جي إم سي أكاديا أو فورد إكسبلورر

يا أخي لاتحتار الله يطول عمرك أكسبلور وبسسسسسسسسسسسسس هي من فورد وفورد
سياراتها تمتاز بالراحة والقوة وغير ذلك الوكيل ممتاز ومتوفرة قطع الغيار ورخيصة والأكسبلور
مشهور في أمريكا وقوية و الأتجاه إليها الأن في السعودية وأنا شاري الأكسبلور مافيها كلام
أرجو أن فدتكم

جربتها امس و ال 300 حصان طلعت اي كلام السيارة ثقيله مره بالاضافه ان سواقتها مثل الفان
لذالك ارشح الاكسبلورر

اكسبلورر وبس الاكاديا ماعندها سالفة

واعتقد ان اعتقادك ليس في محله

وشكراً

|3|

مشكور يالخل الوفي على المعلومة وأتمنى مشورة خاصصة منك بحكم خبرتك في سيارات الدفع الرباعي

هذا صحيح. تويوتا تفوقت في المبيعات على جي إم، على الرغم من شراء جي إم لكثير جداً من صناع السيارات، من أبرزها هولدن ودايو، أما تويوتا فلم تشتري إلا دايهاتسو في تاريخها كله، والتي لها حصة صغيرة جداً من مبيعات تويوتا.

لولا الاذواق لبارت السلع

شفت الاكاديا على الطبيعه واجهتها حلوة بس تحس انها فان مو جيب
انا ارشح الاكسبلورر واذا بتزيد شوي التاهو بصراحه روعه
وانصحك بالاستخارة والله يوفقك ان شاء الله

الذي أعرفه إن السيارات الألمانية والأمريكية لا يوجد فيها عيوب مصنعية عادة إذا نزلت شكل جديد


كثير من السيارات اصبح الدفع فيها امامي وما حدثت أي مشكلة


أما بالنسبة للسعر أعتقد إنه راح ينزل في المستقبل القريب إن شاء الله

اعتقد والله سبحانه وتعالى أعلم أن التويوتا هي الشركة الأولى في العالم

الحقيقه انه الاكاديا كشكل جمليه جدا وملفته

ولكن الحقيقه لو كنت انا المشتري لا اعتقد انني سوف اشتريها وسوف اخذ الاكسبلور دون تردد لسببين:

1- سياره امركيه جديده على السوق لا احد يعرف مشاكلها

2- سعرها مبالغ فيه جدا

وربنا يكتب لك الخير

الاخ عبدالعزيز >>> ابو عتب ماااااااااقصرت والله وردك في محلللللله 100%
وبعدين من الي يقول ان تويوتا احسن من جنرال موتوز , تويوتا الى الان لم تستطع ازاحة الصانع الامريكي من الصداره وهذا دليل على عشق اغلب اهل الكره الارضيه لصناعة جنرال موتوز والا لا؟؟؟؟؟؟؟؟؟؟؟؟؟؟؟

اكثرية المبيعات لجنرال موتوز وهذا لا اغلب الناس تثق في الصانع الامريكي , بالنسبه لصاحب الموضوع اقول اكاديا وتوكل على الله يكفي انه GMC مررررررررررررررعب

شكرا لكم وانا اتقبل جميع الاراء واقدرها

حتى انا محتار

اخذ يوكون

او


فورد اكسبدشن

الواحد المفروض ما يشتري حاجة كبيرة مثل السيارة قبل ما يستشير ناس أجاويد شرواكم

بعد قراءة الردود بشكل عام توصلت الى النتائج التالية :

الأكاديا جميلة جدا وماركتها جي إم سي وواضح إن السيارة بجودة اليوكون

لكن عيبها الكبير إنها دفع أمامي

يمكن تكون هذي ميزة لكن هذي اول مرة أشوف دفع أمامي على سيارة جيب

يعني نحتاج الى سنتين على الأقل علشان نحكم على السيارة

تتذكرون الكامري اول ما نزلت

الناس ابتعدت عنها لأنها دفع امامي

ثم أثبتت إنها سيارة ممتازة لأنها تويوتا

أيضا الأكاديا شركتها جي إم سي المعروفة

العيب الثاني سعرها واعتقد ان هذا بسبب انها سيارة جديدة وأكيد بينزل سعرها في المستقبل القريب بإذن الله

العيب الثالث هو إن قطع غيارها غير متوفرة

الموظف في شركة جي إم سي قال لي إن سياسة شركة جنرال موتورز هي توفير قطع الغيار ( التي يندر الطلب عليها ) خلال 48 ساعة فقط


الإكسبلورر والأكاديا يتوفران بالدفع الرباعي المستمر غير ان الاكسبلورر أقل جمالا وهيبة من الأكاديا


لكنها تتفوق عليها من حيث الراحة والعملانية وتوفر قطع الغيار ورخصها إضافة الى أن إمكانياتها خارج الطريق أفضل

ردك أبوسعود يجانبه الصواب ؟؟؟؟

لا اعتقد اخوي

ياأخي أنا بالمعارض من عام 80م يعني 27 سنة طال عمرك وتقول الكلام هذا

على العين والراس لاكن مافي احد احسن من احد في الوقت الحالي الناس تفتحت في ثقافة السيارات

لاكن والله قله حتى الحين واذا تتحاور مع بعض الناس خارج المنتديات او داخلها لايخذون كلامك على انه الجد

وانا احس انك تقيس جودة وقوة وعملية الثمانين للسيارات اليابانيه على انها نفسها بموديلات الالفين !!؟؟

واللي فات فات

انا اتكلم الحين والسيارات تغيرت ماهي مثل اول

هل تعلم سعر التايوتا بعد إعادة البيع؟؟

اعلم لاكن ماهي السياره الوحيده ولا هي مبرر على اني اشتري سياره تسمك سعرها والمواصفات الباقيه منعدمه

ويكفيك لجنة حكام السيارات بالشركات العالميه قيمو الاندكروزر من جميع النواحي لاكن اخذ مستوى غير مرضي

وهنا بالخليج مخلينه فوق السحاب ؟!!

هل تعلم مدى قوة التايوتا وصبره وإعتماديته ؟؟

قوة محركات مااعتقد لانه قوته في خفته وفي الاشياء المجهزه للبر وخصوصا القير العادي

ولو انه ماهي مجهزه ونفس سيارات الامريكيه كان طلع ولا شيء بالنسبه للسيارات الامريكيه بالبر وخصوصا القير الاوتوماتيك

من ناحية صبر فهي تختلف من رجل سائق الى سائق بعدين حنا نتكلم عن الحاضر انسى الماضي ياخوي

والسيارات صارت متقاربه بالصبر ماافي حد احسن من حد .. ومن ناحية الاعتماديه عند تايوتا حاليا بدت الاعتماديه

تتخلل وتنعدم عند الناس وانا الاحظ هذا الشيء ... يعني الحين مافي احد احسن من احد باالاعتماديه برضو

هل تعلم مدى حب الشعب السعودي للتايوتا ؟؟

حبه مسألة ذوووق لاكن مو معنى هذا ان نقطة محبة السياره هي سبب في ازدياد سعر التايوتا الباهض

اخوي والله لو انك في امريكا وخاصة بالمعارض حقتها يسعرون السياره على قوتها فخامتها وتجهيزاتها

ونظام السيفتي والممشى والاعتماديه والجوده واستعمالها ووضعها الحالي بعد الاستعمال وهل هي مرغوبه او لا

يعني التسعير عندهم على اكثر من نقطه مو حنا تتركز في كم نقطه والنقاط الاخرى نسحب عليها سيفون !!

والشريطيه عندنا وزي ماقال اخوي ولد جده في المثل الحاصل انهم مطيرين اسعار الشاص والالماني تحت تحت

هل تعلم أن سعر التايوتا إرتفع بسبب حب الناس له ؟؟

لعدم ثقاتفه في تسعير السياره بالشكل الحقيقي والسبب هم شيابنا البدوو

طيرو الاسعار بالعلالي ولو تجيب لهم مايباخ وشاص تلقاهم البدوو والحضران راعين البر

يلخو الاسعار متقاربه او يمكن يخلون المايباخ في الحضيض ان اتكلم عن تفكير اللي ذكرتهم

وهل تعلم كيف يتورط الشعب السعودي بسيارات جنرال موترز ؟؟

امممممممم مااعتقد ان حنا تورطنا في شرائها

عندنا يوكون 2002 دفرنسين ونعم السياره والله سياره اعتماديه وتحمل وعمليه

وكان عندنا لومينا ال اس 2006 ونعم السياره قويه والله انها اكثر من استخدام شخص

ضلة سنه وراحت تشاليح بسبب حادث لاكن من ناحية تورط بمعنى الكلمه مااعتقد

لان 2007 صارت افضل جوده مع انه توجد عيوب مصنعيه وهذا شيء طبيعي في الوقت الحالي

وحاصل في كل الشركات ولو انهم تورطو خلهم يتورطون زياده فيها لان اشوف نظرية التورط تجيب شيء اجابي

وهو حبهم لجنرال موتورز اكثر واكثر واكثر

صحيح ان تايوتا الحين ناويه انها تاخذ المركز الاول وتسحب البساط من جنرال موتورز

مدري اذا هو خذاها الحين اولا

لاكن جنرال موتورز الحين قاعده تصحح اغلاطها اللي فاتت يكفي انها متعاونه مع تايوتا

وياخذون من بعض ويستفيدو وايضا مع نيسان والكل يستفيد من الثاني

وعلى طاري ان الاكاديا دفع امامي انا باخذ الدفع الرباعي الفل كامل

والدفع الامامي اللي تشتكي منه ليش ماعممت على الكل

اذا هي الدفع الامامي فيها مشاكل ومكلفه في التصليح

اغلب السيارات اليابانيه دفع امامي وعندك الافالون ياللي سعرها 120 الف

صح ان مافي مقارنها لاكن انا تاكلم بشكل عام

وانا ودي انك تجيب مواصفات الاندكروزر جي اكس ار 2 الفل كامل

غير الانظمه التي تستخدم بالبر لان الناس مو محتاجتها كثير

وانا بجيب لك مواصفات الاكاديا اس ال تي AWD

علما ان نتجنب مسألة الاعتماديه والمرغوبه

صدقني ومن الحين اقولها لك ان الاكاديا افضل في مواصفات كثيره

أخوي bady والله صح لسانك، نعم الرأي والحكمة.

أخوي ولد جدة، أنا معك في إننا ما رح نعيش في البر. لكن ... الآن أغلب الجيوب المتوفرة مع إمكانات بر قوية هي في نفس الوقت سيارات مريحة جداً في المدن. ليش أضحي بالإمكانات، ما دام ما فيه تضحية في الراحة؟

يعني الخيارات المتوفرة ليست: يا بر يا راحة، لم تعد كل الجيوب مثل الشاص كما كان في السابق. الاكسبلورر، موضوع النقاش، سيارة تجمل في البر نوعاً ما، وفي نفس الوقت مريحة جداً في القيادة داخل المدينة. ليش أضحي بإمكانيات الاكسبلورر وأشتري أكاديا؟ حتى لو كانت الأكاديا أريح بقليل، وأنا أشك، ما تستاهل التضحية بالقدرات مقابل فارق ضئيل في الراحة.

واذا مرة همك الراحة لهالدرجة، لا تشتري جيب أصلاً، إيش حدك على الجيب؟

ياالربع يا جماعة الخير

ممكن عندي تنويه لنقطه بسيطة

انتو تركزون كثير على كلمة بر بر بر بر

بالله سؤال هل بعيش على طول في البر

والا بروح مره او مرتين اذا ظبط الجو في الشتاء

الحين صارت الشركات تركز على المركبات كبيرة الحجم المصممة للسير على الطرق المعبده اكثر من الطرق الوعرة وهي تعطيك الراحة في السفر وداخل المدينة وتكون تاديتها معقولة خارج الطرق المعبدة "تمشي الحال " وهذا شئ جيد لاني ما راح اعيش في البر

لو تلاحظون نيسان اتجهت لهذة الفئة بعد ما اطلقت قذيفتها ارمادا والتي لاقت رواج مبهر حتى اثرت بشكل كبير على مبيعات باترول الاسطورية صحيح ان الباترول ان باترول مصمما خصيصا للطرق الصحراوية والوعرة ولكن يسلبك الراحة في المدينة والطرق السريعة ولكن بالمقابل ارمادا اكثر راحة واكبر حجم وتادية مقبولة بل جيدة على الطرق الوعرة
وهناك مثال اخر دودج دورانجو وفورد اكسبديشن وتويوتا سكويا واتوقع ان السكويا لو تنزل عندنا راح تاثر على اللاندكروزر
لو تلاحظون عندنا في السعودية انتشار اليوكون والاكسبديشن والارمادا

انا لاحظت اكثر من شخص يقول بدل ما اشتري لاندكروزر ليه ما اخذ يوكون او اكسبديشن احسن لانه مريح واسع اكثر اقتصاد في الوقود اقل سعر قيادة مريحة وفي نفس الوقت ينفع للبر وانا ما راح اجلس في البر 24 ساعة

فانا قرات في بعض الردود واحد يقول مافيه دبل ثقيل وواحد يقول ما يصلح للبر

س: بالله راح اعيش في البر على طول ؟