الرنج كثير الأعطال

ياخي وش سالفه الاوروبي والدريشه اللي تخرب!!

حتى الاودي والفلكس فيهم نفس المشكله!!



انا عندي اودي والسنه الماضيه بالرطوبه تعطلت الدريشه حقتي فجأه!! لاتفتح ولا تقفل وعلقت بالنص واضطريت اوديها الوكاله عشان يصلحونها!! وخلصت بكم ساعه!!!!

الصراحه انا ما عندي رينج روفر مثل أكثر المشاركين بهالموضوع

كثرة أعطال الرينج مسألة مافيها خلاف لكن السؤال هو بالمقارنة مع من؟؟؟؟ لكزس أو مرسيدس؟؟؟؟

ألي أبي اقولة إن الرينج تحتوي على تقنيات معقدة و كثيرة و أغلب هاذي التقنيات خاصة يها نوعا ما يعني ماتلقاها إلا في الرينج و هاذا أيضا حال كثير من السيارات الغالية و على راسهم المرسيدس و البي إم

كان معاي مرسيدس إس 320 و خويي معاه إكس فايف ...... و السيارتين كان فيهم نصيبهم من الخرابات و بعضها متكرر و في نفس المكان

المرسيدس غسلنلها مرة غسيل عادي و من بعدها صارت الدرايش ما تقتح و إذا فتحت ما تسكر و أزرار تعديل الكرسي ما تشتغل و صارت مشكلة مزمنة في السيارة
البي إم أتذكر كان دايما تخترب درايشة و تطيح داخل الباب و كنت انا إلي أوصل الرجال كل مرة للوكيل بالإضافة لمشاكل ثانية غيرها

الخلاصة لاخضت إن أكثر خرابات هالسيارات هي مشاكل كهربائية بسبب المواد و التقنيات المعقدة و هاذي التقنيات هي الي تميز السيارة في النهاية عن غيرها و هاذا النوع من الخرابات هو أكثر نوع تشتكي منة الرينج

المرسيدس و البي إم فيهم حقهم من الخرابات مثلهم مثل الرينج لكم المسألة إن هالصفة لصقت في الرينج يمكن لأن خراباتة أكثر شوي أو يمكت لأنة حساس شوي زيادة عن الباقيين لكن ما اعتقد إن الفرق في عدد الخرابات بيكون كبير جدا ولا ما شفنا كل هالرينجات في الشارع ولا زادت مبيعاتة عتدنا في الخليج 50%

أي واحد يشتري الرينج لازم يعرف إنها مو مضادة للرصاص يعني راح تخرب راح تخرب لكن إذا سوالها صيانة كويسة الصيانه راح تكون رخيصة و سهلة لكن مع هاذا لازم من صاحب السيارة إنه يعرف إنه لازم يكون حريص على السيارة لحساسيتها

زي ماقلتلكم, انا ماعندي رينج لكن أعرف شباب عندهم و السيارات ماشية معاهم ما اقول من غير خرابات لكن زيها زي أي سيارة غالية يعني لازم تتوقع أنك بتصرف عليها لكن كل ما كانت عنايتك للسيلرة كويسة كل ما قلت صرفيتك و هالقانون يشمل كل السيارات

الحقيقة انا حاليا نفس الشيا أفكر برينج و قاعد أشو كم موقع اجنبي عن الرينج عشان أشوف خراباتة الشائعة و زي ما قلت, تقريبا أكثرها كهربائي و هايدروليك (مشاكل الهيدرولك اعتبرهت كهربائية في الرينج) و الحقيقة ما شفت خرابات كثيرة لها علاقة بالمكينة لكن أعتقد إن أكبر مشاكل الرينج هو الهيدرولك

سمعت كذلك أنه كثير أعطال وبالنسبة للسيارات البديلة ولله الحمد هناك أنواع أفضل وأجود مثل FX من انفنتي ومورانو أنا أشوف انهم أجمل واجود
وشكرا

ليتك تفكر بجيب البورش أو البي أم

فخامه وجوده ولو ما يجيك الا انهن أقل مشاكل من الرنـج

توها متغير أشكالهن .. في بيمشي معك اشكالهن مده أطول

عكس الرنج الي له فتره طويله ما تغير .. يعني في اي وقــت انتضر تغييره

انا من الناس الي يدوخون مع الرنج .. بس للأسف الحلا ما يكمل

تحياتي مع تمنياتي لك بتوفيق

اتوقع أحسن جواب لهالسؤال هو خبرة أصحاب السيارة أنفسهم مو كلام الناس و الإشاعات

أنا معكم إن سمعة الرينج روفر سيئة لكن ياليت يفيدونا أصحاب الاند روفر بأنواعها لني أسمع كثير عن خرابات السيارة بس ماشالله الرينج مالي البلد

برأيي إذا كانت خراباتة مثل البي إم أو المرسيدس فأعتقد إن هالشي معقول من شيارة ذات تقنيات متقدمة و معقدة ولكن الخوف انها تكوت أسواء من هاذا بكثير

شخصيا انا ناوي على سيارة و الرينج روفر من ضمن خياراتي لكن مو ناوي أشتري سيارة إلا بعد كم شهر عشان كذا أحب استغل هالفترة و أشوف رأي الناس الي إمتلكو السيارة عن خراباتها و إذا يقدرون يقارنونها بباقي السيارات الفخمة

المشكلة أخي الكريم وكما ذكر أخي عمر ، غإنه كلما زادت التقنية ، كلما زاد من تعقيد المركبة وزادت الأعطال ، وهي في الغالب أعطال في برمجة الكومبيوتر وفي بعض القطع الكهربائية الاستهلاكية .
وأنا أتصور أن سيارات لاندروفر تشترك مع عدة وكالات في هذه المشكلة كسيارات بي أم ومرسيدس وأودي وأغلب السيارات الفخمة والتي تحتوي على أنظمة متطورة وحساسة ، وإن كانت سيارات الرنج تظل في المقدمة من ناحية المشاكل .
وقد تكون الماركة الوحيدة التي حققت المعادلة الصعبة وجمعت ما بين التقنية والجودة أو العملانية هي سيارات اللكزس .

وأتذكر أن الرنج روفر كانت فيه مشكلة أزليه وأتوقع أنها لا زالت وهي مشكلة الهيدروليك .

كل الشركات قادره انها تخلي سياراتها ذات تقنيه عاليه
لكن المشكله الجوده!!

خذ مثال البيجو:D

والله صراحه الله يعينه ....

ومشكورين على التواصل الجميل

واحد من الشباب معاه دسكفري وهو مو مره لدرجة الرينج متطور وطالعه عينه صح انه يصلح عن الوكاله ولمشاكله حلول بس كل شوي يطلعله خراب جديد ...

اللاندروفر المركز الأخير في قائمة الـJD Power

جرب هالرابط...فيه آراء عن مستخدمين الرنج بأمريكا
http://autos.msn.com/research/userreviews/reviewlist.aspx?modelid=12401&trimid=-1

شركة رنج روفر تمتلك اكثر حصه فيها الان فورد قبل ما كانت شركة اوربيه بحته وانا معك كانت السيارات القديمه قويه وقليلة اعطال بس هذا الجديد كثرة فيها الاعطال مش اعطال مصنعيه لا اعطال استعمال بصرحه ما ادري هل هو تسويق لقطع الغيار او انه السياره ما اخذت كفايتها في الاختبارات او التجارب خاصه انه السياره ما اقول اوربيه بلكامل لا اغلبها امريكيه وانت خابر لمن يجتمع الامريكي والاوربيه في سياره ماتكون كامله والكامل الله مثل ماتكون سياره اوربية بحته مثل مرسيدس واودي وبي ام دبليوا .


تحياتي

جذاب 18 مشكور على التواصل ...

omar , اخوي انا اخالفك الراي , في سيارات كثيره فخمه ومتطوره مثل ال لكزس ls و gs وعندك الميرسيدس بانواعه

ماسمعنا انها كثيرة الاعطال مثل ماسمعنا عن الرنج .

يعني اعتقد ان المشكله في الشركه نفسها .. شركه معا تاريخها الطويل في السيارات إلى انها ماتقدر تنتج سياره ذات جوده

او انها ( قاصده هالشي تبي تربح من فلوس الاصلاحات والصيانه ) الله اعلم .

تحياتي للجميع .

اي سيارة مليئة بالتكنلوجيا المتطورة تكثر خراباتها ..
يعني لازم تحط لك ميزانية صيانة للسيارة قبل ماتشتريها .. واذا ماكنت قادر على صيانتها فلا تشتريها ..
وسيارة عن سيارة تفرق يعني تبي الفخامة والمواصفات هذي كلها لازم تدفع ضريبتها ..