إيـجـار منتـهـي بتملـيـكـ هـل سـبق و جـربـتة او كان لكـ موقف سابق معه-انطباعك عنة.-.؟

يا شباب اللي بياخذ سيارة بهذا النظام لا ياخذ من البنك الأهلي لأن معاملتهم سيئة للغاية ، توقع ما يعطي تفويض إلا حق البحرين و داخل السعودية ، طيب لو بغيت مثلاً تروح الكويت بيقولون روح أدفع قسط مقدم و أدفع مبلغ 450 ريال تأمين لأحد النصابين علشان تاخذ تفويض حق الثلاثة اشهر بدون تجديد ، عندك بنك الراجحي نظامهم حلو تفويض لجميع دول الخليج و في نظام عندهم أسمه خدمة الطريق و كذالك شركة تأجير حلوه نظامهم حتى تفويض لبلدان الشام يعطون بدون تأمين و لا أي شيء و لاكن التأمين حقهم مش التعاونية حق شركة إياك .

انا شاري سيارة بالاجار المنتهي بالتملك والحمد لله مرتاح

لكن بغيت اصحح معلومة اخوي وليد لو كان العقد الاتفاق بينك وبين الشركة عقد واحد في هذي الحالة يجوز
لكن اذا عقد في البداية وعقد في النهاية مايجوز

هذا اللي اعرفه

سمعت انه محرم شرعا ..

وان كان هذا صحيحا فالله يغنينا بحلاله عن حرامه ..

كورولا حلال ولا اودي بحرام ..

يعطيك العافيه قشمير على التوضيح

ملحوظاتي
1) لا تستطيع إعادة السيارة في أي وقت لأن البنك ياخذ مبلغ 4شهور في السنة الأولى و3شهور في السنة الثانية و2 فس السنة الثالثة وهكذا
2)التأمين يا حبايب تراك أنت اللي دافعه مو الشركة ولا البنك فهم يأخذون بالضبط 3.5 % سنويا من قيمة السيارة ولو دققت لعرف أنها قريبة من نسبة مرابحة البنوك.
فإذن ليش أدفع 500 ريال.
3)الرسوم الادارية البالفة 4200 في بعض الشركات ليش

ايش هي الاوراق والاجراءات اللي تستااهل هذا السعر خاصة اذا عرفنا ان هناك اتفاقية موقعة ومنتهية بين البنك والشركة . يعني مافيه داعي لأي اجراءات الا اجراءت المرور وهذي يخلصها أي معقب ب50ريال.

4) طريقة الدفع اما استقطاع وطبعا البنك يأخذ مقابل هذه العملية ولا تنسى أنه ماخذ منك رسوم ادارية سابقا باهظة واما بالايداع اليدوي .

5) تجديد التفويض كل 3 أشهر ولو تأخرت يوما واحدا أخذوا 100 ريال غرامة.
6) التفويض شامل لمدن المملكة ودولة البحرين فقط ولو أردت الذهاب لأي دولة أخرى فهليك دفع مبلغ مالي معين حتى تعطى تفويض لتلك الدولة.

7) مجموع مايأخذه البنك منك من فائدة 9.5%
6% مرابحة + 3.5% تأمين

وعلى فكرة ترون شركة التأمين تابعة لهم يعني كله لهم
يعني بصريح العبارة هي طريقة جديدة لحلب مافي جيوبنا وبقوة النظام فلو لاحظت أن أغلب بنود النظام هي لصالح الشركة وقلت أغلب لأنه هناك بنود لم أطلع عليها قد تكو نفي صالح المواطن ولو أني استبعد ذلك
هذا ما يحضرني الآن

ودمتم بود

رفعت الموضوع لاني

مريت فورد اليوم ومسكني الموظف وجلس يكلمني عن الايجار المنتهي بالتمليك

اللي جذبني ان التأمين شامل طول فتره التاجير

وش رايكم

شريت مرة سيارة كورولا لخوي الصغير من تويوتا بنظام التأجير وبعد سنة صار لها حادث والخطأ على الطرف الثاني قامت الوكالة وتابعت الموضوع مع صاحب الحادث وسحبت السيارة (المفروض للصيانة) وتميت أتابعهم 4 شهور وهم يقولوا : لسه الموضوع ما نتهى.... وبعد 4 شهور قالوا لي : خلاص السيارة راحت وحنا راح نتكرم عليك ونتفضل ماراح نطالبك بأقساط الأربعة أشهر الأخيرة بس تعال وقع على هذا الشيء وعلى التنازل ....
رفضت الأمر وقالوا لي ... السيارة بالتأجير والأن تحولت للأعدام لأن صيانتها تكلف أكثر من باقي الأقساط ....
قلت : والتأمين .... قالوا راجع شركة التأمين (في نفس الشركة بمسمى آخر) ...
وشركة التأمين تقول عوضنا الشركة والشركة تقول : هذا نظام التأجير .....

قلت ... تراني شكاي .... لكن لا حق لي ... هذه شروط التأجير (الحق كل الحق للشركة)

بعد سنة وبدون اتصالات ولا شكاوي ولا دوخت راس بدأوا يتصلون علي لأقفال الملف ... فرفضت بدون تعويض ... بعدها بخمسة أشهر عوضوني بـ 8000 ريال نقداً

أخوي مرسيدس... مثل ماقالوا الشباب الشركة راح تستوفي حقها كامل بزيادة...
والميزة الوحيدة اللي عاجبتني صراحة هي الـتأمين الشامل مقابل 500 ريال فقط في حال الحوادث لاسمح الله...

شكراً لك...

أما ( ما غالبا ) !!! :confused:

قصدي ( غالباَ ما ) :D


<=== بدري!

انا عندي سيارة تقسيط والحمد لله وحنا قيد قسطنا حوالي 3 سيارت منتهي بالتميك
احلى شي انه فيه تأمين شامل لا سمح الله انك صدمت تدفع 500ريال سعودي حق التعقيب لو ان سيارتك تشليح ولا عليك اي كلفة ثانية
حتى الطرف الثاني ما تدفع له شي لو الغلط عليك

أعرف ناس اشتروا سيارات بالنظام هذا ...

اذا كنت ملتزم بالاقساط ما راح تتعب معهم ... و بعض الشركات تحول لك الدفعة الاخيرة اقساط .

مميزاتها انك ما غالبا تحتاج كفيل, و بعض الاحيان ما تحتاج دفعة أولى .

عيبها النسبة تكون مرتفعة شوي .. بس ما اعتبره عيب لأنه فيه ناس كثير ما تقدر تشتري كاش.

أحد أصدقائي عنده سيارة تأجير منتهي بالتمليك

ميزة البرنامج التأجير هي إنك تقدر تحول الدفعة الأخيرة إلى أقساط

هذا لو كنت مواظب على دفع الأقساط مو تتأخر