السلام عليكم ورحمة الله وبركاته
حقيقة هذه اول مشاركة لي في هذا المنتدى الاكثر من رائع
اكثر من عجبني بصراحه الكم الهائل من الخبرات وذوي الاختصاص والرأي السديد
وهذا الي شجعني صراحه اطرح مشكلتي على امل القى حل ان شاء الله على يدكم
المشكله في سيارتي (كراون فكتوريا 98) اشتريتها بسعر 21 الف ريال قبل اسبوع
وفحصتها بالكمبيوتر(مكينه ـ قير ـ نظام التعليق ) وكل شي تمام ولله الحمد
لكن عندي مشكله في القير وهي اذا كنت ماشي وبعض الاحيان اذا غير التعشيق اسمع صوت
ارتجاج مثل ( طرررررررررر) لمدة ثلاث ثواني تقريبا ويختفي الصوت
والصوت هذا يطلع في بعض الاحيان يعني اذا رحت مشوار اسمعه تقريبا خمس او ست مرات
ومو كل ما يغير القير يطلع ذا الصوت لكن يطلع الصوت هذا في بعض التغيرات مره الثاني ومره الثالث
واذا مشيت فوق سرعة 100 ما اسمع صوت
بعض الاوقات يطلع اذا عشق القير وبعض الاوقات ما يطلع .
وديتها عند مركز القحطاني في ام الحمام في الرياض وطلع يجربها قال هذه الرجه من القير
ويبي له توظيب قلت له انا فحصت القير بالكمبيوتر . قال : فحص الكمبيوتر يشيك على كهربة القير
مو على شغله .
الشاهد ما ادري صراحه ابيع السياره والا اصلحها
مع العلم اذا بعت السياره لازم اقول للمشتري ان فيها عيب في القير ( من غشنا فليس منا )
وبالتالي تنباع لي بسعر رخيييص
وانا مقبل على الزواج بعد شهر وضروفي قد لا تسمح .
الشاهد من هذه المشكله
اتمنى اذا احد يعرف حل للمشكله هذه يعطيني حل او راي له من ذوي الاختصاص والخبره
امل ايجاد الحل باسرع وقت ممكن
ولكم تحياتي وكل تقديري لاهتمامكم وافادتكم .
