خخخخخخخخ من قال لك ما اعرف الوصف ,, بس استهبل :p
ياخي بس وربي اني قافلة الاخلاق معي وشكلي بنزل موضوع قريب اهزئ فيه الجميح
ياخي انا معي كاديلاك دي تي اس ماشية 47000 وعليها , ومحافظ على الصيانة الدورية باستمرار ..
واحس ان فيها ثقل بالطارة ما ادري المهم رحت للوكالة قبل لا اسافر لان ما ودي اسافر وانا ما شيكت عليها وقلت ابي فحص شامل للسيارة ,, يجي الأخ يقول مافيه فحص شامل قل لنا وش مشكلتك ونصلحها :confused: ..((لاتعليق))
قلت له طيب ابي تحل المشكلة هذي ويقول عندك موعد بعد اسبوعين :mad: ..
المهم رحت لورشة معرووووفه ومعروف شغلهم وادخلها عنده وانا الصراحة مستغرب ملاحظة من مدة هو ان فيه فراغ بسيط بالديكور الامامي سألت راعي الورشة وقال لي هذا الوكيل اللي يفكها اذا وديتها له صيانة دورية كل الكادلاكات تطلع من الوكالة بنفس الشي هذا..
الا وابو الشباب يطلع لي بلاوي ,, اولها كراسي المكينة تعبانة مع ان مالها 3000 كيلو طالع من الصيانة الدورية ,, وكلامه صحيح لان المكينه تحس ودها تقلع بشكل قوي اذا دعست عليها ..
وانا عند الورش لاحظت السيارات الموجودة كلها يا شفر يا جمس يا كاديلاك يا مدري وشو المهم اكثر شي سيارات الوكيل هذا اللي ما يستاهل سيارات مثل هذي ..
ياخي اللي بالوكالة ما يعرف يفتح الكبوت ما يدري وينه المفتاح حقه هو تحت الشبك او فوقه او وسطه :mad: وكذا مرة تطلع لي السيارة والقى فيها شي منهم ,, هذا غير انواع الشخبطة على الجنط لقيتهم كاتبين 5؟؟ وانواع اللزقات على القزاز ...ويحطون لزقاتهم بمواقع استراتيجيه يعني تغطي عليك المراية او وسط الشباك ؟؟!!
ما اقول الا حسبي الله عليك يا جميح ,, ونصييييييييحة لا تشترون كاديلاك وربي انها سيارة جنااااان بس وكيلها يكرهك عمرك والله ..
يعني كانه يقول لك لا تجيب سيارتك عندنا من قال لك تشتري سياراتنا , تعال بعد اسبوعين ؟؟ وانا ما عندي شغل ولا مشغلة الا اراجع فيكم ؟؟ هذا غير تعامله اللي اقسم بالله ما كاني شاري سيارة بأكثر من 200000 كأنه معطيها لي شرهة..
ياخي شي وربي يرفع الضغط ,, قهر تشوف سيارات حلوة زي البي ام والكاديلاك ورنج روفر مع وكلاء مو قد مقام هالسيارات ,, وسيارات ما تستاهل تلقى وكيلها زي العسل وسوقها ماشي :(
ما اقول الا يالجميح حدك تكون وكيل دايهاتسو ام 3 سلندر وكثيرة عليك والله ..
ادري قلبت عليك الموضوع صندوق شكاوي بس هو للفضفضة وبآخذ رايك وراي بعض الاعضاء..
اخوي صراحة قبل تسمع مني هالرد وش كان موقفك من سيارات كاديلاك , وهل كون وكيله سيء يغير من رأيك بخصوص هالسيارة او حتى غيرها؟؟؟ السؤال موجه لك ولأي عضو قرا هالرد ..
تقبل تحياتي وبانتظار ردك وردود البقية
وتحياتي لكل رواد قهوة الإقلاع مقهى منتدى السيارات :D
