلامتك اخوووي ابو فهد

والحمد الله بالحديد لا بك الحديد يتعوض والاوادم ما يتعوضون والله يعوض ويخلف عليك ويجعل ذلك رفعتن لدرجاتك

والحمد لله على كل حال

الحمدلله أني سلمت والحديد بداله حديد ماحصل لنا لم تشهده اي منطقة با الرياض وأعتقد شفتو جريدة الرياض وكبر حجم حبات البرد صورة الصحن الي فيه البرد ومعه حبة برتقاله

الله يسلمك اخوي/ راعي الصابونه

نعم الضربات قوية يعني مكان كل حبة برد (حفره) تاخذ جمع اصابعك الثلاثه ايه الله يعوضني ان شا الله رغم اني توني راش بوية سيارتي با الكامل قبل شهر.

الحمد لله على سلامتك
وكل شئ يهون ويتعوض انشاء الله
واهم شئ انت بعافيه وبس
والسياره بعدين

تحياتي

الحمد لله على السلامة ابو فهد

بالحديد ولا بالعبيد ويمكن هذي عين واحمد ربك طلعت هالعين بالبرد مو بحادث او جدار


وعندك توكيلات الجزيرة وكلاء دوج يشفطون البدي ويرجعونه لك مثل ماكان باذن الله تعالى


مع التحية،،،