رأيك سديد و100%
ولكن لااعرف ليش اكثر الشكاوي والمواضيع تختص بالماركيز والفكتوريا تحديداً
تحياتي
اخوي اشكرك على تفاعلك منا
تسأل لي كثرة الشكاوى والمواضيع لان غالب السيارات اللي جتنا كانت غرقانه باعصار كاترينا والاعصار يجيب معاه ماي ورمل ول كل شئ قدامه وبكذا استغلوها التجار نظرا لاسعارها المتدنية ومحد يدري عنها او شنو ماضيها يجيبها لك ويعدل بعض الاشياء ويركب شئ مستعمل يمشيه على الاقل الفحص الدوري وبعدها خلاص الله يعينك على المشاكل طبعا ماراح اعمم على جميع الفورد او الجراند لان بعضه يجيك ماشاءالله وكالة نظيف وبعضه اصبرله شهرين ثلاثة وشوف انواع الخراب
يعني راح تقط عليه ماوراك ودونك وبعدها الواحد يكره السياره
لانه بالاساس ماخذها معدومه او مسمكره والمشكلة الاكبر اعطيك مثال واتمنى كل من قراه
يتعظ
واحد راح يطلع حق ولده او مهما كان سياره الوالد الله يهديه شاف سياره خلنا نقول شافها بالليل وهذا اكبر غلط وعجبته السياره وكلم ولده وشاف الولد السيارة نقول بالنهار الولد شاف بعض الخراب والصدأ كلم ابوه قاله كل شئ يتصلح ليش قال هالكلمة لأنه يبي السعر رخيص وما فكر بسلامة ولده الوالد شار السيارة طبعا سواله خصم على الخراب الموجود بالسياره المهم طلعت السياره والولد ماصدق على الله من فرحته بالسياره حس في بعض الخراب بدا يطلع وكل ماقال حق ابوه طنشه وزهق ابوه من السياره مع ان البدي حقها انظف منه مافيه الولد طفش من كثر جلساتها في الورش اكثر من البيت مرت الايام واصلحت السيارة وصارت وكالة نظيفه بس عقب ما الولد طفش منها وباعها بسعر نقول عنه زهيد طايح مهما كان كم خسر عليها اهم شئ طفش الولد وباع وكره شئ اسمه كراون فكتوريا وجراند ماركيز واي واحد يسمعه يوقول الجراند او الفكتوريا حقي فيها صوت لما ادعس البريك يقوله بيعا وريح بالك وخذ ياباني لانه كره الامريكي بشكل عام وتمر الايام والليالي والولد على حاله كل مانزل موديل جديد يقول ابعدوا عنه لانه مليان خربات وهو ماجربه وتحصل السيارة اصلا ماحد جربها بس لانه امريكي ؟؟.........
يعني هذا المثل حبيت اخليه معنا لكي نصحح نظرة الناس موكل مشكلة نكبرها ونعمماها على باقي الموديلات .........
وهذا الموضوع راح انزله لتصحيح الاخطاء الشائعه بخصوص السيارتين لان كلمن قال عندي الذراع او المقص قالوا بيعها وارتاح راح تشوف الموضوع يكسر الصخر (
قريبا)
