وعليكم السلام ورحمة الله وبركاته
هلا م/ كريم بداية الله يعطيك خيرها ويكفيك شرها
ثانيا مع الاسف الشديد ما راح اقدر افيدك الا عن سيارة وحدة وهي السيفيك بحكم ان امتلكها ولله الحمد
سيارة ما عليها كلام ابدا اذا من ناحية الشكل صدقني حبيتها من اول نظرة واذا على الاداء الرياضي والاقتصادي في نفس الوقت
مثال من واقع التجربة انا اقطع يوميا ما يقارب 250 كيلو على سرعات متفاوتة ما بين 180 و 140 كيلو اعبي بنزين بقيمة 15 ريال ويكفيني يومين على السرعات العالية والمسافة الطويلة.
من الداخل شي خيالي مقصورة مميزة ومريحة بس الي متعبني شي واحد لونها الاسود يحتاج الى عناية وغسيل يومي
اما بقية السيارات ما اقدر احكم عليها ولا اقدر اعيبها بشي وطبعا الهيونداي شركة تطورت كثيرا والاوبل الماني والميغان فرنسي اوربي وكل سيارة ولها مميزاتها الي يمكن ما تلقاها في السيفيك.
استخير الله وشوف الشي الي انت مرتاح له من ناحية الشكل ومن ناحية ميزانيتك والله يوفقك في اختيارك
